Adnan Oktar A9 TV; 30 sentyabr 2015

Yerli idarə etmənin gücləndirilməsi, PKK-nın çörəyinə yağ çəkməkdir. Sən bələdiyyəyə böyük sərbəstlik versən nə olacaq? Bəzi bələdiyyələr PKK-nın qalasına çevrilər. Başqa bir işə yaramaz. Onsuz da onların istəyi də budur.

Qərbli böyük güclərin hədəfi, Türkiyənin federativ ərazilərə ayrılması, Cənub-Şərq bölgəsinin ayrılması, kommunist dövlətin yaranması, Antalya, İzmir və İstanbulun ayrılmasıdır, Allah qorusun. Bu oyunların sıxlaşdığı dövrdə; möhkəm şəkildə bir-birimizə birləşməli, heç vaxt güzəştə getməməli, birlik və bərabərliyimizi qorumalıyıq.

Yeni konstitusiyada muxtariyyət və federasiya mövzusu tamamilə dayandırılmalıdır və yerli rəhbərliklərin səlahiyyətlərini artırma mövzusu da tamamilə dayandırılmalıdır.

Nə Türkiyənin bölünməsinə izin verərik, nə də Abdullah Öcalan hörmət qazana bilər. Televiziyalarda boşuna çalışırlar. Biz burada olduğumuz müddətcə izin vermərik. Millətimiz də izin verməz, mən də vermərəm.

Bu vətəndə bölünməyə icazə vermərik. Əgər belə bir şeyə icazə versəm, Allah da həyatı mənə haram etsin. Heç vaxt icazə vermərik, heç birimiz.

Türkiyəni bölmək demək əxlaqsızlıq etmək deməkdir. Bu cür əxlaqsız biri Türkiyədə yaşaya bilməz. Qiyamətin əzabı içərisində onlar da yanıb gedərlər. Heç kim Türkiyəni bu cür ağılsız hərəkətlərə sövq etməyə təşəbbüs göstərməsin. Belə bir şeyə izin vermərik.

Bu vətən sahibsiz deyil. Hökumətin əl-qolunu bağlamaq üçün bir oyun hazırlayırlar. Bu hökumətin devrilməsi deməkdir. Yəni hökuməti federasiya yaratmağa sövq edirlər. Belə bir hal baş verdikdə hökumət məhv olar, Türkiyə də məhv olar, Yaxın Şərq də məhv olar, dünya da məhv olar.

Əgər Cənub-Şərq bölgəsini verəcək qədər ürkəksənsə, onsuz da hər ölkə səni parçalayar. Hər kəs hücum edər. Türkiyə ürkək bir ölkə imici sərgiləsə, Cənub-Şərq bölgəsini müdafiə edə bilməyəcək bir qüvvə görünüşü göstərsə, hər ölkə hücuma keçər. Buna görə də nəyin bahasına olursa olsun PKK qüvvələrini Cənub-Şərq bölgəsindən tamamilə çıxardaq. Lazımi işlər görülsün. Şəhid veriləcəksə şəhid də verilsin. Hər nə olursa olsun, oranı PKK bəlasından qurtaraq.

Prezident idarəetmə sistemində ölkə prezidentin nəzarəti altından çıxır. Yəni formal olaraq bir prezident olmuş olur. Demək olar ki, hər şey yerli rəhbərliklərin əlindədir. Həmçinin bu yerli rəhbərliklər getdikcə güclənirlər, beləliklə də, dövlət xırda dövlətlərdən ibarət olur. Sonra da onlar tək-tək öz müstəqilliklərini elan edirlər. Referendum keçirirlər, müstəqilliklərini elan edirlər. Türk milləti belə bir şeylə üzləşdiyi təqdirdə ən azı 200 il özünə gələ bilməz, belə ki, bu müddətə qədər də qiyamət qopmuş olar.

Namaz qılmayan və zəkat verməyən insanların öldürülməsi lazımdır kimi bir inanca sahib olub, bunu insanlara izah etsən, onda Avropa İttifaqı səni qəbul etməz. Amma mehdiyyət ruhuyla, Quran əxlaqıyla yaxınlaşsan Avropa səninlə qonşu olmağına sevinər.

Avropa Birliyinə mehdiyyət dövründə daxil olacağıq. O zaman qatı dinçilik aradan qalxacaq, insanlar musiqiyə haram gözüylə baxmayacaq, dekolteli xanımlara hörmət göstərəcəklər. Heykəl, şəkil, musiqi bunlar gözəllikdir. Bunlara qarşı çıxan böyük bir kütlə yaratdığın təqdirdə Avropa səni qəbul etmək istəməz.

