Adnan Oktar A9 TV; 19 oktyabr 2016

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

İman və Quran gözüylə baxmayan, axirətdən heç bəhs etməyən insanlar bir müddət sonra təkcə əzablardan bəhs edən vəziyyətə gələrlər. Bu cür insanlardan olmamaq üçün Allaha dua etmək, Allaha təslim olmağı istəmək lazımdır. Təkcə əzablardan bəhs edən insanlar Allaha sığınsınlar, yoxsa Allahdan bəla olaraq ruhları iztirab içində çökər, qaranlıq hala gələr.

Səbəblər Allahın möhtəşəm sənətidir. Musiqini beynin içində bilavasitə Allah yaradır. Lakin arada minlərlə səbəb varmış kimi görünür. Səbəb maddədən daha da mürəkkəb quruluşu olan, daha da kəskin ağıl tələb edən şeydir. Allahın səbəb sənəti möhtəşəmdir.

Heyrətamiz dərəcədə kompleks canlıların təsadüf nəticəsində yarandığını söyləmək tarixin ən böyük məntiq pozğunluğudur. Buna necə inandıqlarını araşdırmaq lazımdır.

Allah sazdan zövq almağı nemət olaraq yaradıb. Sazdan səs çıxmaz, qulaq nəsə eşitməz. Titrəyişi musiqi olaraq yaradan Allahdır. Ruh Allahın sənətindən zövq alar. Ruhu maraqlandıran çöldən gələn aşağı amperlik elektrik cərəyanı deyil, Allah dərgahında yaradılandır.

Çözüm istəyirlərsə insanların imanına vəsilə olacaq iş görsünlər. Birtərəfli darvinist təhsil dayandırılsın. Quran həqiqətlərindən bəhs edilsin. Köşələrində bir dəfə belə iman həqiqətindən, Quran möcüzəsindən bəhs etməyən, imana vəsilə olacaq iş görməyənlər həmişə ağıl verirlər.

Mənəvi təxribat dayandırılmadıqca heç bir əsas mövzuda tam çözüm yarana bilməz. Səmimi imana vəsilə olacaq bir təhsil sistemi olmalıdır.

Arılar heyrətamiz qabiliyyətli memardırlar. Mükəmməl riyazi nizamda pətək hörür, bir-birləriylə mükəmməl uyğunluq təmin edirlər.

Allah tək bir hüceyrədən danışan, eşidən, iyləyən, mühakimə qabiliyyəti olan, sevməyi bacaran, hiss edən bir insan meydana gətirir. Heyrətamiz möcüzədir. Çöldə səs və musiqi yoxdur, təkcə titrəyiş vardır. Təkcə insan beyni içində musiqini musiqi kimi qəbul edir.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Gözdən beyinə gələn elektrik cərəyanını üçölçülü işıltılı təsvir olaraq görənin kim olduğu sualını təkamülçülər əsla cavablandıra bilməz. Beyinin içində gözü olmadan görən, qulağı olmadan eşidən bir varlıq var. Bu varlığın necə meydana gəldiyi məsələsində təkamülçülərin heç bir cavabı yoxdur.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Beyinə çatan çox zəif amperli elektriki insan danışma, musiqi, səs kimi eşidir. Səs beyində bilavasitə Allah tərəfindən dinlətdirilir.

Bir çox insan dünyanın həqiqi mahiyyətini anlaya bilmir. Çöldə rəng, işıq, səs yoxdur. Beyinin içində, gözü olmayan ruh rəngarəng dünya görür.

Xarici aləmdə musiqi yoxdur. Hər insan musiqini beyninin içində eşidir. Xarici aləmdə təkcə səs dalğaları var, səsi musiqi kimi qəbul edən ruhdur. Ruhun musiqini eşitməsi üçün elektrikə, səs dalğasına ehtiyacı yoxdur. Səs dalğası, beyinə çatan elektrik, hamısı təkcə səbəb olaraq var.

Beyinin içində gözü olmadan görən kimdir? İnsanlar bunu sorğu-sual etməlidir. Elektrik siqnallarını üçölçülü mükəmməl təsvir olaraq görən ruhdur.

Beyninin içindəki təsvir sənə necə təlimat verir ki, səni İslam yolundan uzaqlaşdırır? Ağlın bu qədər mi zəifdir? “Ətrafımdakılar (yəni beynimin içindəki təsvir) mənə icazə vermədi” deyir. Sən Allaha itaət etsənə. Beyninin içindəki təsvirə niyə itaət edirsən? “Çox canlı görünür” deyir, “həqiqi kimidir” deyir. Həqiqi kimi olması əhəmiyyətli deyil. Bu, imtahan üçün yaradılan xəyaldır. Mütləq həqiqət olan Allahdır.

Peyğəmbərimiz (s.ə.v) Mehdinin zühur əlamətlərinin bir-birinin ardınca gələcəyini söyləmişdir. 1400 ildir ki, ilk dəfə bütün əlamətlər eyni dövrdə gerçəkləşir.

Homoseksuallıq Qurana, Tövrata və İncilə görə haram olan hərəkətdir. Müsəlman haram olan mövzunun murdarlığından bəhs etməklə məsuldur.

Dabiq hədisində keçən 80 millətin əsgərinin bölgədə toplanması ifadəsi 1400 ildir ki, ilk dəfə gerçəkləşdi.

Münafiq İslama xidmət etməkdən çox sıxılar. Buna görə də, vaxtını həmişə boş işlərlə keçirtməyə çalışar.

İngiltərə dərin dövləti İraq və Suriyanın parçalanması fikrindən əl çəkmir, biz isə hamısının ərazi bütövlüyünü müdafiə edirik.

Münafiqdə sevgi olmaz. Sevirəm dediyi vaxt, mütləq bir oyun və ya tələ vardır.

İngiltərə dərin dövləti göz görə-görə müsəlman ölkələr arasında təhrikedicilik fəaliyyəti yürüdür. Türkiyəni İraqın, Suriyanın və İranın düşmən mövqeyinə gətirmək istəyir. Üç ölkənin də xalqları bizim dostumuzdur. Müsəlmanlar qardaşdır.

İnsan vicdanını haradasa qısarsa, o vicdan başqa yerdə səni yaxalayar və səni xəbərdar edər. Vicdan, Allahın insana müdaxilə etmə sistemidir.