Adnan Oktar A9 TV ; 24 dekabr 2013

Savabın toplanacağı zamandayıq. Çünki fitnə şiddətlidir. Fitnə şiddətləndikdə savab da güclü olur.

Peyğəmbərimiz (s.ə.v)-in bildirdiyinə görə "hz. Mehdi (ə.s) fitnədən çəkinib susmaz. Hz. Mehdi (ə.s)-da elm dayanmadan axar".

İnşaAllah hər kəsin qardaş olacağı, sülhün hakim olacağı, zalımların təsirini itirəcəyi, bütün döyüşlərin, anarxiyanın, terrorun dayanacağı, sevginin, hörmətin, yaxşılığın, gözəlliyin, bərəkətin, müasirliyin, elmin, demokratiyanın hakim olacağı dövrdəyik.

Mehdiyyət silah sənayesini, silahı, döyüşü, qanı, barıtı, hər şeyi aradan qaldıracaq. Həbsxanalar, polis bölmələri, baraklar hamısı ləğv olacaq. Mehdiyyət dövründə dünyada yalnız sevgi, sülh olacaq.

Xoş niyyətlə yaxınlaşan, sevgini, sülhü, gözəlliyi, dostluğu, dünyanın mehribanlıq içində yaşamasını istəyən hər kəs bizimlə həmfikirdir. Elmlə, mədəniyyətlə, qardaşlıq bağı ilə dəstəkləyirik.

Yəhudilər zənn etdiklərindən fərqli olaraq sülhü və sevgini müdafiə edən insanlardır.

İsrail çirkli işlərə girməsin, həmişə mehriban və şəfqətli davransın. Daim sülhsevər rəftar göstərsin, qan tökməkdən çəkinsin. Sevgisi ilə, idarəçiliklə bölgəyə nümunə olsun. O zaman Allah onları qoruyar.

Bütün güc Allahındır. Sülh, dostluq təmin edilməyəcək şey deyil. Amma son dərəcə xoş niyyətli olmaq, öz mənfəətini güdməmək lazımdır. İki tərəfin də mənfəət ehtirası varsa mütləq döyüş yaranar. Mehdiyyət mənfəətsiz olduğu üçün, səmimi olduğu üçün sevgi ilə hər şeyi həll edə bilir.

Ən şiddətli döyüşdən belə çıxış yolu tapmaq mümkündür. Müəyyən müdaxilələrlə savaş dayandırıla bilər.

Azadlıq, sülh Quranın əmridir. Allahın bizə verdiyi nemət, cənnətin xüsusiyyətidir. Mömin onsuz da həmişə azadlıq və sülh istəyəcək.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

"Mən hər kəsə sahib çıxan, sevgi gözü ilə baxan insanam. Mənim bu əhatəli xüsusiyyətim açıq-aşkar ortadadır. Kim Quranın tərəfdarıdırsa, fitnəni dayandırırsa mən də onu dəstəkləyirəm."

Gözəl xasiyyətli, sevgi dolu, bağışlayan olmaq lazımdır. Mübahisədən çəkinmək, kinli olmamaq lazımdır. Bunun əksi isə ağılsızlıqdır. Allahın rizasına uyğun olmayan, Allahın qəzəbinə səbəb olan davranışdır. Çünki yaradılışa ziddir, əxlaqsızlıqdır, yəni insanın çirkin cəsarəti, şeytani yönüdür.

Kim döyüşü qızışdırsa ona simpatiya duyarlar. Kim qan tökülməsini təşviq edirsə ona məhəbbətlə baxarlar, onu qiymətli görürlər. Bu da şeytanın təşviqi ilə olur.

Müsəlmanlar təxribata uydular, parçalandılar. Fitnə bütün İslam aləmini bürüdü. Məhz bu fitnəni ortadan qaldıran Hz. Mehdi (ə.s) və tələbələridir.

AXIR ZAMANDA TƏFSİLATLARA GİRMƏK FİTNƏDİR. Bunlara görə Müsəlmanlar bir-birini didirlər, parça-parça olurlar. Fitnə qətldən betərdir. Onsuz da Müsəlmanları parçalayıblar . Müsəlmanları parçalamaq üçün yollar axtarmaq səhv addımdır, inşAllah.

Sülhün, sevginin həll edəcəyi bir şeyi döyüşlə həll etməyə çalışırlar. ƏN GÖZƏL SİLAH SEVGİDİR. Sevgi ilə həll etmək lazımdır.

Rəsulullah (s.ə.v) deyir ki, "Allahın Hz. Adəm (ə.s)-ı yaratmasından bəri dəccalın fitnəsindən daha böyük bir fitnə olmamışdır." Dünyanın, tarixin ən böyük fitnəsidir. Allah o fitnəyə qarşı da ən böyük vəlini― Məhəmməd Mehdi (ə.s)-ı göndərir. Ona görə belə dəhşət içərisindədirlər.

Qardaşlarımız xurafatçıların və fanatiklərin "Kitab Əhlini asıb-kəsəcəyik" fitnəsinə əsla yaxınlaşmasın. Onları bu səhv məntiqə təşviq edən dəccaliyyətdir. KİLSƏLƏR, SİNAQOQLAR ALLAHın MÜHAFİZƏSİNDƏDİR, bu Quran ayəsidir. MÜSƏLMAN QARDAŞLARIMIZ YƏHUDİ VƏ XRİSTİANLARA EDİLƏN ZÜLMƏ QARŞI, ONLARA ŞƏFQƏTLƏ YAXINLAŞARAQ QAYNAYIB QARIŞSINLAR.

İnsanların böyük bir hissəsi gecə - gündüz döyüş ruhu içində olurlar, kimsəni sevmirlər. Hər kəsə sevgi göstərilməlidir. Mən bütün insanları, bütün qrupları çox sevirəm. MÜSƏLMANLAR BİR-BİRİNİ SEVMƏZSƏ CƏNNƏTƏ GİRƏ BİLMƏZLƏR. Cənnətdə bizə "hansı camaata mənsubsan" deyə soruşulmayacaq. CƏNNƏTDƏ QARDAŞ OLACAQLARIN, BURADA DA QARDAŞ OLMALARI LAZIMDIR.

Hirs, təqva əlaməti deyil fitnə əlamətidir, bunu belə qəbul etmək lazımdır.

Qadının olduğu yerlərdə savaşmaq olmaz, gərginlik olmaz, nəzakət olar. Qadınların olmadığı yerdə kobudluq olar ümumiyyətlə. Bir qadın belə olsa hər kəs nəzakətlə davranar. Qadın hər yerə nəciblik, nəzakət gətirər.

Müharibə çətindir, döyüş çətindir, zülm çətindir. İnsanlara əzab çəkdirmək çətindir. Bunlar çox iyrəncdir. Sevgi, dostluq, qardaşlıq, rifah, zənginlik, bərəkət bunlar zövqlü və gözəl şeylərdir.

İnsanların əksəriyyəti döyüşə və gərginliyə çox alışdığı üçün dünyada ikinci yol olmadığını zənn edir, sevginin yaşana biləcəyini başa düşə bilmirlər.

Allahın bağışlamasını istəyirsənsə sən də bağışlayacaqsan. Qisas almayacaqsan. Dünyəvi cəzası nədirsə qanun çərçivəsində alır. Artıq o yetərlidir. Buna görə kinə, ədavətə ehtiyac yoxdur. Tövbə edər, qardaşın olar.