Adnan Oktar A9 TV; 18 may 2014

Nuru yaradan, gözəlliyi yaradan Allahdır. Bir insan yaraşıqlıyam deyə öyünsə, bu gülməli olar. Allah ona təcəllisini göstərir. "Ya Rəbbi, nə gözəl təcəlli edirsən" deyəcək. "Mən nə gözələm" deməyəcək, "Nə gözəl yaradırsan" deyəcək.

Allah nə istəyirsə o yerinə yetirilər. Allaha qarşı müqavimət göstərmənin sonu fəlakətdir.

Yaradanın gücü nəfəs kəsicidir, amma imanın nuruyla baxana. Qəflət gözüylə baxan gündəlik hadisələrin acısıyla məşğul olur. Yeməyini yeyə bildimi, yata bildimi, işləri yolunda gedirmi, filankəslə qısqanclıq rəqabəti varmı? Boş işlər.

Beyin həqiqətə istiqamətləndirildiyində “Alisa Möcüzələr ölkəsində"-ki kimi olar. Pərdə qalxır, Yaradanın sevinc verəcək, heyrətlər içində qalacaq aləminə giririk. Elə bir aləmdir ki, ucu-bucağı yoxdur. Sonsuzdur. Hər birində nəfəsimiz kəsilir. O sənətdən o sənətə, o gözəllikdən o gözəlliyə.

Bitkilər və heyvanların hamısında Allahın təcəllisi vardır. Məsələn, bitki deyirsən, amma onun xromosomu fövqəladə bir gücə sahibdir.

İnsanlar özlərini çox böyüdürlər, amma uzaqdan baxdıqda dünya ləbləbi qədərdir. Bir az daha uzaqlaşsan toz qədərdir. Bir az daha uzağa getsən heç yoxdur, görünmür. Allaha təslim olub Onun dediyi kimi yaşamaq çox əhəmiyyətlidir.

Allah sabitlik istəmir, mütləq durğunluğu pozur. Məsələn, dağı yanardağ halına salır, ərazini zəlzələ ilə hərəkətləndirir, insanı ya xəstələndirir, ya sevindirir, ya da canını alır, amma Allah hər şeydə mütləq hərəkətlilik yaradır, durğunluq yox.

Hz. Mehdi (ə.s) İslamı hikmətlə, qısa və köklü olaraq izah edəcək. Bilavasitə, ümmətin təfərrüatda boğulması vəziyyətini aradan qaldıracaq.

Hz. Mehdi (ə.s)-ın yanında da onu əhatə edən məlumat olacaq. Bəzi müəllimlər kimi təfərrüatlara girərək boğulmayacaq. Özünü, hikmətini izah edəcək. Bir şeyi izah etdikdə, onu tam olaraq qısa və köklü şəkildə açıqlayacaq.

Allahın zəngin yaratma təfərrüatlarına baxıb heyran olacağıq. O zaman Allah eşqi daha da artar. Eşq artdıqca Allahdan qorxu da artar. Allah qorxusu artdıqca təvəkkül artar. Təvəkkül artdıqda insanın sinirləri, başı, beyni çox rahatlayar,özündə bir asanlıq, sevinc hiss edər, inşaAllah.

İnsan Allahın sənətindən yorulmaz. Allahın sənəti eşqlə araşdırılmalıdır. Necə ki, çiçəyini, pişiyi, gözəl bir uşağı necə eşqlə araşdırır, sevirsinizsə Allahın sənəti olan hüceyrəni də eşqlə araşdırmalısız.

Allaha tam sığınsınlar, təslim olsunlar. Bərəkət və bolluq bütün dünyanı bürüyür. Başqa yolla ağrıdan, bəladan, fəlakətlərdən xilas ola bilməzlər.

İnsan təvəkkül edir, amma puluna, yoldaşlarına, fiziki qüvvəsinə, silahına, tayfasına təvəkkül edir. Belə olmaz. TƏK GÜC ALLAHDIR. Tək təvəkkül edilməli olan ALLAHDIR. Mütəvəkkil, vəkil tutmaq, güvənmək deməkdir. Yəni Allaha təslim olmaq, Allahın öhdəsinə buraxmaqdır.

