Adnan Oktar A9 TV; 8 oktyabr 2016

"Allah niyə Mehdiyə hakimiyyət verir" deyirlər? Peyğəmbərimiz (s.ə.v)-in nəvəsi olan hz. Mehdinin müvəffəqiyyəti Rəsulullah (s.ə.v)-in müvəffəqiyyətidir.

Allah Nur surəsinin 55-ci ayəsində müsəlmanları dünyaya hakim edəcəyini vəd edir. Bu ayə gerçəkləşəcək. Nur surəsinin 55-ci ayəsində Allahın vəd etdiyi İslam əxlaqının dünya hakimiyyəti hz. Mehdi və İsa Məsih (ə.s) vəsiləsi ilə gerçəkləşəcək.

Allah İsa Məsih üçün; "Qiyamət üçün bir əlamətdir" deyir, yalnız onun üçün bunu söyləyir. Bu ayədəki hökm açıqdır. İsa Məsih təkrar dünyaya gələcək.

Allah Quranda, Kitab əhlindən olan hər kəsi hz. İsaya iman etdirəcəyini söyləyir. Bu ayədəki hökm də açıqdır. Hz. İsa Məsih təkrar dünyaya gələcək.

İsa Məsihin dünyaya təkrar enişi, hz. Mehdinin zühuru, Yəcuc və Məcucun varlığı Qiyamət əlamətlərindəndir.

Dəccal olmasa Mehdi zühur etməz, dolayısilə dəccaliyyət də mehdiyyətə xidmət edər.

Əhd Sandığı Təbəriyə gölündə heç əldə edə bilməyəcəkləri yerdə gizlənmişdir, vaxtı gəldikdə tapılacaq və açılacaq. Təbəriyə gölündəki 60 metrlik daş yığını altında Müqəddəs Sandıq gizlədilibdir. Əhd Sandığı Mehdi dövründə Təbəriyədən çıxardılacaqdır.

Hz. İsa Tövrat, İncil və Quranı əzbər biləcək. Allah hz. İsaya heyrətamiz yaddaş gücü vermişdir.

İngiltərə dərin dövləti ərəbləri ayağa qaldırarkən Osmanlıda darvinizmin yayılmasını, içki fabriklərinin, fahişəxanaların açılmasını nümunə göstərdi.

Ənənəvi ortodoks İslam anlayışı və darvinizm Osmanlının çöküşünün iki əsas ünsürüdür.

Darvinizmi ortaya çıxardan, dünyanı darvinizmlə dinsiz edən, eyni anda həm faşizmi, həm də kommunizmi dəstəkləyən, milyonlarla insanın ölümünə və əzab çəkməsinə səbəb olan İngiltərə dərin dövlətidir. Axırzamanın dəccaliyyətidir.

Başda xəlifə varkən, İslam hakim ikən Osmanlı torpaqlarında darvinist təbliğat aparılması İngiltərə dərin dövlətinin təsirini göstərir.

Əbdülhəmid dövrünü müdafiə edirlər, lakin fahişəxanalar açıldığını, darvinizmin yayıldığını ört-basdır etməyə çalışırlar, bu tam səmimiyyətsizlikdir. İslam aləminin paytaxtı olan İstanbul fahişəxanalarıyla məşhurlaşır. Xəlifə fahişəxana açılması üçün məktub verirsə bunun müdafiə ediləcək tərəfi yoxdur. Əbdülhəmidin yaxşı cəhətlərini hər kəs bilir və görür, lakin səhvlərini müdafiə etmək Qurana uyğun olmaz. Səhv olanı tənqid etmək lazımdır.

Suriyada İngiltərə dərin dövlətinin oyunu ilə kommunist bir PKK dövləti yaradılmaq istəyirlər. Türkiyənin prioriteti bu təhlükə olmalıdır.

İngiltərə dərin dövlətinin məqsədi Suriyanı parçalamaq, PKK üçün ərazi açmaq və kommunist dövlət qurdurmaqdır. Türkiyə bu oyuna alət olmamalıdır. PKK-nın əlində minlərlə tank vuran var, bunları Suriyada türk tanklarına qarşı istifadə edirlər.

Rakka Türkiyə ilə əlaqəsi olmayan bir yerdir. İngiltərə dərin dövləti türk ordusunu müharibəyə daxil edib bir tərəfdən itkilər verdirmək, digər tərəfdən isə PKK-ya daha geniş sahə açmaq istəyir. Özlərinin əvəzinə müharibəyə daxil olacaq qüvvə axtarırlar. Türkiyəyə müsəlman qanı axıtdırmaq istəyirlər.

İllərdir ki, terrorun bitirilə bilməmiş olması, terrorun fikrinə qarşı təhsil verilməməsindən irəli gəlir. PKK kommunist təhsillə ortaya çıxan bir fitnədir. Fəlsəfi yolla qalib gələ bilmədiyin bir təşkilata qarşı silahla qalib gələ bilməzsən. Qalib gəlməyin yeganə şərti fikri, elmi mübarizədir.

PKK göstərdiyi fəaliyyətlərlə öz aləmində, "güclüyük, bizə güvənin, arxası gələcək" imici verməyə çalışır. Buna qarşı birgə mübarizə aparılmalıdır. PKK-ya qarşı birgə mübarizə aparılmalı və bütün vətəndaşlara vəzifələr verilməlidir. Bunu təkcə polis və əsgərlə həll etmək qeyri-mümkündür.

Mehdiyə qarşı olan bəzi kəslər öz aləmlərində bəzi İslam alimlərini də Mehdi əleyhdarı kimi göstərməyə çalışırlar, səhv edirlər.

Şiə-sünni qardaşdır. Şiə və sünni alimləri bir yerə gəlsin sarılsınlar, bütün İslam aləminin qardaş olduğunu açıqlasınlar.

İmam Rəbbani, Əbdülqadir Gilani kimi bütün böyük alimlər Mehdi gözləyirdi, hamısının Mehdini gözləyən camaatları var idi.

İnsanların əksəriyyəti darvinizm ucbatından imanlarını itirir. Alimlərin əsas vurğulanmalı mövzu budur, həqiqi imanı izah etsinlər.

Bədiüzzaman da Quran ayələrinə əsaslanaraq İsa Məsihin vücudu və ruhu ilə bir şəxs olaraq gələcəyini izah etmişdir. Hədislərin və böyük İslam alimlərinin izahlarına görə hal-hazırda Mehdi və İsa Məsihin gəlməsi üçün son əsrdir. Bu əsrdə hamısını görəcəyik.

Allah hz. Süleymana da dünya hakimiyyəti verdi, lakin çox sevdiyi bir peyğəmbər olan Əfəndimiz (s.ə.v)-ə hakimiyyət vermədi. Zülqərneyn də peyğəmbər deyil, lakin Allah Rəsulullah (s.ə.v)-ə nəsib etmədiyi dünya hakimiyyətini ona vermişdi.

Nəqşibəndilər çox sevgi doludur, hər kəsi sevərlər, heç kimə həsəd aparmazlar, hirslənməzlər, qəzəblənməzlər, hər kəslə görüşərlər. Allah nəqşibəndilər kimi qiymətli ocaqlara gözəlliklər nəsib etsin, münafiq murdarlığını Allah bu gözəl ocaqlara yaxınlaşdırmasın.