Adnan Oktar A9 TV; 13 İyul 2012

Şəfqətli, mərhəmətli, sevgi dolu olmaq cənnət əxlaqına xas olduğu üçün Allah bu xüsusiyyətləri sevir. Əslində biz onun üçün yaradılırıq. Allah bizdə onları görmək istəyir.

SEVGİ DOLU İNSANLAR ÇOX NADİR OLURLAR. Halbuki, nursuz bir çox insan vardır. Dayanmadan pis, mübahisəçi, söz atan, qəlbqırıcı üslubları vardır. Bunu bəzi ölkələrdə siyasətə də qarışdırırlar. Nifrət toxumları əkən quruluş var. Şeytanlıq bu sistemə də girdi. Halbuki, partiya sistemində mehriban və dostyana bir üslub olmalıdır.

CƏNNƏT SEVGİ YURDUDUR. Cənnətin hər yerində sevgi var. Məsələn, quşlar insanları sevər, onlardan qorxmaz, insanlarla dost olar, özlərini sevdirməyə çalışarlar. Şirin hərəkətlər edər, insanlara gözəl iltifatlar deyərlər. Cənnət atları çox gözəl iltifatlar edər, sevgi göstərər, çox nəzakətlidirlər. Eynilə insan kimi ağıllıdırlar. Cənnətin bütün heyvanları və insanları nəzakəti, sevgini çox yaxşı bilirlər.

Bizim dünyaya gəlmə məqsədimiz imtahandır, Allaha qulluq etməkdir. Allaha qulluq edərkən, imtahan olunarkən ən əhəmiyyətli hadisə sevgidir. Allah sevilmək istəyər, qullarını sevər.

Peyğəmbərimiz (s.ə.v.) müşriklərə də şəfqət göstərirdi, kitab əhlinə də, hər kəsə İslamı izah edirdi. Nifrətlə nəyəsə nail olmaq olmaz . Sevgi ilə, şəfqətlə, mərhəmətlə, ağılla, elmlə, sənətlə, gözəlliklə nəticə əldə etmək olar.

Cənnət sevgi, məhəbbət, gözəllik yurdudur. ALLAH BİZİ SEVGİ ÜÇÜN YARADIR. ALLAHIN BƏYƏNDİYİ ŞEY SEVGİDİR.

İki günlük dünyadır və imtahan oluruq. "Sevək, sevilək, dünya heç kimə qalmaz." Vaxt itirmədən qardaş olaq, mehriban olaq. Mehriban olmaq çox asandır. Beş, on ölkənin liderləri, ziyalıları bir araya gələcək, qərar verəcək və tətbiq edəcəklər. Hər şey bu qədər asandır. Heç kim bir şey deməz. İnsanlarda bayram sevinci yaşanar, problem də bitər, İnşaAllah.

Müharibə, tank, top, atom bombası ilə nə sevgi, nə xoşbəxtlik, nə dünya hakimiyyəti, nə yaxşılıq, nə də gözəllik əldə etmək olar. Gözəllik, yaxşılıq şəfqətlə, mərhəmətlə olar. Sevgi ilə nəticə əldə etmək olar.

Bombalama, asmaq, kəsmək kimi mübarizə üsulları heç vaxt xoş qarşılanmayıb. Ağıllı izahatla, elmlə, sevgi ilə, biliklə, sənətlə məsələləri həll etmək lazımdır.

Ağılın yolu birdir. Quranla, İslamla, ağılla, sevgi ilə, məhəbbətlə həll yolu tapaq. Mehdiyyətlə nəticə gözəl olacaq. İntiqam ruhu ilə davranılsa qarşı tərəf daha da şiddətli dərəcədə intiqam almağa çalışar . Belə olmaz.

Əgər sevgi olmasa, cənnət bağçaları ağaclarla dolu olsa, cənnətin çayları heç kimi maraqlandırmaz. Vildanların, cənnət uşaqlarının şirinliyi də onları maraqlandırmaz. Cənnət qılmanları, huriləri, cənnətdə evlər, cənnət yastıqları vardır. Cənnət yastıqlarında əl işləmələri, cənnət badələri, sürahilər vardır. Bütün bunlar sevgidən qaynaqlanır.

