Adnan Oktar A9 TV; 10 yanvar 2017

Sevinc, incəsənət və gözəllik olmayan İslam iddiası, İslamın haşa bitməsi üçün şeytanın oynadığı bir oyun idi. Bu oyunu biz puç etdik.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Musiqini, rəqsi, əyləncəni, sevinci, gözəlliyi yaradan Allahdır.

Bir insanın iman gətirməməsi çox təəccüblü haldır. Tək bir molekul bütün insanlardan daha ağıllıdır, lakin bunu anlamazlıqdan gəlirlər.

Bir insan tək bir arının pətək hörməsini, bal hazırlamasını düşünsə, bu mövzuya diqqətini tam versə çox güclü imana sahib olar. Bucağı, dərinlikləri bərabər pətək hörməsi, balı doldurduqdan sonra pərdə ilə örtməsi, balın tərtəmiz olması kimi minlərlə təfərrüatda ayrı möcüzə var.

İffət və iman bir qadını ən çox gözəlləşdirən nemətlərdir. İmanın nuru bambaşqa təsiredicidir.

Allaha, axirətə tam iman gətirə bilmədikləri halda din texniki olaraq həyatını davam etdirənlər var. Bunlar din yolu ilə mənfəət əldə edirlər.

Pandalarda, pişiklərdə və digər bütün canlılardakı sevimliliyi Allah xüsusi olaraq, insanların xoşuna gəlməsi üçün yaradır.

Keyfiyyətin azalması, incəsənətin aradan qalxması, sevincin yox olması, qadın hüquqlarının olmaması çevriliş törədən zehniyyət üçün səbəbdir. Bunlara əhəmiyyət verək.

Türkiyədə gənclərin bir hissəsini nifrətə meyilli, kinli, nəzakətsiz, sevgiyə qapalı, ruhu və bədəni çirkli insanlar halına gətirdilər. Bəzi gəncləri belə sevgisiz və xəstə ruhlu yetişdirmələrinin səbəbi bu insanlardan hər cür alçaq və Türkiyə əleyhinə olan işlərdə istifadə etməkdir. Zarafatları keyfiyyətsiz, ruh və fiziki cəhətdən inkişaf etməmiş cansıxıcı gənclərin yetişməsi İngiltərə dərin dövlətinin xüsusi təşkil etdiyi vəziyyətdir. Vücudu və ruhu özünə küsmüş, dünyadan zövq ala bilməyən, qəmgin tiplər xüsusi olaraq yetişdirilir, bu insanları israrla sevgiyə dəvət etmək lazımdır.

Bəzi insanlar dini çox yanlış bilir. Dindar olan içinə qapanar, anti-sosial olar, sevinci azalar, mistik auraya bürünər deyə güman edirlər. Din bu deyil. Tam əksinə imanla, dinlə insan canlanar, sevinər. Mömin moderndir, həyat doludur; əksi müşriklərin iddiası və həyatıdır.

İman mütləq üzə əks olunar. Möminin üzündə imanın gətirdiyi nur olar.

İslam gözəl olan hər şeydir. İncəsənət, keyfiyyət, nəzakət, ədəb, sevinc İslamın içindədir. İslamı gözəllikdən ayrı göstərmək səmimiyyətsizlikdir.

Zəkalı və bilikli olmaq mütləq ağıllı olmaq deyil. Ağıl imanla gələn nemətdir.

Gənclərə din adı altında içinə qapalı, sevgisiz model təqdim etmişdilər. Biz həm gəncliklərini, həm də həyatın gözəlliklərini yaşayacaqları Quran dinini göstərdik. Sevgisiz, incəsənət olmadan, qəmgin hallarıyla İslamı məhv etmək üzrə idilər. Keyfiyyətin, sevincin, müasirliyin dinlə iç-içə olduğunu göstərib bu oyunu pozduq.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Rəsmə, heykələ nifrətlə baxan, qadının gülməsinə belə dözə bilməyən bir zehniyyəti Avropa öz içinə almaq istəməməkdə haqsız deyil.

Peyğəmbərimiz (s.ə.v) elə gözəl əxlaqlı və gözəlliyi sevən insan idi ki, Ərəbistan şəraitində gül yetişdirirdi.

Quranla ziddiyyət təşkil etməyən hər sünnə gözəldir. Məsələn, yeməyə su ilə başlamaq sünnədir və faydalı gözəllikdir. Yeməkdən əvvəl əl yumaq sünnədir və doğrudur. Peyğəmbərimiz (s.ə.v) gül yetişdirirdi və həmişə yanında gül qoxusu daşıyırdı, bu da gözəllikdir. Saqqal sünnədir və gözəldir, lakin fərz deyil. Saqqalını kəsənin öldürülməsi deyə bir hökm qəbul edilməz. Sünnə ibadət deyil. İbadət Allahın əmridir, Allahın əmrinə əmr əlavə olunmaz.

Qatı dinçilər bütün gözəl şeyləri qadağan edirlər. Bütün çirkin, çətin şeyləri isə məsləhət görürlər. Ağlamağa təşviq etmələri inanılmazdır. Allah bunun küfr əhlinin xüsusiyyəti olduğunu söyləyir; "Onlar çox ağlayacaq, siz isə güləcəksiniz" deyir. Onlar da tərsini söyləyirlər. "Əsla gülməyin, bol-bol ağlayın" deyirlər. İnsan buna nə qədər dözə bilər? Get idman et, ye, iç, gül. İbadətlərini yerinə yetir. Hər yeri gözəlləşdir. Hər yerə incəsənət hakim olsun.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Mehdinin və İsa Məsihin zühurundan əvvəl çox böyük hadisələr olacaq, heç bir qardaşımız ümidsizliyə düşməsin, sarsılmasın, sonu xeyir olacaq.

Özünə hörməti olmayan, savaşmağa meylli, həmişə söyüşlə danışanlar nifrət dolu həyatı məqbul görürlər. Belə həyat olmayacağını söyləmək lazımdır.