Allah bəzən bəzi insanlara bir mövqe verir, bir güc verir, imkan verir. Sən: "Allah ona niyə bu vəzifəni verdi? Niyə bu asanlığı verdi?" desən yenə doğru yolda olanlardan olmazsan. Allahı sorğulayan adam doğru yolda olanlardan olmaz. "Hikmət var, xeyir var" deyəcəkdir. "Allah bilir, mən bilmirəm" deyəcəkdir.

Hikmətli, qısa və dəqiq danış. Uzun danışmaq, boşboğazlıq etmək çox böyük xəstəlikdir. Bütün dünyada geniş yayılıb.

Biz bu dünyada rahatlamaq üçün deyil, Allahı sevdiyimiz üçün Allaha təslim oluruq.

Çətinliyi tərif etmək üçün Allah “göyə yüksəlirmiş kimi olarsan” deyir. Amma ALLAHA ÜRƏKDƏN TƏSLİM OLSAN, ÜRƏYİNDƏ BİR SAKİTLİK TAPARSAN .

Tək Allaha təslim olmaq insan üçün qurtuluşdur. Xurafatçılar çox şərh edirlər, dillərini əyib bükərlər. XURAFATÇILARDA ŞƏRH, ŞEYTANİ BİR ÜSULDUR. Buna heç bir şəkildə aldanmamaq lazımdır.

"Nə gözəl danışır" deyəriksə şirk olar. "Allah nə gözəl danışdırır", "Allah nə gözəl yaradıb" desə bu təslimiyyət olar. Allaha özümüzü tam mənasıyla təslim etməliyik, ONun bizi danışdırdığını, ONun nəfəs aldırdığını bilməliyik.

Qurandakı hikmətlər əhəmiyyətlidir. Onları görməyə çalışmalısan. Yoxsa istəsən 10 dəqiqədə çoxlu ayə oxuya bilərsən. Sürətlə oxuya bilərsən. Amma Quran, aramla və düşünülərək, mənaları açılaraq, hikməti getdikcə aydınlaşaraq oxunulmalı olan Kitabdır.

Mehdi (ə.s) demaqoqluq etməyəcək. Qısa və konkret danışacaq. Sözü uzadıb özünü bəyəndirməyə çalışan çıxışlar deyil, tamamilə məsələ barəsində hikmətli, qısa, təsir oyandıran, məsələni tam əhatə edən və ona əsaslı çıxış yolları gətirən çıxışlar edəcək.

Hər şeyi bilən, hər cür hökmü meydana gətirən Allahdır və Allah hikmət sahibidir, bir şey etdiyində onun bir hikməti olar. İnsan; "çox böyük tərslik oldu" deyir. Xeyr, hikmətlə olur. Sən bunu qavraya bilmirsən. Sən bunu ya dünyada, ya da axirətdə öyrənərsən; amma hikmətlə yaradılır.

Allah hər şeyi planlı və gözəl yaradır. Lakin hikmət həmişə axtarılmalı, baxılmalıdır. İnsan hikməti görməsə sıxılar dünyada. Qəlbi daralar. Hikmət gözüylə baxsa qəlbi rahatlayar.

Bütün məsələ Allaha səmimi-qəlbdən təslim olmaqdır, Allahı sevməkdir. Bu cür olsan, yavaş-yavaş yoluna doğru irəliləyərsən. Sürətli getməyə çalışarsan, lakin Allah sənin sürətlənmənə icazə verməz. Mehdiyyət yavaş irəliləyən sistemdir. Mehdi tələbələri də yavaş təkmilləşərlər. İstədikləri qədər can atsınlar, nə edirlərsə etsinlər, Allah o müddəti tamamlayar.

Hüceyrə Allahın sənətinin çox ehtişamlı təcəlli etdiyi yerdir. Bir insanı hüceyrənin içinə atsan, orada bir həftə yaşasa alını səcdədən qalxmaz. Oraya girə bilmədikləri, o aləmi görə bilmədikləri üçün insanların imanları zəif olur.