Adnan Oktar A9 TV; 13 avqust 2013

İslam Birliyi olmadıqca, mehdiyyət olmadıqca müsəlmanların boynu bükük olur.

Amerikanın qoçuluq edəcək gücü yoxdur. Amerikanın qurtuluşu Məhəmmədi-xristianlıqda, mehdiyyəti istəməkdədir. Rusiyada da belədir, Məhəmmədi-xristianlıq, İslam yayılsa ölkə cənnətə dönər.

Hz. Mehdi (ə.s) ilə yenidən səhralara yağış yağacaq, yenidən dünyaya ruh gələcək, İslam dünyaya hakim olacaq, inşaAllah.

Bütün dünyada radikal İslamın şiddəti ancaq mehdiyyətlə dayandırıla bilər. Hz. Mehdi (ə.s)-ın bir sifəti də Mehdiy-ul dəm, yəni "qan dayandıran Mehdi"dir.

Təkliflərlə Mehdilik olmaz. Allahın dediyindən başqa heçnə olmaz. Allah kimi seçsə, Mehdi o olacaq.

Bədiüzzamanın şərhlərinə görə İsa Məsih (ə.s) təbliğ fəaliyyətlərini hz. Mehdi (ə.s)-ın öhdəsinə buraxar. Özü isə dünya siyasətinə istiqamət verər.

Hz. Mehdi (ə.s) cənnətin tovuzudur. Mehdi (ə.s)-ın nuru cənnətdə də işıq kimi parlayar.

İslam aləmi dərhal İslam Birliyini, mehdiyyəti, İsa Məsihi istəməlidir.

Dünyada quldur hakimiyyəti meydana gəlib, mehdiyyət bunu sevgi ilə aradan qaldıracaq.

Müsəlmanların bir liderinin olmasının nə qədər vacib olduğu göz qabağındadır. Amma bəzilərinin bəsirəti bağlandığı üçün anlamırlar. Rəbbimiz qarşıdakı günlərdə insanların bəsirətini açacaq. Müsəlmanların üzərində bir pərdə var, Allah bu pərdəni açacaq və birlik olmağın, mehdiyyətin əhəmiyyətini görəcəklər, inşaAllah.

İslamın siyasətlə hakim olması mümkün deyil. Bədiüzzaman "siyasət ruhları qaraldar" deyir. Orta şərqdə sıx siyasət ehtirası izlənilir.

Hal-hazırki məqbul müsəlman üzünün əsas səbəbi Bədiüzzamandır. Müasir İslam, səhabə İslam anlayışının ilk təməlinin zəminini o hazırlamışdır.

Bədiüzzaman Səid Nursi çox gözəl alimdir. Yəni son 1000 ilin ən böyük alimidir. Türkiyədə belə bir hüzur varsa, İslam aləmində belə ağıllı İslam anlayışı varsa, anarxiyaya, terrora qarşı olan müsəlmanlar varsa, bu Bədiüzzaman sayəsindədir.

İslam Birliyi və mehdiyyət Risalə-i Nurun özüdür.

Həddindən çox liderlər var, amma Allah heç birinə dünyanı nizamlama, düzəltmə gücünü vermir. Çünki Allah qədərdə İslamın dünya hakimiyyətini Mehdi (ə.s)-a nəsib edəcəyini yazmışdır.

Allah yolunu tutan insanlara çoxlu böhtanlar atılar. Bədiüzzamana da çoxlu sayda böhtan atılmışdı. Risalə-i Nurda 90 böhtan və təhqirə cavab vermişdir. 90 böhtan, axirətdə 90 min savab deməkdir, inşaAllah.

Bədiüzzamana böhtan atıldıqca Allah ona sağlamlıq bəxş etmişdir. Bədiüzzaman həyatında bir dəfə də xəstəxanaya, həkimə getməmişdir. Çox sağlam idi.

Bədiüzzaman: "Şərq ancaq din ilə güclənər" deyir. Heç vaxt fəlsəfə ilə güclənməz. Həmişə dinlə güclənmiş və güclənər. Xristianlar da, yəhudilər də, Avropa da həmişə din ilə güclənmişlər. Yəhudilərin dünyadakı gücünün tək səbəbi Tövratdır.

İslam durduğu yerdə hakim olmaz, vasitələr, məqsədlər vardır. Vasitələri Allah yaradır. Massonluq bir vasitədir.

Əgər Mehdi (ə.s) və tələbələri səmimi olaraq şirkdən tamamilə uzaqlaşsalar, Allah Nur surəsi, 55-ci ayədə söz verərək: "Mən İslamı dünyaya hakim edəcəyəm. Qorxularınızı arxayınçılıqla əvəz edəcəyəm. Dini bütün cəhətləri ilə dünyaya hakim edəcəyəm. Amma şirk qoşmayacaqsınız, sadəcə bunu istəyirəm" deyir.

İslam əxlaqının dünyaya hakim olmasını könüldən, səmimi qəlbdən istəyən 10 nəfər adam olsa belə-amma sevgi ilə, qəlbən istəyəcək- Allah bu 10 nəfərlə İslamı dünyaya hakim edər, inşaAllah.

Hz. Yusuf (ə.s) tək başına idi. Allah onu bütün o bölgəyə sultan etmişdi. Zülqərneyn də tək başına idi, Allah onun ətrafını çoxaltdı və qısa müddət ərzində dünya hakimi etdi. Süleyman (ə.s) də tək başına idi, qısa müddətdə dünyaya hakim oldu. Çünki həqiqi iman edənlər idi. Həqiqətən inanır, çox imanlıdır. Ona görə də Tövratda da Allah: "Həqiqi iman etmiş 10 nəfər olsa İslamı dünyaya hakim edəcəyəm" deyir.

Güclü iman çox əhəmiyyətlidir. Nadir insanlarda rast gəlinər. Bir şəhərə, məmləkətə təhqiqi iman cəhətdən bir adam belə yetər. Allah Tövratda: ”10 nəfər adam olsun, haqq dini (İslamı) dünyaya hakim edəcəyəm'' deyir.

On qatı dinçi etdiyi dinsizlik təbliğatını on min ateist bir yerə yığışsa edə bilməz! Baxın, qatı dinçilərin üç- beş hərəkəti Türkiyəni necə sarsıdır.

Türkiyədə qatı dinçiliyin də, darvinist-materialist, marksist düşüncənin də yolunu biz bağladıq. Elmi, fəlsəfi və fikri işlərimizlə buna vəsilə olduq.