Adnan Oktar A9 TV; 4 yanvar 2017

Musəvi düşmənçiliyi Qurana uyğun deyil. Musəvilər hz. Musanın övladlarıdır, minlərlə ildir ki, hz. Musaya sədaqət göstərirlər. Müsəlman bütövlükdə bir qövmə qarşı olmaz. Hər cəmiyyətdə olduğu kimi, musəvilər arasında da zalımlar olar, təkcə zalımlara qarşı çıxılar.

Milad gününü qeyd edənə kafir deyilməz. Allah xristianlara kafir demir, Kitab əhli deyir, Kitab əhlindən olan qadınlarla evlənə bilərsiniz deyir.

Peyğəmbərimiz (s.ə.v)-in peyğəmbərliyini qəbul edən bir musəviyə “kafir” demək Qurana uyğun olmaz.

Kitab əhli öz şəriətini yaşaya bilər, lakin Peyğəmbərimiz (s.ə.v)-ə öz aləmində yalançı deyən və peyğəmbərliyini qəbul etməyən küfr etmiş olar.

Xristianlara və musəvilərə “kafir” deyilməz. Onlar Kitab əhlidir. Allah Kitab əhlinin yeməyini və qadınlarıyla evlənməyi halal etmişdir.

Əbdülhəmid dövründə Fələstindəki musəvi əhalisi 80 minə yüksəlmiş və 36 musəvi yaşayış məntəqəsi salınmışdır.

Rusiyada dindar pravoslavların, musəvilərin, müsəlmanların olması çox gözəldir. Sinaqoqlar, kilsələrin dolu olması bizi çox sevindirir. Rusiya ilə aramızı vurmağa çalışdılar, Rusiya mediasındakı yazılarımızla Rusiya-Türkiyə dostluğunun güclənməsinə vəsilə olduq.

Hər uşaq İslam fitrəti üzərinə dünyaya gələr. Uşaqları daxil olmaqla, bir cəmiyyətin bütövlükdə lənətli olduğunu söyləmək İslama uyğun deyil. Allah bütün musəvilərin deyil, zülm edənlərin lənətli olduğunu söyləmişdir. Bir xalqın anadangəlmə lənətli olduğunu söyləmək zülm olar.

Müsəlman xristian, musəvi, vəhhabi, şiə, buddist, hər kəsin xilas olması üçün səy göstərər. Heç kimin həlak olmasını istəməz. Bu Qurana uymaz.

Axırzamanda müsəlmanlar, dindar xristianlar və dindar musəvilər ittifaq edəcəklər. İslam əxlaqı bütün dünyaya hakim olacaq inşaAllah.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Kitab əhli ilə müsəlmanlar arasında bənzərliklər olması, haqq dinlər silsilə olaraq gəldiyi üçün, normaldır. Mehdilik bütün haqq dinlərdə var.

Quranda Kitab əhlindən, yəni musəvi və xristianlar arasında səmimi iman gətirən insanlar olduğu bildirilmişdir. (Ali İmran surəsi, 113-115: Onların hamısı eyni deyil. Kitab əhlindən bir camaat vardır ki, onlar gecə vaxtları ayaqda dayanıb Allahın ayələrini oxuyaraq səcdəyə qapanarlar. Bunlar, Allaha və axirət gününə iman gətirər, marufu əmr edər, münkərdən çəkindirər və xeyirlərdə yarışarlar. Məhz bunlar salehlərdəndirlər. Onlar hər nə xeyirxah əməl etsələr, əlbəttə, ondan məhrum qalmazlar. Allah müttəqiləri tanıyır.)

Günahsız xristian və musəviləri sevirik. Qurana görə onlar Kitab əhli və müsəlmanların qoruması altında olan gözəl insanlardır.

Bəzi kütlələr xristianlarla müsəlmanlar arasında qarşıdurma olmasını istəyir. Bu qarşıdurmaya zəmin yarada biləcək hər cür üslubdan çəkinmək lazımdır.

Müsəlman, bütün xristianlara qarşı olmaz, tam əksinə dindar xristianlarla pisliklərə qarşı ittifaq edər. Xristian düşmənçiliyi yanlışdır. Bədiüzzaman da dindar isəvilərlə müsəlmanların ittifaq etməsinin lazım olduğunu söyləyir. Xristian-müsəlman qarşıdurmasından qəti şəkildə çəkinmək lazımdır.

İngiltərə dərin dövlətini çarşab kimi ortaya sərdikdən sonra yüzlərlə ziyalımız İngiltərə dərin dövlətinə qarşı mövqe aldılar və ifşa etdilər.

I Dünya müharibəsində ərəbləri də, yunanları da Osmanlıya qarşı qaldıran, təşkil edən İngiltərə dərin dövləti idi.

Dəccaliyyətin məğlub edilməsi mehdiyyətin cərgəsində toplanmaqla mümkün olar. Dəccaliyyətdən qorxub, dəccal yoxdur demək yox, mehdiyyətin cərgəsində birləşmək lazımdır.

Mənəvi dəyərlərə dərin hörmət və əhəmiyyət vermək hörmətli Bahçelinin mühüm xüsusiyyətlərindən biridir. Buna görə də hörmətli Bahçeli hər kəsin hörmət etdiyi və sevdiyi insandır. Dövlət şüuru olan, mənəvi dəyərlərə hörmət edən qiymətli insandır.

Bir xilaskar gözlənilməsinin Quranda yer almadığını söyləmək tamamilə səhvdir. (Nisa surəsi, 75: Sizə nə olub ki, Allah yolunda və: "Ey Rəbbimiz, bizi xalqı zalım olan bu şəhərdən çıxart, bizə dərgahından vəli (qoruyucu sahib) göndər, bizə dərgahından yardım edən yolla" deyən kişilər, qadınlar və uşaqlardan aciz buraxılmışlar uğrunda vuruşmursunuz?)

İraq, Suriya, bütün Yaxın Şərq, bütün dünya mehdiyyətə görə formalaşır. Yaşanan bütün hadisələrin təməlində mehdiyyət var.

Ruhu şeytana əsir olan, nifrət insanı olar, nifrətdən başqa heç nə ifadə edə bilməz. Artıq o insanlıqdan çıxmış, bir növ heyvan olmuşdur.

Hz. İsa ilə hz. Mehdi fiziki cəhətdən bir-birlərinə bənzəyəcəklər. Mehdi bir çox peyğəmbərə bənzəyən xüsusiyyətlər daşıyacaq. Mehdi eyni zamanda Xızır (ə.s)-ın xarakterinə malikdir. Nuh kimi uzun ömürlü olacaq.

Həm Türkiyənin, həm də İslam aləminin başı dəccaliyyət ilə, yəni İngiltərə dərin dövləti ilə dərddədir. Bu dərd birlik olaraq hərəkət edildikdə aradan qalxar.