Adnan Oktar A9 TV; 13 noyabr 2016

Mehdiyyəti ört-basdır edə bilmək üçün Rəsulullahın yüzlərlə möcüzəsini gizlədirlər. Gələcəkdə bu rəftarlarından ötrü çox xəcalət çəkəcəklər.

Mehdiyyətə qarşı çıxanlar hədislərdə ifadə edilən əlamətləri tək-tək saysınlar və bunlar gerçəkləşmədi desinlər, deyə bilməzlər çünki hamısı gerçəkləşdi.

Allah öz peyğəmbərlərindən istədiyinə qeybi bildirər. Peyğəmbərimiz (s.ə.v)-ə də Axırzamana dair qeyb xəbərlərini bildirmişdir.

İnsanların əksəriyyəti mehdiyyətin gerçəkləşəcəyini gözləmirdi. Öz aləmlərində xəyali bir ehtimal kimi görürdülər. Əlamətlərin dəqiqliyi həqiqəti göstərdi.

Peyğəmbərimiz (s.ə.v) Mehdinin zühur əlamətlərinin bir-birinin ardınca gələcəyini söyləmişdir. 1400 ildir ki, ilk dəfə bütün əlamətlər eyni dövrdə gerçəkləşir.

Dabiq hədisində keçən 80 millətin əsgərinin bölgədə toplanması ifadəsi 1400 ildir ki, ilk dəfə gerçəkləşdi.

Dabiq mövzusundakı hədislər mötəbər hədis kitablarında qeyd olunur və bu hədislərdə qeyd olunan hadisələr eynilə gerçəkləşmiş olduğu üçün də bu hədislərin səhih olduğu görünür.

Mehdiyyətə dair yüzlərlə əlamətin mükəmməl və düzgün gerçəkləşməsi heyranedici haldır.

Axırzamanda iqtisadi böhranların olacağı həm hədislərdə, həm də Tövrat və İncildə xəbər verilib.

Axırzaman əlamətləri, Mehdi, İsa Məsih, Allahın vədidir. Allah vədinə xilaf çıxmaz Mehdi və İsa Məsih, Dabbədən, yəni televiziya və internetdən istifadə edərək təbliğ edəcəklər.

Bədiüzzaman Axırzaman hədislərinin vaqe olmasından sonra, yəni baş verməsindən sonra dəqiq şəkildə aydın olacağını söyləmişdir.

Peyğəmbərimiz (s.ə.v) Axırzamanda İstanbulda körpünün ordu batalyonu tərəfindən tutulacağını və Şərqdən gələn təyyarələrin üzərində uçacağını söyləmişdir.

Axırzamanda, Mehdi dövründə Hələbin mühasirəyə alınacağı bildirilmişdir. (Əmir əl-möminin Əli bir xütbəsində belə buyurdu: üfr əhlinin fitnəsi İslamı zəiflədər. Odu Şamı yandırar. HƏLƏBİ mühasirəyə alarlar. Heyif olar, hər tərəf viran olar, dağılar. Bəla bütün diyarları gəzib dolaşar. İlzamun Nasip, 2-ci cild)

Axırzamanın ortasında olduğumuz halda hədislərin reallaşdığını anlamazlıqdan gəlmək çox böyük səmimiyyətsizlikdir.

İmam Sadiq belə buyurdu: İki körpü əngəlləndiyi vaxt, məhz bu Əhli-Beytdən qaim Mehdimizin zühur vaxtıdır. (Melaim vel Fiten, İbni Tavus, 181)

Rəsulullah (s.ə.v)-in xəbər verdiyi böyük əlamətlər Mehdinin olduğu zamanla eyni vaxtda reallaşacaq. Bu da Mehdinin zühurunun mühüm dəlilidir.

Peyğəmbərimiz (s.ə.v) Axırzamanın imtahanlarının çox şiddətli olduğunu bildirmişdir. Hər hadisə insanları düşündürmək üçün yaradılar.

Peyğəmbərimiz (s.ə.v)-in Axırzaman möcüzələrini gizlədən bəzi şəxslər gələcəkdə çox rüsvay olacaqdır. Qəribə məntiqlə Axırzaman hədislərini gizlədirlər. Onların bu əlamətləri bütün gizləmə səylərinə baxmayaraq, bütün Türkiyə əlamətləri öyrəndi.

Allah böyük hadisələri insanları yuxudan oyatmaq üçün yaradır, lakin bir çox insan vecinə almır. Yanında bomba partlayır, bunu media xəbəri kimi söyləyir. Peyğəmbər (s.ə.v)-in hədislərində insanların hamısı bu dərin yuxularından tamamilə oyanana qədər hadisələrin davam edəcəyini görürük.

İslam Birliyi planla, layihə ilə olacaq şey deyil. Suriyanın mövqeyi, İraqın mövqeyi inkişaf etdiyi bir vaxtda, göydə də, Allah, hədisdə çıxacağı bildirilən quyruqlu ulduzlarla işarəsini verir. Bunlar insanların edə biləcəyi şeylər deyil. Biz ikibaşlı quyruqlu ulduzu göyə qoya bilmərik. Hadisələr tamamilə tale çərçivəsində baş verir.

Peyğəmbərimiz (s.ə.v), hz. Mehdi (ə.s) dövründə Betlehəm ulduzunun görünəcəyini söyləyir. Betlehəm ulduzu hələ bu yaxınlarda görüldü. 2000 ildən bir görülür; bir dəfə hz. İsa (ə.s)-ın dünyaya gəldiyi vaxt görüldü, bir də hz. Mehdi (ə.s)-ın zühurunda.

Fitnə bütün Fransanı, Avropanı, hər yeri bürüyəcək. 2015-ci il çox qanlıdır, çox böyük hadisələr yaşanacaq. 2016-cı il də elədir, 2017-ci il də həmçinin. 2019-cu ildə bir rahatlıq başlayar. Allaha sarılmadıqca Allah insanlara rahatlıq verməz. Bu da Mehdi (ə.s) ilə mümkündür.

Dəccalın, şeytanın zəncirlərinin açıldığı bir dövrdəyik. Dəccalın zəncirləri açıldı. Peyğəmbərimiz (s.ə.v): "O (Dəccal) zəncirə vurulmuşdur" deyir. "Axırzamanda zənciri açılır" deyir. Dəccalın zənciri açıldıqda, kafirlərin də zənciri açılır və beləliklə hücuma keçirlər. Artıq zalımlar, münafiqlər və əxlaqsızlar üçün əlverişli bir mühit yaranmış olur.

Allah əvvəlcə bəlanı, pisliyi yetərincə göstərir. Sonra təmizliyi, üstünlüyü, gözəlliyi göstərəcək. Hal-hazırda dünya cəhənnəmi yaşayır. Bir müddət sonra cənnəti yaşayacaqdır.