Adnan Oktar A9 TV; 16 sentyabr 2015

ABŞ-ın bütün rəsmi təşkilatları əldən-ələ keçir, həmişə masonların əlindədir. Məsələn, Corc Vaşinqton ustad masondur. ABŞ-ın bu günə qədər olan bütün prezidentlərinin hamısı masondur.

ABŞ-dakı əsas lojalara şəxsən mən Quran göndərdim. Yenə ilk dəfə biz ABŞ-ın ən böyük lojasında, iman həqiqətləri və Quran möcüzələrindən danışdıq.

Suriya dağılıb parça-parça olmalıdırsa, buna dərin dünya dövləti qərar verər və bu iş, Amerika dərin dövlətinə həvalə edilər. Orda tender qurular. Tenderi qazanar və icrasına başlayar.

Bir yerdə anarxiya, müharibə yaradılacağı vaxt bu qərarı ölkələrin dərin dövləti verirmiş kimi görünür, amma dərin dövlət bir vasitədir. Dərin dövlətə o əmri dərin dünya dövləti verir. Amerika dərin dövləti də ciddi bir güc deyil, zavallı bir gücdür. O da əmr dinləyən bir əsgərdir.

ABŞ İsa Məsihin yenidən enməsi üçün çox ağır və qanlı günlərin yaşanmalı olduğuna inanır. Buna görə də, dünyanı qan dənizinə döndərir ki, İsa Məsih gələ bilsin və qiyamət yaxın ola bilsin. Bu çox dəhşətli xətadır.

ABŞ-ın PKK-PYD-yə silah verməsi çox böyük əxlaqsızlıqdır. Bu ağılsızlıqdan əl çəksinlər. Çox ağılsız hərəkət edirlər. Bunlar kommunist, stalinistdir, sən isə anti-kommunistsən. O zaman Vyetnamda, Koreyada niyə vuruşdun? Kambocada, Laosda niyə mübarizə apardın? Kommunizm yaxşı şeydirsə, niyə onlarla mübarizə apardın? Çox məntiqsiz insanlardır.

Qadınlar, çiçək kimi varlıqlardır. Onlara bu qədər iztirab, əzab verməyin nə mənası var? Buxarın dünyada gözəl yaşasınlar. O zaman Avropa da, Amerika da qapılarını Türkiyənin üzünə sonunadək açar. Bu PKK-lı alçaqları da onlar dəstəkləməzlər.

Amerika dərin dövləti PKK alçaqlarını qorumaqdan imtina etsin. Əxlaqsızlara, murdar insanlara sahib çıxır. Bu çox çirkin hərəkətdir. Belə gedərsə Amerika bütün dünyadakı etimadını itirər.

ABŞ indiyədək, mühafizəkarlığı, dindarlığı sayəsində dağılıb getmədi. ABŞ dindarlığını əldən versə bitər, məhv olar.

Qanuni yollarla PKK tamamilə yer üzündən silinsin. Bu Amerikaya da çox yaxşı bir dərs olar. Amma İranla əməkdaşlıq edərək. İranla razılığa gəlsinlər, PKK-nın qanun çərçivəsində yox edilməsi məsələsində ortaq bir qərar alsınlar. Yəni terrorla mübarizə aparmaq məsələsində razılıq əldə olunsun. Beləliklə, nəhəng bir güc meydana gələr. Birlik olub kökünü kəssinlər.

Allahın zikr olunmadığı bölgədə, şəhərdə, ölkədə bərəkət gedir. Nə gəlir? Aclıq, iqtisadi böhran. Nə gəlir? Terror. İki təhlükə. Yunanistanda Allah zikr edilirmi? Edilmir. Digər ölkələrdə zikr edilirmi? Məsələn, ABŞ-da zikr edilmir. Nə baş verir? Aclıq meydana gəlir. Ucsuz-bucaqsız torpaq sahəsi var, amma aclıq hər tərəfi bürüyür. Arxasınca terror, qorxu meydana gəlir.

