Adnan Oktar A9 TV; 29 Noyabr 2012

Quranı tətbiq etdiyində ağıl, mədəniyyət, yaxşılıq, gözəllik, yaxşı niyyət, səmimiyyət, o insanın ruhuna oturur. Onun üçün Quran dünya üçün çox böyük bir nemətdir. Ən böyük nemət: iman, Qurandır maşAllah.

Əgər insanların hər şeyinə əsəbləşsən, hər şeyində bir qüsur axtarsan kimsə kimsəni sevə bilməz. Hər şeydə bir gözəllik axtarmaq lazımdır, hər şeyin gözəl tərəfini görmək lazımdır. O zaman çox sevə bilərik. Hər şeyə xeyir gözü ilə baxmaq lazımdır.

İmanı gizləməyə ehtiyac yoxdur. İmanın insanlar tərəfindən duyulması bir bərəkətdir, gözəllikdir. Çünki başqa imanı zəif olan varsa, o da açılar elə bir şey eşitdiyində, o da şövqlənər.

Müsəlmanların başında bir hakim, sevən bir ata, sevgini paylayan bir insan olması lazımdır. O dostluq, o anlayışlı olma ruhunu onlara yönəldən, ortalığı sakitləşdirən, döyüş ruhunu qaldırıb sevgi ruhunu onlara ehtiva edən çox sevilən biri lazımdır. Bu da ancaq Mehdi (ə.s)-dır.

Mehdi (ə.s)-ın zühur etməsi, İsa Məsih (ə.s)-ın o mübarək nəfəsinin hiss edilməsi lazımdır. Mütləq müsəlmanların başına mənəvi bir lider, hər kəsin sevəcəyi bir sevgi müəlliminin gəlməsi lazımdır. Belə olmazsa, qarışıqlıqlar da bitməz.

Xurafatçı düşüncədə sənət yox, elm yox, estetika yox, musiqi yox, gözəllik yox, azadlıq yox, qadınların gözəlliyi yox, qadınların baxımı yox, uşaqların gözəlliyi yoxdur. Heç bir şey yoxdur. İslam belə olmaz. Belə bir İslam yoxdur. Quranın izah etdiyi İslamı yaşayaq. Bunun xaricində bir şey qəbul etmərik.

PKK İslam Birliyini istəsə, bu çox böyük bir hadisə olmuş olar. Dünya “dərin dövlət”inə böyük bir zərbə vurmuş olar.

İslam Birliyi üçün qürur və təkəbbürün olmaması lazımdır. Bunun bir xidmət etmək, gözəllik təqdim etmək istəyi olduğunun yaxşı vurğulanması lazımdır. Çünki insanları ən çox hirsləndirən mövzulardan biri, özünə böyüklük edilməsidir.

Cənub-şərq, İslam Birliyi ilə Londondan, Parisdən çox daha gözəl hala gələcək inşaAllah. Kürd qardaşlarımız, Mehdi (ə.s) vəsiləsi ilə cənnət kimi bir həyat yaşayacaqlar.

İslamın yayılmamasının tək səbəbi keyfiyyət əksikliyidir. Bir dinsizə də desən ki, "sevgi, mərhəmət, şəfqət, dostluq, yoldaşlıq, demokratiya, xoş niyyət, xoş söhbət olan bir mühit, ictimai ədalət, elmdə, sənətdə, estetikada ən yüksək dərəcədə inkişaf, nə deyirsən?" desən, "Dərhal qəbul edirəm" deyər. İslam budur.

Kiçik bir nöqtədə əgər bir çirk meydana gəldisə elektrik süpürgəsini üstünə qoysan varını, yoxunu hamısını təmizləyər. Kökdən təmizləyər. İslam Birliyi hər şeyi təmizləyər. İslam Birliyini istəyin. Mehdiyyəti istəyin.

İslam Birliyi olunca kürd olan qardaşlarımızın olduğu bölgələr təbii ki, çox azad, dinc olacaq. Onlara misli görünməmiş bir azadlıq, mədəniyyət, rahatlıq və gözəllik təqdim edəcək İslam Birliyidir.

Demaqoqluqla heç bir yerə çatmaq olmaz. Dəqiq həll var: İslam Birliyi. Əks təqdirdə iztirab, ağrıdan başqa bir şey çıxmaz.

