Adnan Oktar A9 TV; 18 İyul 2012

Allaha təvəkkül etməmək ağılsız hərəkətdir. Eqoistlikdir, özünü oda atmaq, pərişan hala salmaqdır.

İnsan təvəkkül edir, amma puluna, yoldaşlarına, fiziki qüvvəsinə, silahına, tayfasına təvəkkül edir. Belə olmaz. TƏK GÜC ALLAHDIR. Tək təvəkkül edilməli olan ALLAHDIR. Mütəvəkkil, vəkil tutmaq, güvənmək deməkdir. Yəni Allaha təslim olmaq, Allahın öhdəsinə buraxmaqdır.

İnsanda iman sabit olmur. Artır, inkişaf edir. Bunu hidayətin artmasından da başa düşürük.

Kommunist və yaxud ateist qorxunun səbəbi iman etmək qorxusudur. İman edəcəklərinə dair yetərli dəlillərlə qarşılaşanda, dəhşətli qorxuya düşərlər. Çünki o artıq özünə bir həyat qurub. Allahı inkar edib. Ona görə hər cür haram iş görür, hər cür etməməli olduğu şeyləri edir. Və qəlbi də rahatdır. Çünki Allahın olmadığına əmindir, haşa. Axirətin olmayacağına, hesab verməyəcəyinə əmindir.

Səmimiyyət , iman və ağıl dünyadakı ən böyük nemətlərdəndir.

Təbii ki,"Türkün Türkdən başqa dostu yoxdur" deyilən bir şey yoxdur. Müsəlman müsəlmanı dəstəkləyir. Türkdür, amma əxlaqsızdır, eqoistdir, kələk gələr, şərəfsizlik edər. Başqa bir millətdən biri isə çox dindar, vəfalı, sadiq gözəl əxlaqlı ola bilər. Dərin imanı olandan həqiqi iman edənə fayda gələr. İMANLA, ALLAH SEVGİSİ İLƏ ƏLAQƏSİ VARDIR.

İnsan fitrəti elədir ki, həmişə Allaha inanır . YƏNİ QURAN OLMASA DA, YENƏ DƏ ALLAHA İNANIR. Fitri olaraq yenə Allaha dua edər. Yenə Ona özü bildiyi kimi ibadət etmək istəyər. Daha çox dua ilə Ona sevgisini ifadə edər. İnsan bir çox halalı, haramı da instinktlə bilir. Quranda keçən bir çox haramı bilir. Allah onun ürəyinə ilham edir.

İMANSIZ YAŞAMAQ MÜMKÜN OLMADIĞI ÜÇÜN ALLAH QURANI, TÖVRATI, İNCİLİ VƏ DİGƏR MÜBARƏK KİTABLARI ENDİRİB. Əgər din həyatı bizə bildirməsəydi insanlar dəli olardı. Dinsizlik mühitində sevginin, həyatın heç bir mənası qalmaz.

Allah qadını imana, əxlaqa yönəlmiş şəkildə yaratmışdır. İman, əxlaq görsə qarşısındakını sevə bilər. Onu görməyəndə Allah ondan o gücü alır, sevə bilmir. Yəni özü istəsə də sevə bilməz.

İmansız, sevgisiz insanlar mənə itələyici təsir bağışlayır. Çirkli heyvan necədirsə elə. İmanlı, sevgi dolu insan isə çox gözəl olur.

Allah təkcə imanla qurtula biləcəyimizi, hərtərəfli güclü olacağımızı bildirir. HƏRBİ CƏHƏTDƏN DƏ GÜCLÜ OLMAĞIMIZ ÜÇÜN TƏK YOL DƏRİN İMANDIR.

İmanlı cəmiyyət olmaq üçün cəhd etməyimiz lazımdır. Beləcə həm hər şeydə qalib, hakim olarıq, həm də dünyanın, bölgənin lideri olaraq mükəmməl güc sahibi olarıq, böyük bərəkət gələr. Əks halda, əziyyət çəkərik, əzilərik, məhv olarıq.

İstəsən də, istəməsən də iman edərsən, bunu saxlamağa gücün çatmaz. Heç bir insanın iman etməməyə gücü çatmaz. Mütləq iman edər, lakin "iman etmirəm" deyər. İnadına, qəddarlığına, zalımlığına görə elə deyər, lakin mütləq iman edər. Dili "mən inanmıram." deyər, amma düşüncəsi isə " inanıram." deyər. Düşüncəsi ona inanmaz. O, düşüncəsinə, ruhuna tabe olacaq.

