Adnan Oktar A9 TV; 4 oktyabr 2013

İnsanlara sevgi deyil, həmişə şiddət öyrədilib. Cəmiyyətin böyük qismində nifrət və sevgisizlik hakimdir. Dövlət sevgini öyrədib nifrəti yox etməyi milli məsələ səviyyəsinə gətirməlidirlər.

Hz. İsa (ə.s) gizli olacaq, Mehdi (ə.s) isə zahir olacaq.

Hz. İsa (ə.s)-ın fəaliyyəti gizli olar. Hz. İsa (ə.s) ictimai təbliğ etməz. Hz. Mehdi (ə.s) isə zahir olar, açıq-aşkar ictimai fəaliyyət göstərər. İsa Məsih gizli qalibanədir (qalib gəlmiş bir tərzdə, üstün gələrək). Yəni açıq-aşkar fəaliyyət göstərməz. Yalnız siyasi fəaliyyət göstərər.

Amerikanın tarixində indiyə kimi görünməmiş iqtisadi çöküntü, İsa Məsihin çıxış əlamətidir.

Amerika kimi güclü bir dövlətin müflisləşməsi, Mehdi (ə.s)-ın, İsa Məsihin həm çıxış, həm də fəaliyyətdə olmalarının əlamətidir. Allah onları Özünə qaytarmaq üçün, sevginin, mərhəmətin, şəfqətin əhəmiyyətini göstərmək üçün bunu edir.

Bərabərlik tətbiq etdiklərində həqiqətən dinsizlik kimi tətbiq edirlər. Dindarlar təzyiq görür. Bərabərlik aradan qaldırdığında ağlasığmaz rüsvayçılıq, iztirab, təzyiq özünü göstərməyə başlayar. Bu tarazlığı hz. Mehdi (ə.s) quracaq.

Bərabərliyi hz. Mehdi (ə.s) tətbiq edəcək. Hər dinə, hər kəsə qarşı şəfqət, sevgi göstərəcək.

İnsanları aldatmağa ehtiyac yoxdur; Mehdi (ə.s) da, İsa Məsih (ə.s) da artıq həyatdadır və hal-hazırda fəaliyyətdədirlər.

Allah Quranda min ilin nisbi olduğuna diqqət çəkir. İsa Məsih min ildə Allah qatına yüksəldi, min ildə də Allah qatından endi. Amma bu göz açıb bağlayana qədər oldu, yəni bir an içində. İsa Məsih (ə.s) gözünü bağladı, Allah qatına yüksəldi, gözünü açdı, dünyaya endi.

Aradan 2000 il keçib, İsa Məsih ikinci dəfə dünyaya qaytarıldığında, romalı əsgərlərin qapıda durduğunu zənn edəcəklər. İsa Məsih bir an keçdiyini, yatdığını zənn edəcək. Bir saniyə qədər yatdığını zənn edəcək. Min ildə Allah qatına çıxmış və min ilə də enmişdir.

Axırzamanda Əshabı-Kəhf kimi insanlar olacaq. İsa Məsih (ə.s) da onların içində olacaq. Bəlkə də ailəsi olmayan, keçmişini bilməyən 10, 15, bəlkə də 20 nəfər insan olacaq. Onların içərisindən birinin İsa Məsih (ə.s), bir qisminin də Əshabi-Kəhf olduğunu anlayacağıq.

Xoş niyyətlə yaxınlaşan, sevgini, sülhü, gözəlliyi, dostluğu, dünyanın mehribanlıq içində yaşamasını istəyən hər kəs bizimlə həmfikirdir. Elmlə, mədəniyyətlə, qardaşlıq bağı ilə dəstəkləyirik.

Hz. Mehdi (ə.s) qadınlara dəyər verməyi qəbul etdirəcək. İnsanlara qadınların dəyərini bilməyi göstərəcək.

Allah iman edənlərə, inananlara çox gözəl nemətlər verir. Allah iman edənlərə insan sevgisini, coşğunu, ehtirası, hər cür dərinliyi tam yaşadır.

Yaxşılıq, mərhəmət etmək, şəfqət, sevgi göstərmək çətindir. Qırıb-tökmək çox asandır. Bəziləri əlinə tüfəngi alıb ətrafdakıları biçib qırır. Amma sevgi göstərmək əmək, iradə, mərdlik istəyir. Səbrin, əzmin ən son mərhələsini istəyir.

Tampliyerlər də müqəddəs əmanətlərin tapılmasında Mehdi (ə.s)-a köməkçi olacaqlar. Vəzifələri, müqəddəs əmanətləri Mehdi (ə.s)-a təslim etməkdir. Tampliyerlərin vəzifəsi, quruluş məqsədi budur. Min ildən bəri bu məqsədlə vəzifələrini yerinə yetirirlər.

Kəbənin də orijinal ərazisi tamamilə açılmalıdır. Bu ərazilərin yaşıllaşdırılması, bağ-bağça olması lazımdır. Bunlar imam Mehdi (ə.s) tərəfindən düzəldiləcək. Hara baxsaq Mehdi (ə.s)-a ehtiyac olduğunu görürük.

Hər kəs sevgini axtarmalıdır. Dünyadakı ən böyük ehtiyac, ən böyük nemət və ən böyük gözəllik sevgidir. Allah sevgi olduğu üçün kainatı yaratmışdır.

Həddindən çox liderlər var, amma Allah heç birinə dünyanı nizamlama, düzəltmə gücünü vermir. Çünki Allah qədərdə İslamın dünya hakimiyyətini Mehdi (ə.s)-a nəsib edəcəyini yazmışdır.

Sevgisizlik, mərhəmətsizlik, şiddət hər yeri bürümüşdür. Bunun yerini sevginin tutması üçün sevgiyə sahib olan, sevgini istəyən insanların cəhdlərini artırmaları lazımdır. Mehdi (ə.s), İsa Məsih aşiqlərinin, tələbələrinin var gücləri ilə cəhd göstərmələri lazımdır. Cəhd göstərdiklərində gözəl nəticə əldə edəcəklər.

Mehdi aşiqlərinin birlik üçün, sevgi üçün çoxlu cəhd göstərmələri lazımdır.

Müsəlmanların bir-birini sevməsi fərzdir. Allah kimini qurudan, kimini havadan, kimini də dənizdən xidmət etdirər. Havadakı qurudakına, qurudakı dənizdəkinə müxalif çıxmaz. Hamısı Allahın aslanlarıdır. Hamısı bir-birindən dəyərlidirlər.

Hal-hazırda dünyada sevgini müdafiə edənlər işıq saçırlar. Onsuz da Allah dünyanı onlara görə qoruyur. Yəni qiyamətin qopmamasının səbəbi budur.

Mehdi (ə.s) fırtına kimi, şimşək kimidir. Bir göz qırpımında böyük mədəniyyət yaradacaq.

İslam qatı dinçilik şəklində izah edilsə dünyada heç kim İslamı qəbul etməz. Amma həqiqi İslamı isə hətta kommunistlər belə qəbul edər.