Adnan Oktar A9 TV; 9 fevral 2015

Təvəkkülün sirrini açmış, onu tapmış, ona sarılmış adam, dünyanın ən böyük nemətinə, ən böyük rahatlığına sarılmışdır.

Allahın yaratma sənətini və böyüklüyünü dərk etmək Allahdan bərəkət gəlməsinə səbəb olar, sıxıntını yox edər, rahatlıq meydana gətirər. Allah unudulduqda isə acı və əzab insanın yaxasından əl çəkməz.

Taleyin nə olduğunu bilmədiyin təqdirdə sürünərsən, əzab çəkərsən. Amma qədəri bilsən Allah sənə bərəkət verər, nemət verər. İbadət etmiş olarsan. Çünki, hər an təvəkkül etmək, hər an namaz qılmaq kimidir.

Bəzi məmurların təvəkkülsüz olduqlarını və PKK-dan qorxduqlarını görürük. Bu onlara yaraşmaz. Peyğəmbərimiz (s.ə.v) bir ovuc insanla, 40 nəfərlə meydana çıxmışdı. Müsəlman igid olmalıdır, cəsarətli olmalıdır.

Təvəkkülsüzlüyün nə faydası var? Yalnız əzab çəkmiş olacaq, boş yerə özünü alçaltmış olacaq. Allah qarşısında xəcalət çəkəcək. Özünü əzəcək və ağılsız, məntiqsiz anormal bir hərəkət etmiş olacaq.

Əlindən bir şeylər çıxırsa bir xeyir vardır. Sən burada əbədi yaşamağa gəlmədin. Əlindən cüzi bir şey çıxır, bunu özünə böyük dərd bilir. Çıxsa nə ola bilər ki?. Sən gözündə böyüdürsən, ağıllı tərzdə baxdığında heç bir şey olmadığını görərsən.

Allah, təvəkküllə gözəl bir dünya meydana gətirir. Təvəkküllü olanda Allaha qarşı dürüst, səmimi olmaq lazımdır. Dürüst olmadıqda Allah da insanın canını yandırmağa başlayır.

Allah: "Təlaş etməyin. Təvəkküllü olun. Mənə buraxın. Ölərkən də çox rahat öləcəksiniz" deyir. Allah: "Amma təlaş etsəniz, təvəkkül etməsəniz canınız yanar" deyir.

Müsəlman çox rahat olur, hər yerdə rahat olur. Allaha təvəkkül etdiyi üçün, ona etimad etdiyi üçün, axirətdə də diriləndə son dərəcə rahat olar. Məsələn, möminlər Qiyaməti sevinc içində seyr edir.

Nə qədər açıq olursa olsun, bəzi insanlar öz ağıllarına görə Allahı tək buraxmağa çalışır. Allah da onları iztirabla, ağrıyla Özünə qayıtmalarına çalışır. Amma buna baxmayaraq insanların bir qismi böyük qəflətə düşür. Allah o insanlara hidayət versin. Hər kəsə, hamımıza hidayət versin.

Allah ONA qarşı savaş elan edilməsini qəbul etməz. Allah dünyanı Özü ilə mübarizə aparsınlar deyə yaratmadı. Özünə qul olması üçün yaratdı. Ya Allaha dönəcəklər, ya da Allah dünyanı məhv edəcək.

Allaha tam sığınsınlar, təslim olsunlar. Bərəkət və bolluq bütün dünyanı bürüyür. Başqa yolla ağrıdan, bəladan, fəlakətlərdən xilas ola bilməzlər.

Uşaqlıqdan etibarən insanları Allahdan uzaqlaşdıracaq söhbətlər tez-tez edilir, halbuki bütün diqqətin Allaha verilməsi lazımdır. İnsanların şüur altı lüzumsuz məlumatlarla doldurulur, buna qarşı Allaha diqqəti verərək, Allahdan bəhs edərək müqavimət göstərmək lazımdır.

