Adnan Oktar A9 TV; 20 noyabr 2013

Mehdiyyətin xüsusiyyəti, güclü inanc sistemi üzərinə qurulmasıdır. Yıxılmamasının da səbəbi budur. Güclü bir iman zəmini üzərinə siyasət qurmaq lazımdır. Unutmamaq lazımdır ki, güclü siyasi manevrin heç bir dəyəri yoxdur. Güclü siyasi manevrlər üzərinə qurulmuş sistemlər mütləq yıxılar, müvəffəqiyyətsiz olar. Bunu unutmaq olmaz.

Allah mehdiyyət dənizini 40 ildir ki, doldurur. Dəniz 40-cı ilin sonunda daşacaq. Ondan sonra hz. Nuh (ə.s)-ın gəmisi kimi gəmi quruya çıxacaq, inşaAllah. Peyğəmbərimiz (s.ə.v): “Dəccalın ömrü 40 ildir" deyir. Yəni mehdiyyətlə dəccaliyyətin mübarizəsinin müddəti 40 ildir.

Mehdiyyətin ruhu müasir din anlayışıdır.

Mehdiyyətə olan eşq və həsrət müsəlmanın xüsusiyyətidir.

Peyğəmbərimiz (s.ə.v)-in hədislərdə bildirdiyinə görə "Axırzamanda mehdiyyət günəşinin saçmadığı heç bir yer qalmayacaq".

Mehdiyyəti ən gözəl izah edən yenə də hz. Mehdi (ə.s) olacaq.

AK Partiyanın getməməsini təmin edən Allahdır. Allah istəsə gedər. Allah hökuməti saxlamaq istəyir. Allah mehdiyyətin rahat hərəkət etməsi, qollarının güclənməsi, rahat şəkildə fəaliyyət göstərməsi üçün qərarlı bir hökumət istəyir.

İddia edilən Ərgənəkon terror təşkilatının qurulmasındakı məqsəd mehdiyyəti yıxmaqdır. Mehdiyyəti dayandırmaq üçün qurulmuşdur. Başqa heç bir səbəbi yoxdur. Bu təşkilat Suriyada, İraqda, Misirdə, İranda, Türk dövlətlərində də qurulmuşdur. Tək məqsədi, mehdiyyəti dayandırmaqdır. Başqa heç bir məqsədi yoxdur. Əlbəttə ki, Allah buna izn vermədi, ayaqlarını bir-birinə doladı.

Mehdiyyət dövründə dünyanın hər yeri məscid olacaq. Gənclər hər yerdə əylənəcəklər, hər yerdə qardaşlıq ab-havası olacaq. Nə oğurluq, nə soyğun, nə qəsb, nə ağrılar, iztirablar heç biri olmayacaq inşaAllah.

Mehdiyyət ən ağıllı insan üslubu deməkdir. Ən məqbul, ən doğru, məqsədəuyğun hərəkətin adı mehdiyyətdir.

Mehdiyyət xəttindən çıxılmadığı müddətdə nə millətə, nə də dövlətə zaval gəlməz.

Mehdiyyət olmadığı üçün müsəlmanların başlarında bir imam, lider, başçı olmadığı üçün İslam aləmi küləkdə sovrulan yarpaq kimidir. Həddən artıq iztirab, ağrı çəkir, sanki qıvrılır.

Bəzi insanlar öz ağıllarına görə İslam Birliyinin mümkün olmadığını söyləyir. Avropa Birliyi, Aralıq dənizi Birliyi, Şanxay Birliyi olur, hər cür birlik olur. "İslam Birliyi? O mümkün deyil" deyir. Müsəlmanların bir-birini sevməsindən daha təbii nə ola bilər? Bütün bölgə müsəlmandır. Hamısı bir-birini sevəcək və İslam Birliyi olacaq. Bunu görəcəklər, inşaAllah.

Quranda bir çox hekayədəki izahatda Mehdi (ə.s)-a işarə vardır.

Müsəlmanlarda Mehdi (ə.s)-a qarşı bir heyranlıq və dərin bir məhəbbət vardır. O bizim İslama xidmətimizə maneə törədən bir xüsusiyyət deyil. Əksinə bizi coşduran, həyəcanımızı artıran bir xüsusiyyətdir.

Hədislərdə bildirildiyinə görə müxalifləri Mehdi (ə.s)-a heç bir zərər verə bilməyəcəklər.

Avropa Birliyi dağınıq vəziyyətdədir. Dağıntıya "sizi alacağıq" deyirlər. Əslində elə Türk-İslam Birliyi sizi ― Avropanı alacaq.

Türkiyə İslam əxlaqına tam uyğun olan, şəfqəti, mərhəməti, nəzakəti, keyfiyyəti ən yüksək dərəcəyə gətirmiş, bütün insanlığa nümunə olan, elmdə sənətdə irəliləmiş bir ölkə, millət olaraq onların qarşısına çıxanda heyran qalacaqlar, Avropa Birliyinə girməyimizi xahiş edəcəklər.

Müsəlmanlar "Bizə qatından bir köməkçi göndər" deyir. Bu müsəlmanların Hz. Mehdi (ə.s)ı gözləməkləridir.

Əhəmiyyətli olan arif olmaqdır, dərin düşünməkdir. Müsəlman saytlarında Allah sevgisi təbliğ edilməlidir.

Birlikdə bərəkət vardır. Məsələn, Avropa ölkələri birləşdi, amma aralarında bir iman bağı, bir sevgi bağı olmadığı üçün müvəffəqiyyət qazana bilmədilər. İslam aləmi birləşdikdə aralarında bir sevgi bağı da olacağı, sərhədlərsə olmayacağı üçün; yəni viza, pasport kimi şeylər olmayacağı üçün ticarət də, dostluq da asan olacaq. Çevik, aktiv, canlı, gur-gur guruldayan bir həyat olacaq. Sevgiyə, comərdliyə əsaslanan, eqoistlikdən uzaq bir həyat.

Avropa Birliyinə mehdiyyət dövründə daxil olacağıq. O zaman qatı dinçilik aradan qalxacaq, insanlar musiqiyə haram gözüylə baxmayacaq, dekolteli xanımlara hörmət göstərəcəklər. Heykəl, şəkil, musiqi bunlar gözəllikdir. Bunlara qarşı çıxan böyük bir kütlə yaratdığın təqdirdə Avropa səni qəbul etmək istəməz.

Namaz qılmayan və zəkat verməyən insanların öldürülməsi lazımdır kimi bir inanca sahib olub, bunu insanlara izah etsən, onda Avropa İttifaqı səni qəbul etməz. Amma mehdiyyət ruhuyla, Quran əxlaqıyla yaxınlaşsan Avropa səninlə qonşu olmağına sevinər.

Avropa İttifaqı istədiyi qədər üstün görməyə çalışsın, muxtariyyət Türkiyə üçün təhlükədirmi? Təhlükədir. O zaman qəbul etməzsən. Vətənin ali mənfəətləri, millətin ali mənfəətləri əsasdır. Avropa İttifaqının istəkləri bizi maraqlandırmaz. Muxtariyyətin Türkiyəni parçalayacağı açıq həqiqətdir.

İstanbulda hicri 1506-cı ilə qədər dağıdıcı zəlzələlər olmayacaq. Kiçik sarsıntılar ola bilər, amma dağıdıcı zəlzələ olmayacaq, inşaAllah.