Adnan Oktar A9 TV; 16 iyun 2017

Çətinlik anında Allaha sevgi ilə sadiq olmaq çox yüksək əxlaqdır. Səhabələr belə yüksək əxlaqa malikdilər. Hər müsəlman bu əxlaqa malik olmalıdır.

Dünyadakı imtahan çox çətindir. Allah güclü sevgi yaranmasını istəyər, buna görə də, çətinliklər yaradar.

Sevgi olmadan hörmət yaranmaz, təkcə süni hörmət nümayişi yaranar.

Sevgi, dostluq, qardaşlıq olsa insanların, evlərin, ölkələrin arasında divarlar olmaz.

Heyvanlara sevgi göstərildikdə daha da çox gözəlləşirlər, hərəkətləri də gözəl olur.

Mülki vətəndaşlara istiqamətli hücum vəhşilikdir. Allah müsəlmanların xristianlara və musəvilərə dost olmalarını bildirir, vuruşmalarını deyil. Maidə surəsinin 82-ci ayəsində xristianların müsəlmanlara yaxın olduğu bildirilir. Kitab əhli müsəlmanlara əmanətdir, onlara hücum edilməz.

Misirdə və ya digər ölkələrdə xristianların və musəvilərin ibadətxanalarına hücum olması İslama görə zülmdür. Bütün ibadətxanalar müsəlmanların himayəsi altındadır. Qardaşlarımız ölkələrindəki Kitab əhlinə sahib çıxsınlar və onların mübarək məkanlarını qorusunlar.

Kitab ilə təbliğ dəccaliyyətə vurulmuş elmi zərbədir.

Qurandakı Allahın hökmündən kənar hökm olmaz. Ən gözəl, ən doğru hökm Qurandadır. (Ənkəbut surəsi, 51: özlərinə oxunan Kitabı sənə nazil etməyimiz onlara kifayət etmirmi? Şübhəsiz ki, bunda iman gətirən qövm üçün həqiqətən rəhmət və öyüd (zikr) vardır.)

Bütün musəviləri düşmən kimi görmək cəhalətin və ənənəçi ortodoks təhsilin nə cür fəlakət olduğunun dəlilidir. Allah Quranda Kitab əhlindən qadınlarla evlənə bilərsiniz, onların yeməkləri sizə halaldır deyir. Qurana görə Kitab əhli dostdur. Düşmənlik və nifrəti təlqin edən anlayış ən çox müsəlmanlara zərər verir. Allah nifrət hissi ilə deyil, şəfqətlə hərəkət etməyimizi istəyər.

İnsan unutmağa meylli xarakterə malikdir. Kitab, bu unutqanlığı aradan qaldırmaq üçün sağlam mənbədir. Kitab gözəl mürşiddir.

Mədəni və keyfiyyətli olmağın zövqünə qovuşmuş insan kitab oxumaqdan zövq alar.

Hər insanın kiçik, sadə də olsa kitabxanası olmalıdır. Haqq məlumat daşıyan kitab oxumağın fərəhliyi, aydınlığı tam fərqli olar.

Allah xristianlara və musəvilərə şəfqətlə yanaşın deyir. Mövhumatçılıqda isə Kitab əhli potensial düşmən görünür. Bu, Qurana uyğun deyil.

Allah şəhidlərimizin şənini, adını, gözəlliyini sonsuza qədər cənnətdə davam etdirsin.

Sevgisizlik xəstəliyi vəba kimi yoluxucu və təhlükəli xəstəlikdir. Bu xəstəliyə qarşı mütləq tədbir alınması lazımdır.

İran irq üstünlüyünə görə deyil, ümmət anlayışına görə idarə olunan ölkədir. İranın irqçi olduğu iddiaları həqiqəti əks etdirmir. Şiələrin yanlış cəhətləri ola bilər, lakin əhli-beytə və hz. Əliyə aşiqdirlər. Əhli-beytə edilən xainlikdən ötrü yaşadıqları qəzəb hissi var. O tarixi qəzəbin ağrısıyla özlərini qorumaq üçün çox güclü olmalarının lazım olduğuna inanırlar. Lakin bu fars irqçiliyi düşüncəsi deyil. Şiələri, sünniləri, vəhhabiləri çox sevir, hamısını müsəlman qardaşımız kimi görürük. Müsəlmanlar bir-birlərini irqçiliklə ittiham etməməlidir.

Allah zər aləmində bütün bəşəriyyəti yaratmışdır. Sonra insanları ata-ana vəsiləsi ilə dünyaya göndərmişdir. Zər aləmində təkamül yoxdur.

Hər insan, dünyanın ən gözəl insanının bədəni də daxil olmaqla, məzarda darmadağın olacaq. Vücudunu hərisliklə sahiblənmək mənasızdır.

İnsanların bir çoxunun ağlı nemətlərə deyil, əksinə imtahanın çətinliklərinə ilişir. Çətinliklə qarşılaşdıqda Allahı unudurlar. Allah saysız-hesabsız nemət yaradır, nemətləri saymaqla bitirə bilmirik, lakin bəzi insanlar ən kiçik çətinlikdə Allahın əleyhinə düşünürlər.

Allahın sənətini həmişə düşünmək və izah etmək lazımdır. Hər yerdə hər kəsin bir-birinə Allahın sənətini xatırlatması lazımdır. Beynimizin içində gözsüz görən biri var, bu çox böyük sənətdir. Meteoritlərin arasında böyük sürətlə hərəkət edirik, bu böyük sənətdir. Allah xoşumuza gələn şəkildə musiqi yaradır. Həm musiqini, həm də musiqinin xoşumuza gəlməsini yaradır. Bu böyük sənətdir. Xalçanın tək ipliyində yunun alındığı heyvana dair bütün məlumat var, bu çox böyük sənətdir. Xarici aləmdə səssizlik, qaranlıq hakimdir, lakin biz beynimizdə par-par parıldayan rəngarəng dünyada yaşayırıq. Bu Allahın mükəmməl sənətidir.

Təkamül adlı proses yaşanmadı. Tapılan 700 milyon fosil var, hamısı bir anda yaradılmanı göstərir, saxta təkamül prosesini göstərən tək fosil yoxdur.

Mehdi gəlməyəcək deyə həmişə deyənlər mehdiyyətin doğru olduğunu bildikləri üçün belə təşvişə qapılırlar. Mehdi zühur etməyəcək deyənlər əlamətlərdən israrla heç bəhs etmirlər. Çünki Mehdinin bütün əlamətlərinin reallaşdığını bilirlər.

Darvinizm elmi düşüncə deyil. Keçmiş bütpərəst dinlərdə olan bütpərəst inancdır. Gənclərə elm olaraq öyrədilməsi doğru deyil.

Avropada yaşayan müsəlmanların bir çoxu bir-birlərinin məscidlərində belə getmirlər. Halbuki hamısının bir-birini coşğu ilə sevib qorumaları lazımdır.