Birlikdə bərəkət vardır. Məsələn, Avropa ölkələri birləşdi, amma aralarında bir iman bağı, bir sevgi bağı olmadığı üçün müvəffəqiyyət qazana bilmədilər. İslam aləmi birləşdikdə aralarında bir sevgi bağı da olacağı, sərhədlərsə olmayacağı üçün; yəni viza, pasport kimi şeylər olmayacağı üçün ticarət də, dostluq da asan olacaq. Çevik, aktiv, canlı, gur-gur guruldayan bir həyat olacaq. Sevgiyə, comərdliyə əsaslanan, eqoistlikdən uzaq bir həyat.

Parçalanma demək, düşmənçilik deməkdir. Sevginin bitməsi deməkdir. Birləşmə demək, sevgi deməkdir. Allah bir olmağı, birləşməyi sevər.

Sünni tərtəmiz insandır, İslamın bütün qanunlarına tabe olan insandır. Şiə, İslamın əsaslarını yerinə yetirən insandır. Sarıl bir-birinə, qardaş ol, dost ol. Niyə öldürüb, asıb kəsirsən? Birləşsən bütün dünyaya ədaləti yayacaqsan, dünyadakı fəlakəti yox edəcəksən. Dost ol, sevgiylə yaxınlaş.

İslamın qarşısındakı əsas qüvvə münafiqlərdir. Küfr əhli deyil. Küfr əhli ikinci dərəcəlidir. İslam aləminin məhv olmasının səbəbi münafiqlərdir. Münafiqlərdən ötrü İslam aləmi hazırda birləşə bilmir. Yoxsa dərhal birləşər.

Avropa İttifaqına daxil ola bilməmə səbəbimiz Türkiyədə keyfiyyətin qeyri-kafi olmasıdır. Keyfiyyət səviyyəsi çox yüksəldilməlidir. Avropa ölkələrindən daha keyfiyyətli olmalıyıq.

Nə vaxtsa İngiltərə Avropa İttifaqından çıxar. Avropa İttifaqı da dağılar. Çünki sevgi yoxdur, onlar niyə birləşsin ki? Avropa İttifaqının təməli sevgiyə əsaslanmalıdır.

Türkiyə keyfiyyətə çox əhəmiyyət versə, yüksək mədəniyyət səviyyəsini hədəflərsə, Avropa sayağı mədəniyyət anlayışının da xeyli üstünə çıxacaq kimi gözəl məqsədi olsa dünyaya çox gözəl nümunə olar. Sevgi müəllimi olar Türkiyə. Həmçinin Avropanı da, dünyanı da bağrına basar o zaman. Lakin bu vəziyyətdə Türkiyəni qətiyyən almazlar. Özləri də parçalanarlar.

Avropa İttifaqı bizi müsəlman olduğumuz üçün deyil, müsəlmanlığı yanlış tətbiq edənlər var deyə üzvlüyə qəbul etmir. Bizim bəhs etdiyimiz tərzdə müasir səhabə İslam anlayışı yaşanmış olsaydı, biz çoxdan Avropa İttifaqının üzvü olmuşduq. Ənənəvi Ortodoks İslam anlayışı tətbiq edildiyi üçün üzvlüyə qəbul etmir.

Türkiyə Avropa İttifaqının bütün meyarlarını yerinə yetirsə belə Türkiyəni qəbul etmək istəməzlər. Çünki keyfiyyət, müasirlik, qadına hörmət anlayışı zəifdir. Hər cəhətdən çox keyfiyyətli insanlarımız var, lakin keyfiyyətsiz insanlar Avropa İttifaqına daxil olmağımıza əngəl törədir. Yoxsa müsəlman olmağımızla əlaqəsi yoxdur.

İslam Birliyi meydana gəlsə yaşanan bütün sıxıntılar dərhal bitəcəyi halda, müsəlmanlar birləşmədikləri üçün bu əzablar artaraq davam edir.

Nəciblik əhəmiyyətli məsələdir. İnsanların ötəriləşdiyi mühit və ya səthi insan, digərlərini narahat edər. Alçaq insan çox zəhlətökəndir. Nəcib insan çox qaneedicidir, nəcib insandan zərər gəlməz. Hətta xalq arasında: "Nəcib yolunu azmaz, bal iy verməz" deyərlər, bu məşhur ata sözüdür. Lakin alçaq, səthi insandan hər şey gözləmək mümkündür. Yaltaqlıq edər, öz mənfəətini güdər, eqoistlik edər. Amma nəcib insan buna tənəzzül etməz.