Adnan Oktar A9 TV; 27 may 2016

Hiss etdirmədən küfrü əzmək, müsəlmanı dəstəkləmək çox çətindir. Bu da çox böyük sənətdir, Allahın gizli sənətlərindəndir. Bilinməyən sənətdir. Yaxşı düşünəndə heyrətamiz hadisədir.

Mömini gücləndirən münafiqlərdir. Yoxsa möminin cənnətdəki mövqeyi yüksəlmir. Münafiqin ədəbsizlikləri, oyunları, hiyləgərlikləri, namərdlikləri, xainlikləri olmasa möminin mövqeyi müəyyən qədər arta bilər. Lakin münafiqlə çox yüksələr. Kafirlə bir yüksəlirsə münafiqlə milyon dəfə yüksələr. Çünki münafiq daha çox şiddətlidir.

Münafiqlərin fitnələrinin Quran ayələriylə ifşa edilməsi onların zərərsizləşməsini təmin edər. Möminlər bunu mütləq etməlidir.

İslamı yaxşı tanıyan biri həlim olmağın gözəlliyini bilər. Hz. İsa Məsih həlimdi. Hz. İbrahim (ə.s) həlimdi, Allah həlimliyini tərifləmişdir. Yəhya (ə.s) həlim övlad idi. Peyğəmbərimiz Rəsulullah (s.ə.v) həlim insan idi. Mömin həlim olmalıdır.

Münafiqlərə, küfr əhlinə aid olan ayələr əslində möminlərə aiddir. Bu ayələr küfr əhlinə və münafiqlərə təsir göstərməz. Möminə təsir edər. Möminin qəlbində dərin təsir meydana gətirər, imanını artırar. Münafiqin də kinini və qəzəbini daha da artırar. Mömin özünü düzəldər, kafir və münafiq daha betər hala gələr; daha hiyləgər, daha azğın olar, daha qəlbi qaralar.

Münafiqlərə aid ayələr, iman gətirənlərin qəlbində dərin təsir meydana gətirər, qəlbləri yumşalar. Münafiqlərin isə daxilən kinini və nifrətini artırar.

Cəhənnəm vəhşi, dəli heyvan kimidir. Həmişə əzmək, yandırmaq, dağıtmaq, əzab vermək istəyər. Küfr əhlinə qarşı, münafiqlərə qarşı təcavüzkardır.

Münafiq ayələrini həmişə möminlərə danışırıq. Mömin öz üstünə götürməsə bu münafiq əlaməti olar. Əgər götürsə bu da mömin əlamətidir. Çünki müsəlman nəfsini təmizə çıxartmaz. Nəfs həmişə pisliyi əmr edəndir.

Münafiq möminə güc verər, çeviklik verər, üfüq genişliyi verər. Başqa cür olduqda, mömində miskinlik olar, zəiflik olar.

Münafiq mömin üçün rəhmətdir, özü üçün də fəlakətdir. Münafiq möminin cənnətini genişləndirər, vəlilik dərəcəsini yüksəldər, mövqeyini yüksəldər. Ən çox mövqe yüksəltmə təsiri münafiqdədir, sonra kafirdədir.

İslamın qarşısındakı əsas qüvvə münafiqlərdir. Küfr əhli deyil. Küfr əhli ikinci dərəcəlidir. İslam aləminin məhv olmasının səbəbi münafiqlərdir. Münafiqlərdən ötrü İslam aləmi hazırda birləşə bilmir. Yoxsa dərhal birləşər.

Küfr əhlinin İslam aləmində münafiqlə etdirməyəcəyi heç nə yoxdur. Münafiq alçaq və tərəfdaş olduğu üçün, mövqe, mənfəət, pul ardınca qaçdığı üçün, böyüklük və üstünlük ehtirasına sahib olduğu və Allahdan qorxmadığı üçün, insanlar belə məxluqları dərhal tapırlar, İslam aləmində müsəlmanların başına bəla edirlər.

Münafiq müsəlmanların arasında etdiyi pisliyi, əxlaqsızlığı, küfr əhlinin arasında da çox rahat edəcəyini zənn edir. Hər yerdə edərəm deyir. Halbuki müsəlman Allahdan qorxduğu üçün şəfqətlidir. Lakin Allah küfr əhlinin arasında həlak edir.

Münafiq möminlərə qarşı namərddir, anarxist və təcavüzkardır. Hər hərəkətində müsəlmanlara pislik etmək var. Küfr əhlinə qarşı isə hörmətcildir.

Allah tərəfdarlarını, Allah hiss etdirmədən qoruyar. Allah düşmənlərini də, Allah hiss etdirmədən əzər. Bu hiss etdirməmə heyrətamiz sənətdir. Bu hiss etdirmədən ötrü imtahanın sistemi oturur.

Ələvi demək hz. Əli (r.ə.)-i sevən qəlb dostları deməkdir. Ələvi demək sevgi insanı deməkdir. İnsanları, heyvanları, bitkiləri sevən uca insan deməkdir. Ələvilərlə sünnilər, əlbəttə, qardaşdırlar. Ələvilər candır.

İnsanlarda ağıl az olub, zəka çox ola bilər. Dünyagörüşü, bilik çox olur, ətrafı, imkanları geniş olur. Lakin Allahı anlama və Allaha hörmət bəsləmə, Allahı sevmə gücü yüksək vicdan sahiblərində ola bilir.

Dünyanı bundan sonra “ağıl” idarə edəcək. Ağılsızların idarə etməsi bitəcək. Ağılsızlardan ibarət olan İngiltərə dərin dövlətinin fəlakəti gedəcək, ağıllılardan ibarət olan mehdiyyətə qəlbən bağlananlar gələcək.

Münafiqin xüsusiyyətidir, ətrafındakıları pisləyər, özünü ucaldar. Hər kəsi pisləmə xüsusiyyəti var.

Münafiq yarım dəli kimidir, yəni ağlı yox olmuş məxluqdur. Nəfsinə təslim olmuş heyvan kimidir. Düşüncəsiz, mərifətsiz, qanacaqsızdır. Lakin özünü çox zəkalı, ağıllı zənn edər.

Münafiq həmişə vicdan adından, dürüstlük adından çıxış edər. Soruşanda; "mən ikiüzlü deyiləm, içimdən keçəni söyləyirəm" deyər. Halbuki əxlaqsızlıq edir. Nəzakət deyilən bir şey var, münafiq odun kimidir.

Münafiq çox düşüncəsiz olar. Nəzakət nədir bilməz, ədəb nədir bilməz, kütdür. Quran ayələrinə diqqət yetirsəniz ağıllarına gələn ilk şeyi söyləyirlər. Şeytanın ilk fısıltısını söyləyər münafiq.

Münafiq çox ağıllı və məlumat sahibi olduğunu iddia edər, halbuki çox düşüncəsiz, ağılsız və kobuddur.

Münafiqlərin ən böyük əxlaqsızlıqlarından biri, peyğəmbəri haşa ədalətsiz göstərməkdir. Münafiqdə həmişə üsyan ruhu vardır, şeytani düşüncə vardır.

Özünü böyük hesab etmək, lovğalanmaq, özünü tərifləyərkən də qarşısındakını vicdan yaxud mərhəmət tərəfini az göstərmək münafiqin xüsusiyyətidir. Özünü həmişə zərər çəkmiş kimi göstərər, mömini də insanları incidən kimi göstərər. Belə əxlaqsızlığı vardır.