Amerika yenidən dindar olmalıdır, bu cür olmaz. Dindar olsalar rahatlığa qovuşarlar. Dinsiz olsalar, onlara inanılmaz bir bərəkətsizlik və uğursuzluq gələr.

İngiltərə dərin dövləti Osmanlı dövlətinin süqut etməsinin əsil günahkarıdır. Fitnə ilə əsrlərlə birlikdə yaşamış xalqların arasını vurdular. Lakin İngiltərə xalqı günahsızdır. İngiltərə dövləti də bu gizli dərin dövlət quruluşundan narahatdır.

Bütün dünya dərin dövlətlərinə hakim olan İngiltərədir. Amerika dərin dövlətini də İngiltərə idarə edir.

İslam aləminin bu vəziyyətə gəlməsinin tək səbəbi münafiqlikdir. Dərin dövlətlər münafiqdən istifadə edər. Münafiqlər, dərin dövlətlərin ordusudur.

Dərin dövlətlər sadəcə idarə edər, münafiqlər onların əsgəri kimi vəzifə yerinə yetirərlər. Əsgəri olmasa dərin dövlətin gücü olmaz. Bunun üçün dərin dövlətin ordusu olan münafiqlər dağıdılmalıdır. Bu da bilik və imanla mümkün olar.

Dərin dövlətlər həmişə münafiq xarakterli insanlardan istifadə edərlər. İmanı zəif, ağlı zəif lakin şeytani zəkaya sahib tiplərdən istifadə edərlər.

Dərin dövlətlər çox hiyləgər olar. Münafiqi də dərhal gözündən tanıyar onlar. Allahın hikmətidir, bir-birlərini tez taparlar.

Dərin dövlətlərin xüsusiyyəti; xalqa həmişə yuxarıdan aşağı baxarlar, öz aləmlərində adam yerinə qoymazlar, əzərlər, öldürməyə cəhd edərlər. Həmçinin təməl fəlsəfələri darvinizm, homoseksuallıq və rumilikdir.

Fəthullah Gülən hoca sevgi dolu bir insandır, mərhəmətli bir insandır. Dostları da elədir. Mən cavabdehəm. O insanlar terror, zorakılıq hadisələrinə əsla qoşulmazlar. Oraya dərin dövlət bulaşar, o ayrı. Dərin dövlətlə Fəthullah hocanın camaatını, dostlarını ayırd etmək lazımdır.

Münafiqlər dərin dövlətlərə xidmət edən şeytanlar mövqeyindədir.

Münafiqlər mikrobdan aşağı xüsusi yaradılmış məxluqdurlar. Möminlərin yanında özlərini zəmanət altında görməzlər, həmişə şübhə içindədirlər. "Dərin dövlətin adamı olsun, ya müsəlmanların yanında sığınıb qalsın?" Bütün ömrü bu şübhə içində keçər. Allah ayədə bildirir; "nə onlardan, nə də sizdəndirlər".

Yas saxlamaq müşriklərin adətidir. Qədim Şumerlərdə, Mesopotamiyada, Xetlərdə, Qədim Yunanıstanda, Qədim Misirdə tətbiq olunmuş bir adətdir. Peyğəmbərimiz (s.ə.v) bir çox hədislə yas saxlamağı qadağan etmişdir. Bu Qurana ziddir. Allahın lütfünə üsyan etməkdir. Bu müsəlmana yaraşan bir rəftar deyil, verdiyi məna çox pisdir. İslamda yas saxlamaq yoxdur.

Mason lojalarının heç birində Quran yox idi. Mən bu lojaların hamısına Qurani-Kərim qoyulmasını təmin etdim, Allah məni vəsilə etdi.

Ayrılığın səbəbi iman zəifliyidir. Allah üçün sevsən niyə ayrılasan ki? Amma mənfəət üçün sevsən; mənfəət üçün gələn, mənfəət üçün gedər.