Adnan Oktar A9 TV; 17 iyul 2014

Kinin yerini sevgi alsın. Döyüşün yerini sülh alsın. Allah bizdən sevgi istəyir. Dünya sürətlə bəlaya doğru gedir. Allah bu bəlanı qaldırıb yerinə sevgini hakim qılacaq, inşaAllah.

Biz qanla, silahla hər bir şeyin həll olacağına inanmırıq. Qana, silaha, əzaba, iztiraba qarşıyıq. Sevgiylə, sülhlə, qardaşlıqla, imanla, Quranla insanların çətin vəziyyətdən xilas olacağına inanırıq.

Hər hansısa bir silahdan istifadə etməklə bir fikri dəyişdirməyi qəbul etmirəm. Mən PKK-ya qarşı daim fikri mübarizə aparılmasının lazım olduğuna inanıram. Məsələn, biz danışırıq, bir fikirdir bu, fikri bir mübarizədir.

Sülhün təmin olunması üçün hər kəslə ittifaq yaratmaq lazımdır. Masonlarla, Tampliyerlərlə, Neoconlarla, CFR qrupu ilə, ağlınıza gələn hər kəslə. Çünki ağılın yolu birdir.

Camaatla hökumətin arasını düzəltmək üçün cəhd göstərmək lazımdır. Aralarını düzəltmək fərzdir, Quranın əmri, Allahın əmridir. Allah "iki müsəlman birliyin bir-birləri ilə münaqişələri olsa, onların aralarını düzəldin" deyir. Buna görə biz belə bir şeydə tərəf saxlamayaq.

Allahın əsl istədiyi sülhdür. Allah müharibə istəmir. Döyüşü Allah imtahan vəsiləsi olaraq yaradar. Müharibəni, o fitnəni aradan qaldıran kimdir? Allahdır. Möminləri də vəsilə edər, sülh mühitini meydana gətirər.

Möminlərin arasında mübahisə olduqda incikliyi aradan qaldırmaq fərzdir. Gücün çatdığı qədər səy göstərəcəksən; olar və ya olmaz. İki müsəlman camaat-birlik bir-birinə qarşı olduqda ona müdaxilə etmək fərzdir. Aralarını yaxşılaşdırmaq üçün səy göstərmək fərzdir. Sən o ibadəti etməkdə mükəlləfsən, namaz kimidir.

Allahın əmrinə əməl etmədikcə Allah vədini yerinə yetirməz. Allah ''Birləşin, bərəkət, qüvvət, güc verim. Birləşməsəniz qüvvətiniz əlinizdən gedəcək'' deyir.

İnşaAllah hər kəsin qardaş olacağı, sülhün hakim olacağı, zalımların təsirini itirəcəyi, bütün döyüşlərin, anarxiyanın, terrorun dayanacağı, sevginin, hörmətin, yaxşılığın, gözəlliyin, bərəkətin, müasirliyin, elmin, demokratiyanın hakim olacağı dövrdəyik.

Mehdiyyət silah sənayesini, silahı, döyüşü, qanı, barıtı, hər şeyi aradan qaldıracaq. Həbsxanalar, polis bölmələri, baraklar hamısı ləğv olacaq. Mehdiyyət dövründə dünyada yalnız sevgi, sülh olacaq.

Müsəlmanların bir-birini sevməsi fərzdir. Allah kimini qurudan, kimini havadan, kimini də dənizdən xidmət etdirər. Havadakı qurudakına, qurudakı dənizdəkinə müxalif çıxmaz. Hamısı Allahın aslanlarıdır. Hamısı bir-birindən dəyərlidirlər.

Xoş niyyətlə yaxınlaşan, sevgini, sülhü, gözəlliyi, dostluğu, dünyanın mehribanlıq içində yaşamasını istəyən hər kəs bizimlə həmfikirdir. Elmlə, mədəniyyətlə, qardaşlıq bağı ilə dəstəkləyirik.

Allah müsəlmanlara Qurandakı elmi, yerdə-göydə olan hər şeyi araşdırmağı fərz buyurub.

"Yer və göy"―yerdə yerin quruluşu, heyvanlar, bitkilər, mikroblar, bakteriyalar hər şey araşdırılmalıdır. Göydə: meteoritlər daxil olmaqla hər şey araşdırılmalıdır. Allah bunu müsəlmanlara fərz buyurub. Qurandakı yüzlərlə ayədən bunların fərz olduğu aydındır.

Yəhudilər zənn etdiklərindən fərqli olaraq sülhü və sevgini müdafiə edən insanlardır.

Müvəffəqiyyəti Allah meydana gətirər. Müsəlmanları barışdırmaq fərzdir. Biz sonuna qədər çalışacağıq. Bu həftə olmasa növbəti həftə olar. Növbəti həftə olmasa o birisi həftə olar. Yəni bir şəkildə olar. Səy göstərmək lazımdır. Ümidi kəsib bir kənara çəkilmək olmaz.

Allahı sevənlər, insanları sevənlər sürətlə bir araya gəlirlər və dünyadakı əsl güclər onsuz da onlardır. Onların bir araya gəlməsi nəticəsində dünyaya sevgi və sülh hakim olacaq.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Diqqətsizlik qəribə şəkildə geniş yayılmış bir bəladır. Buna görə də, Allah diqqətli olmağı fərz buyurmuşdur. Allah: “Diqqətli olun” deyir, diqqətli olmağı əmr edir.

PKK ilə mübarizə aparılması fərz-i ayndır. Küfr əhlinin yer üzündən tamamilə silinməsi möminlər üçün fərzdir. Dəccalla mübarizə aparılması fərz-i ayndır. Heç kəs: "Mənə dəxli yoxdur" deyə bilməz. Bu ayrı-ayrılıqda hamı üçün fərzdir. Əlbəttə ki, bizim yolumuz, elm və irfan yoludur.

İslamı təbliğ etmək fərzdir. Müsəlman var gücü ilə elmi yolla mübarizə aparmaqla məsuldur. Müsəlmanları passivləşdirməyə çalışanlara heç kim etibar etməsin.

Allah dünya sistemini güclü olanın zəif olana, zəngin olanın kasıb olana kömək etməsi üçün yaratmışdır. Hamilik sistemi əsas olmalıdır. Hamilik sistemi ilə insanların bir-birinə sahib çıxması Qurana görə fərzdir. Bu fərz tətbiq edildikdə kasıblıq və yoxsulluq qalmaz.

Peyğəmbərimiz (s.ə.v) dövründə məzhəblər yox idi. İndi 4 məzhəbin fərzləri, halalları və haramları ayrıdır, 4 ayrı din yaratmış vəziyyətdədirlər.

Müsəlmanların başına bir imam, lider təyin edilməlidir, ağlımız bizə bunu göstərir. Baş olmayanda bədən parçalanar. Baş da İmam Məhəmməd Mehdi (ə.s)-dır. Bu ümmət Mehdi (ə.s) xaricində kimsəni qəbul etməz.