Adnan Oktar A9 TV; 19 İyul 2012

Ateist, Allaha inanmayanlar Allah xatırladıldığı zaman dəhşət içində olarlar. Bundan əlavə onlar özlərini təkamülə, Darvinizmə uyğunlaşdırdıqları üçün, Darvinizmin saxta olduğunu anlamaq onlara çətin gəlir. Çünki Darvinizm saxtadırsa, deməli Allah vardır. Allahın mövcud olması, axirətin də olduğunu göstərir. ONLARDAKI AXİRƏT QORXUSU ÖLÜM QORXUSUNDAN DA BETƏRDİR.

2012-ci il çox əhəmiyyətli bir ildir. Bütün dünyanın gözü qarşısında "öldü" deyilən İslam dini hakim olur. Darvinizm toxunulmaz kimi görünürdü, lakin əyləncəyə çevrildi. Yəni bir qarışqanın, aslanla mübarizəsinə bənzəyir. İndi onlar qarışqa, Müsəlmanlar isə aslan oldular. Aslanın pəncəsinə belə ehtiyac qalmadı.

Dediklərimin doğru olduğunu Darvinizm tamamilə məğlub olanda görəcəksiniz. İslam dünyada müasir formada, bizim təsvir etdiyimiz İslam tərzində hakim olacaq.

Qardaşlarımız təkamül mövzusunda mütəxəssisləşib hər yerdə təkamülün etibarsızlığını izah etsinlər. BÜTÜN QARDAŞLARIMIZ KONFRANS VERƏCƏK QƏDƏR TƏKAMÜLÜ ÖYRƏNSİNLƏR.

Kim Darvinizmin etibarsızlığını izah edirsə, ondan narahat olan da çox olar.

Hər qəhvəxanada bir Yaradılış Atlası olsun.

Kim Darvinist bir dünyaya inanır, Allah da bu adama, o inanca uyğun bir cəhənnəm yaradır. Orada, təkamül necə olur, mutasiya necə olur onlara göstərir. Orada hər şey pərakəndə, nizamsız, hər şey əziyyət verici, hər şey can yandırıcıdır.

Hz. Musa (ə.s)ın ilk dəfə ortadan qaldırdığı batil din, məhz təkamül inancı idi. Bu əsrin sehrbaz elm adamları da, elə Darvinist elm adamlarıdır.

Quranda təkamüllə yaradılış yoxdur, bir an içində yaradılış vardır. Hz. Musa (ə.s) əsasını atır və əsa tam təşəkküllü ilana çevrilir. Hz. İsa (ə.s) palçıqdan bir quş düzəldir, üfləyərkən quş uçur. Mələklər və cinlər də təkamüllə yaradılmamışdır.

"Canlılar aləmi kosmosdan gəlib" demək Quranı rədd etməkdir.

Allah yaratdığı dəlillərlə təkamülçülərə sözlərini bir-bir geri götürdür.

Darvinin təkamül nəzəriyyəsinin əsassızlığı elmi dəlillərlə hər yerdə izah olunmadan, darvinizm dağılmadan kommunizm dağılmaz.

Məktəblərdə darvinizm geniş şəkildə izah edilsin, lakin cavablandırma haqqı verilsin. Sadəcə daşlaşmış qalıntıları (fosilləri) aparıb məktəblərin önünə qoyaq. Şagirdlər görsün. Bu qədər, başqa şey istəmirik. Zülalın elmi cəhətdən təsadüfən meydana gəlməsi qeyri-mümkün olduğu deyilsin.

Allah insanı gözəl bir yaradılışla yaradacaq, beş duyğu verəcək; sən də; "təsadüfən palçıqlı sulardan yarandın, mikrobdan meydana gəldin sən. Allah yox" deyəcəksən. Guya elmin mənfəəti üçün, bu qədər meyvəni, bu qədər tərəvəzi, heyvanları, bitkiləri yaradan Allahı tamamilə inkar edəcəksən. Bu çox böyük bir fəlakət gətirər. İnsanlar məhv olar. Allah mehdiyyət vəsiləsiylə Türkiyəni məhv etmir.

Palçıqlı sudan insan yaranarmı? Fillər, zürafələr, quşlar, leyləklər, zeytun, portağal ağacları, pomidor, bibər; "hamısı təsadüfən palçıqlı sulardan yarandı" deyir. Onda bir çənin içinə bütün kimyəvi maddələri dolduraq və istədiyiniz hər şeyi edək. İnsanlar da həmin çənin başında atadan oğula milyonlarla il gözləsinlər. O çənlərdən nə zürafə, nə insan, nə pomidor, nə bibər, nə də üzüm çıxar; heç nə çıxmaz.

Dünyanın heç bir yerində insanlara, gənclərə, uşaqlara fosil (daşlaşmış qalıntı) göstərilmir. Bu həm qəribə, həm də ibrətamizdir. Niyə təkidlə göstərilmir? Çünki baxdıqları vaxt, təkamülün olmadığını anlayırlar. Belə ki, dünyada ən çox olan fosildir.

“Canlılar təkamüllə yarandı” deyənlər, axirətdə, bir atın gözəlliyini, üzərində tək bir tükün əmələ gəlməsini belə axirətdə izah edə bilməyəcəklər.

Müsəlmanlığı dağıtmaq üçün, "təkamül Quranda var" deyərək müsəlman gəncləri darvinist etməyə çalışdılar, lakin bacara bilmədilər. Quranda təkamül yoxdur.

Təkamülü müdafiə edən, təsadüfən meydana gəldiyini iddia edən insanların cəhənnəmdəki bədənləri özlərinin bu dünyada iddia etdikləri kimi mutasiya ilə meydana gəlmiş kimi qarmaqarışıq və yararsızdır.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.

Hüceyrə barəsində məlumatı olmayan bəzi insanlar təkamülün ola biləcəyini düşünür. Halbuki hüceyrəni, zülalın quruluşunu nəzərdən keçirsə, təkamülün texniki cəhətdən qeyri-mümkün olduğunu görər.

Musanın əsasının canlı ilana çevrilməsi, İsanın palçıqdan düzəltdiyi quşun canlanıb uçması təkamüllə yaradılış olmadığına sübutdur.

Canlılar təkamüllə yaradılmayıb. Allahın ol əmri ilə yaradılıb. Elmi tədqiqatlar da bunu göstərir. Quranda da təkamül yoxdur.

600 milyondan artıq əldə edilmiş fosil (daşlaşmış qalıntı) var. Bu fosillərin içində bir ədəd belə təkamülü dəstəkləyən dəlil yoxdur. Hamısı yaradılışı göstərir.

Terrorla mübarizədə yanlış üsul tətbiq edilir. Əvvəlcə təhsil müəssisələrində gənclərə; "sizin əcdadınız meymun idi, ilk əcdadlarınız da ibtidai icma həyat yaşayırdı, tarix bir parabola izləyir və indi yenidən əcdadlarımızın yaşadığı ibtidai icma cəmiyyətinə doğru qayıdırıq, hazırkı sistemi dağıtmağın yolu da zorakılıqdır" deyilir. Buna görə də "məhv olsun terror" demək deyil, terrorun bu fikri zəminini aradan qaldıracaq mədəni iş görmək lazımdır.