Allah ilə əlaqəni heç vaxt kəsməmək lazımdır. Yorğunam deyib Allah tərk edilməz. Öləcəyini bilsə Allahı tərk etməməlidir. Var gücünlə Allahı zikr etməlisən.

Şirkə sürükləndiyini hiss etdiyin vaxt dərhal Allaha sığınmalısan. Qısa müddət də olsa Allah ilə əlaqənin kəsilməsi Allahın xoşuna gəlməz.

Gənc, incə qızlar, yaraşıqlı cavanlar olar, amma qısa müddətdə yaşlanıb ölürlər. DÜNYAYA BAĞLANMAQ EQOİSTLİKDİR. ÇOX AĞILLI OLAN İNSAN DÜNYANIN ƏSL SAHİBİNƏ, ƏSL SEVGİNİN VƏ GÖZƏLLİYİN SAHİBİNƏ ÜZ TUTAR. ƏN AĞILLI DAVRANIŞ BUDUR, İNŞALLAH.

Bədənimiz, ruhumuz, qədərimiz HƏR ŞEYİMİZ ALLAHA AİDDİR.

Allah çətinliklə sınayar, amma ALLAHA HƏR ZAMAN HÜSNÜ ZƏNNLƏ BAXMAQ LAZIMDIR.

Bu qədər geniş miqyaslı bir kütlənin, milyardlarla insanın Allahın varlığını inkar etməsi, insanlar təsadüfən yaradıldı deməsi, dünya tarixində heç vaxt görünməmişdir. Çox kiçik imansız birliklər, çox kiçik inkarçı birliklər olmuşdur, böyük kütlələr isə daim Allaha inanmışdır. Belə bir şey ilk dəfə olur. Belə bir fəlakət heç görülməmişdir. Əvvəlcə, bu fəlakətin Mehdi (ə.s)-ın, Allahın “Hadi” adının təcəllisi ilə ortadan qalxacağını görəcəyik.

Xəyanətkar kimsə ətraflı şəkildə düşünməlidir. Başına mütləq bəla gələcəyini bilməlidir. Məsələn, PKK mütləq bəlaya düçar olacaq. Çünki, o bir dəccal hərəkatıdır. Dəccal hərəkatı məhvə məhkumdur. Mütləq dağılan bir sistemdir.

Tələ iki hissədən ibarət olaraq qurulur; tələnin özü və dağılmış halı. Vahid şəkildə, bütöv bir halda yaradılır. Heç vaxt birtərəfli olaraq boşuna tələ qurula bilməz. Məsələn, Firon vardır, Musa (ə.s) vardır. Nəmrud vardır, İbrahim (ə.s) vardır. Dəccal vardır, Mehdi (ə.s) vardır. Dəccal qurulmuş tələdir, Mehdi (ə.s) isə o tələni dağıdandır. Buna görə də narahat olmağa ehtiyac yoxdur.

Allahın Mehdi (ə.s)-ı göndərmə səbəbi onsuz da darvinizmi ortadan qaldırmaqdır. Göndərilməsinin əsas səbəbi budur, yəni Allahın varlığının inkar edilməsinə son qoyulmasıdır.

Hədisdə; "Mehdi (ə.s) zühur etdikdə Qiyamətin qopması dayandırılar" deyilir. Hal- hazırda qopmasının qarşısı alındı, Qiyamət xeyli yaxınlaşdı, Allah qarşısını aldı. Bunu Mehdi (ə.s)-ın dünyada olduğundan ötrü etdi.

Mehdi (ə.s) vəsiləsiylə Allahı inkar edən darvinizm bəlası aradan qalxacaq, İslam dini yaşanacaq, bir müddət sonra isə qiyamət qopacaq.

İnsanlar müsibətin pis hadisə olduğunu düşünərlər. Müsibət “isabət edən” deməkdir. Allah Qatından isabət edən. Məsələn, bəzən zənginlik isabət edər, gözəllik, sağlamlıq, səhhət isabət edər. Bəzən də bəla və xəstəlik isabət edər. Hər ikisini də Allah edər. Heç biri təsadüfən baş verməz.