Adnan Oktar A9 TV; 1 oktyabr 2016

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

Mənəvi təxribat dayandırılmadıqca heç bir əsas mövzuda tam çözüm yarana bilməz. Səmimi imana vəsilə olacaq bir təhsil sistemi olmalıdır.

Çözüm istəyirlərsə insanların imanına vəsilə olacaq iş görsünlər. Birtərəfli darvinist təhsil dayandırılsın. Quran həqiqətlərindən bəhs edilsin. Köşələrində bir dəfə belə iman həqiqətindən, Quran möcüzəsindən bəhs etməyən, imana vəsilə olacaq iş görməyənlər həmişə ağıl verirlər.

Hüceyrədə heyranedici xüsusiyyətlər var, lakin insanların çoxu çox az düşünə bilir. İnsan ən çoxu bir və ya iki mövzunu yadda saxlaya bilər. Hüceyrənin daxili ucsuz-bucaqsız bir kainat kimidir və möhtəşəm dərəcədə kompleksdir. Hüceyrənin təfərrüatlarının öyrənilməsi dinsizliyə ən böyük zərbə oldu.

İnsan ağlı 100 möcüzəni eyni anda düşünəcək potensialda olsa, mənəvi cəhətdən sanki sərxoş olar. Allahın sənəti çox sarsıdıcı və çox möhtəşəmdir.

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

Sevgisizlik hər cür xəstəliyə zəmin hazırlayar. Bədən sevgisizlikdən çökər. Sevgisizlik istəyərək bəlanın içinə girməkdir. İmanla, sevinclə hüzur içində yaşamaq varkən sevgisizlik bəlasını seçirlər.

Müsəlman həmişə iman sevinc içində olmalıdır. Rəsulullah (s.ə.v) dövründə də həmişə şəhid verilirdi, lakin müsəlmanlar həmişə sevinc içində idi.

Bitkinin ağılını əksər insan düşünmür. Küçədə ot, çiçək deyib keçirlər. Çobanyastığı milyonlarla ildir ki, eyni gözəllikdə, eyni şirinlikdədir. Tək bir hüceyrəsində belə heyrətamiz məlumat var, nə vaxt açacaq, nə vaxt solacaq, toxumları nə qədər olacaq, hamısı müəyyən edilib.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

İnsanların zülaldakı ağlı düşünməməyi, sanki bir növ zehni keyliklə meydana gəlir. Bu keylik ucbatından fövqəladə möcüzəni normal kimi görür.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Atomda, molekulda, xromosomda görünən ağıl insanın ağlından qat-qat üstündür. İnsanların bunu düşünməməyi şeytani qəflət ucbatından olur.

"Xoşbəxt olmağın yolları" adlı saysız-hesabsız kitablar yazılır, insanlara bir çox mənasız öyüdlər verilir. Halbuki xoşbəxtlik yalnız imanla yaranan nemətdir.

Yalnız yol, körpü və bənd inşa edilməsi kifayət etmir. Əsil prioritet keyfiyyətli, imanlı, ziyalı, müasir, sevgini bilən bir nəsil yetişdirmək olmalıdır.

İman, qadını qadın, kişini kişi edir. Qadının da, kişinin də güclü, sevgi dolu, dərin olmasına vəsilə olur.

Dövlət çevrilişi edən, terroru törədənlər öz inancını daha güclü hesab etdiyi üçün əzmli olur. Buna qarşı da güclü inanc və ideologiya olmalıdır. Yanlış da olsa inanc və fəlsəfə ilə ortaya çıxana güclü inancla müqavimət göstərilə bilər. İnancı, fəlsəfəsi güclü nəsil yetişməlidir.

Ağaclar baharda gəlin kimi bəzənir. Hamısının səyi çox gözəldir. Çiçəklər ayrı gözəldir, vitamini, ləzzəti ilə meyvələri ayrı nemət. Hər meyvə də içində hədiyyəsi ilə birlikdə çəyirdəyi ilə gəlir. Çəyirdək içində xüsusi pərdə və qablaşdırma ilə ağaca dair hər məlumat olur.

İnsan ağlı qəflətə çox meyillidir. Tək bir saç telində o insanın eynisi var, o insana dair bütün məlumatlar var. Lakin qəflətlə baxan düşünə bilmir.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Allah o qədər çox möcüzə yaradır ki, insan hara baxsa möcüzə görür. Ən böyük möcüzə isə insan beyninin içidir. Beynin içində gözsüz görən, qulaqsız eşidən biri var. Bu həqiqətin iman xaricində heç bir açıqlaması yoxdur. Göz maye bir quruluşun içindədir, oradan işıq keçir və tərs şəkildə təsvir meydana gəlir, çox zəif amperdə elektrikə çevrilərək beyinə gedir və beyində bu zəif elektrik mükəmməl rəngli çox aydın bir təsvirə çevrilir və gözü olmayan biri bu təsviri görür. Bu böyük möcüzədir.

İman çox ləzzətlidir və dünyadakı ən böyük nemətdir. İman zəifliyi isə əziyyətdir, ömür boyu iztirabdır.

Yarı imanla yaşamağı qəbul etməmək lazımdır. İnsanlar anadan, atadan iman öyrənirlər, onu sonuna qədər davam etdirmə zehniyyətində olurlar. Bu cür olmaz; təhqiqi, çox güclü, dərin sevgiyə əsaslanan iman olmalıdır.

İslam Birliyi üçün, əvvəlcə darvinist materialist düşüncə aradan qalxmalıdır. Dövlətin, təhsil müəssisələrində, hər yerdə elmi izahat verməsi lazımdır. İman həqiqətlərindən, Quran möcüzələrindən bəhs edilməli, imanla, Quranla meydana çıxılmalıdır.

Necə ki, biz cəhənnəmi gördükdə cənnətin qiymətini daha yaxşı anlayırıqsa, cəhənnəm əhli kimi olan münafiqi gördükdə də müsəlmanların və imanın qiymətini daha yaxşı anlamış olarıq. Müqayisə aparmağa imkan yaradar.