Cənab Allah "Mənim adımı xatırlayın. Ondan sonra da oturun" demir ki. İslam Birliyini bizə fərz etmişdir. İslam Birliyi olduğunda bütün narahatlıqlar, qarışıqlıqlar, bir-birini bəyənməzliklər hamısı ortadan qalxar. Çünki ən ağıllı, ən doğru sistem qurulmuş olacaq.

Hökumətimiz yeni Konstitusiyadan əvvəl hüququ yaxşılaşdırmalıdır.

Osmanlı dövrünə bir daha dönməyəcəyik. Osmanlı, Səlcuq dövrünə də bir daha dönməyəcəyik. Amma onların gözəl xatirələrindən istifadə etmək olar. O dövrlərin hadisələrinin hikmətindən istifadə etmək olar.

Heç vaxt Osmanlıya geri qayıtmarıq. Yəni yeni Osmanlı siyasəti yoxdur. Mehdiyyət siyasəti vardır. İslam aləminin birləşməsinin adı mehdiyətdir, mehdilikdir. Onun başına keçən şəxsə də Mehdi deyilir. Bu, İsa Məsihin dəstəyi ilə olacaq

Təbii seleksiyanın təkamül keçirdən, yeni növ əmələ gətirən gücü yoxdur. Orqanizmi zəif olanın yox olması, yeni növ əmələ gətirməz. Darvinistlərin "təkamül keçirdən güc" deyə irəli sürdükləri təbii seleksiya, canlı əmələ gətirə bilməz, yeni növ yarada bilməz.

Bəzi bacı-qardaşlarımız İngiltərə dərin dövlətini hələ yeni-yeni anlayır və Türkiyənin nə qədər fövqəladə dövrdən keçdiyini qavraya bilmirlər. İngiltərə dərin dövlətinə açıq-açıq qarşı çıxan bir lider var, o da Tayyib hocamdır. Buna görə də, millət olaraq milli liderin ətrafında bir-birimizə möhkəm bağlanaq.

İslam Birliyi olmadan, Mehdiyyət ruhu hər tərəfi əhatələmədən, İsa Məsihin -İsa İbni Məryəmin- gözəl əxlaqı, gözəl varlığı yer üzündə hiss edilmədən, Mehdiyyətlə birlikdə mübarizəsi görülmədən dünyada hüzur deyilən bir şey olmaz.

İslam Birliyinin meydana gəlməsi üçün Allah dünyaya ömür verdi. Hal-hazırki ömrün səbəbi budur. Qiyamətin vaxtı gəldi. Qiyamət Mehdi (ə.s)-ın çıxması üçün uzadılır, İslam Birliyinin meydana gəlməsi üçün.

Narkotik, depressiya əleyhinə yemək, içmək kimi istifadə edilir. Niyə? Çünki Mehdiyyətin o gözəl, isti iqlimi meydana gəlmədi. Sevgi hakim olmadı dünyaya, mərhəmət, dostluq hakim olmadı. O elə olunca anti-depressiya qida halına gəlir.

İmanla, Allahın zikri ilə, Mehdiyyətin ruhu ilə, sevgi ilə, eşqlə, ehtirasla, dostluqla, qardaşlıqla, söhbətlə, bağışlayan olmaqla, gözəl zənlə, şübhəçilikdən qurtuluşla, güvənin gəlməsi ilə dünya cənnətə dönər.

Quran nə gözəldir. Heç bir yerində ziddiyyət yoxdur. Hər izah mükəmməl, hər izah vicdanı rahatlaşdıracaq şəkildə ağıla uyğundur. Tətbiq olunduğunda dünyada hüzur meydana gəlir. Şəxs özü tətbiq etdiyində özündə mükəmməllik meydana gəlir.

Bir insan şübhəlidirsə, insanlara güvənə bilmirsə, qorxu içində yaşayırsa, sevgini bilmirsə, nifrətə açıqsa, rəqabət ruhundadırsa, kindən, küsməkdən, inciməkdən, döyüşdən xoşlanırsa ağrılar bitməz. Dəccal da insanların bu zəifliyini bildiyi üçün buradan yanaşıb insanları məhv edir.