Bəzi alimlərin həddindən çox elmi, savadı var, lakin imansızdırlar. Allah ayədə imanı olmayanlara "Kitab yüklü eşşəyə çevrildilər" deyir. Allah bu insanları kitab yüklü eşşəyə bənzədir. Halbuki, bu qədər elmdən istifadə edərək Mehdiyyəti üzə çıxara bilərlər. İman olmasa mənən iflic olurlar.

ALLAHIN GÜCÜNƏ GÜVƏNMƏK, RƏHMƏTİNƏ, MƏRHƏMƏTİNƏ GÜVƏNMƏK İBADƏTDİR. Allahın incə detallı düşüncəsinə inanmaq ibadətdir. Haşa, bir insan Allahı bunları düşünə bilməz deyə düşünsə, bu əxlaqsızlıq olar.

Allaha səmimi təslim olanlarda fərahlıq və gözəllik olar. Allah hər şeyi bir məqsədlə yaratmışdır. Təvəkkül Allahın dünyada verdiyi ən əhəmiyyətli nemətlərdəndir. Təvəkkül etməyən insanda psixoloji narahatlıq başlayar. ALLAHA TƏVƏKKÜL EDƏNİN DÜNYASI GÖZƏL OLAR.

Kədərlənmək haramdır, Müsəlman hüzurlu olmalı. Kədərlənmək ancaq Allaha təvəkkülsüzlükdən yaranır. Hər hadisəni Allah edir, qarşıdakı insan deyil və Allah o hadisəni mütləq xeyirlə meydana gətirir. Ən ümidsiz kimi görünən hadisələri də Allah yaradar.

Allaha iman və təvəkkül dünyadakı ən böyük lüksdür. İnsan təvəkkülü unutduğunda dünya üstünə çökər. Təvəkkül etdiyində isə bütün dünya onun xidmətinə girər.

Allahın zəngin yaratma təfərrüatlarına baxıb heyran olacağıq. O zaman Allah eşqi daha da artar. Eşq artdıqca Allahdan qorxu da artar. Allah qorxusu artdıqca təvəkkül artar. Təvəkkül artdıqda insanın sinirləri, başı, beyni çox rahatlayar,özündə bir asanlıq, sevinc hiss edər, inşaAllah.

Allaha təvəkkül etməlisən. Allaha təvəkkül etməsən hər şey sənə əzab verər, hər şeydən sıxılarsan. Hər şey səni qorxudar. Dünyanın bütün hadisələri sənin üzərinə gəlir. Ayənin ifadəsi ilə göyün yüksəkliklərində ürəyin sıxıldığını hiss edərsən. Allaha təslim ol, ürəyin rahatlansın.

Allahdan həmişə mükəmməl təvəkkül istəmək lazımdır. “Ya Rəbbim, Sənə mükəmməl təvəkkül edən qul olmağı mənə nəsib et”― deyə müsəlman bu neməti dayanmadan istəməlidir. Çünki böyük bir nemətdir.

Allaha təvəkkül dünyadakı ən böyük rahatlıqdır. Saray səni xoşbəxt etməz. Allaha təvəkkül etmək səni xoşbəxt edər. Təvəkkül etdinsə, bütün iztirablar yox olar, çünki insan zəifdir. Allah bir nemət olaraq yaratmışdır.

Namaz qılarkən, dəstəmaz alarkən, təvəkkül edərkən, Allahı xatırlayarkən, Quran oxuyarkən xoşbəxt olarsan, fikrin açılar, çünki zəif varlıqsan. Allah səni buna ehtiyacın olacaq şəkildə yaratmışdır. Bu gözəllikləri yaşamasan boğularsan. Bunlar suda boğulmağın qarşısını alan, can qurtaran nemətlərdir.

Allah ilə əlaqənin heç kəsilməməsi lazımdır. Allah ilə əlaqə kəsilsə insan təvəkkülünü itirər. Təvəkkülünü itirən isə çox əsəbi, gərgin və narahat olar. Təvəkkül etməyi bir saniyə belə unutmamaq dünyada ən böyük nemətlərdəndir.

İslam möcüzəvi şəkildə dünyaya hakim olacaq.