Bizim sevgimizi də Allah yaşayar. Allah Özü yaratdığı üçün sevgimizdən xəbərdardır.

Sevgidən sevgi doğar. Dərhal insanda bir qorumaq hissi yaranır. Ömrü boyunca sevən, axirətdə də birlikdə olmaq istəyən bir ruh inkişaf edir. Allahın bəyəndiyi də budur.

Qəddarlığı, nifrəti din kimi qəbul edirlər. Belə şey olmaz. Əgər sevgi ilə, şəfqətlə yaxınlaşmasaq, insanlar müsəlman olmazlar. Şəfqətlə yanaşmasaq heç kim dinə yaxınlaşmaz. Sən nifrətlə yaxınlaşsan, insanlar dini, İslamı öyrənə bilməz.

Gözəllik Allahın vəsfidir. Allah gözəli, gözəlliyin sevilməsini bəyənər. Allah gözəllikdən məmnun qalmağımızı istəyir. Sevgini yaşamağımızı və Onu sevməyimizi istəyir. Onu sevməyimiz üçün qorxmağımızı istəyir.

SEVGİ OLMASA KAİNATIN, HEÇ BİR ŞEYİN MƏNASI OLMAZ. Hər şey sevgiyə əsaslanır. Zərif, itaətli, dedi-qodusuz sevərik. SİSTEM SEVGİ ÜZƏRİNDƏ QURULUB. Allah bizdən bunu istəyir.

Sevgi kainatın yaradılış səbəbidir. Allah buyurur ki, "İnsanları Mənə ibadət etsinlər deyə yaratdım".Amma ibadətdə də Allah sevgini əsas götürür.

Sevgidə bütövlük vardır, həmişə birlikdə olmaq istəyərsən. Eqoistlikdə kiçilmək vardır. İNSAN EQOİST OLMASA HƏR KƏSİ SEVƏR. Özü üçün olanın hər kəs üçün olmasını istəyər. Sevgisini bölüşər, sevgini bölməz. Hər kəsə qarşı sevgi, şəfqət hissi bəsləyər.

Elə zənn edirlər ki, sevməyə qərar versən sevə bilərsən. Amma elə deyil, sevgini Allah verməlidir. Nə qədər də istəsən, sevgi yaranmaz, sevgi taleyində olmalıdır.

Allah qadını imana, əxlaqa yönəlmiş şəkildə yaratmışdır. İman, əxlaq görsə qarşısındakını sevə bilər. Onu görməyəndə Allah ondan o gücü alır, sevə bilmir. Yəni özü istəsə də sevə bilməz.

Sevgi olmasa cənnətin də mənası qalmaz. Sevgi olmasa din ortadan qalxar, sevgi dinin təməlidir .

Sevgisizlik çox geniş yayılıb. HALBUKİ, ALLAHIN İNSANLARI DÜNYAYA GÖNDƏRƏRKƏN ƏN VACİB TƏLƏBİ SEVGİDİR. Allahı, insanları, heyvanları, bitkiləri sevmək, gözəl olan hər şeyi sevmək, ondan məmnun olmaq vacibdir. Cənnətdəki əsas hədəf də sevgidir. Ordakı insanları, vildanları, huriləri, Müsəlmanları sevirsən.

İmansız, sevgisiz insanlar mənə itələyici təsir bağışlayır. Çirkli heyvan necədirsə elə. İmanlı, sevgi dolu insan isə çox gözəl olur.

İnsan onsuz da aciz yaradılmışdır, nifrətə gücü çatmaz, zavallıdır. Bundan əlavə xəyal olaraq yaradılıb. Maddə xəyali yaradılıb. Bura imtahan olunmaq üçün gəlmişik.Yəni bura tərbiyyəsizlik ediləcək, kin, nifrət duyulacaq, savaş, mübahisə ediləcək yer deyil. Allah bizim onsuz da cənnətdə xoşbəxt olmağımızı, sevinc içində yaşamağımızı istəyir.

Kin, nifrət çox pis cəhətlərdir. Bunlarla nəticə əldə etmək olmaz, çox ağılsızca. Hər şey sevgi ilə öz həllini tapır.