Adnan Oktar A9 TV; 17 mart 2017

İnsanların bir hissəsi sevgini, ehtirası, iman dərinliyini bilmədikləri üçün insana bənzəyən, lakin insanlığı bilməyən şeytani varlıqlar olurlar. Bəzi insanlar da sevgini bilməyənlərin əxlaqsızlığına təəccüblənirlər. Təəccüblənəcək bir şey yoxdur, nifrət dolu insandan nifrət axar, gözəllik deyil.

Sevgini və ehtirası yaradan Allahdır. Möminlərin bir-birinə sevgisi zər aləmində Allaha verdikləri sözün təcəllisidir.

Hər bir çiçək palçıqlı torpağın içindən dəmirdən, sinkdən nə qədər alacağını və nə qədər işlədəcəyini bilir. Hansı rəng üçün nə lazım olduğunu bilir.

Əsas imanın üzərində dayanmaq lazımdır. İmanın olduğu bir ölkə dağılmaz. Səmimi imanın olması o ölkənin ayaqda qalmasını təmin edər.

Bir insan sevgini itirmiş, nifrətlə dolmuşdursa insanlığını itirmiş, müəyyən mənada şeytan olmuşdur. Belələrinin sözləri mömini daha da şövqləndirər.

Quranda Kitab əhlindən, yəni musəvi və xristianlar arasında səmimi iman gətirən insanlar olduğu bildirilmişdir. (Ali İmran surəsi, 113-115: Onların hamısı eyni deyil. Kitab əhlindən bir camaat vardır ki, onlar gecə vaxtları ayaqda dayanıb Allahın ayələrini oxuyaraq səcdəyə qapanarlar. Bunlar, Allaha və axirət gününə iman gətirər, marufu əmr edər, münkərdən çəkindirər və xeyirlərdə yarışarlar. Məhz bunlar salehlərdəndirlər. Onlar hər nə xeyirxah əməl etsələr, əlbəttə, ondan məhrum qalmazlar. Allah müttəqiləri tanıyır.)

Bir çox mövzudan bəhs edirlər, lakin darvinizmin əsassızlığından, iman həqiqətlərindən, insanların iman gətirmələrinə vəsilə olacaq mövzulardan heç bəhs etmirlər.

İslam, sevgi, sevinc və hüzur dinidir, insan fitrətinə uyğundur. İslamı sevinci yox edən, incəsənəti öldürən məntiqə döndərənlər mövhumatçılardır.

Qadın Allahdan qorxan, təmkinli, dərrakəli, dərin düşünə bilən kişini sevər. Qadınlar dünyanın ən gözəl varlıqlarıdır, qiymətlərinin bilinməməsinə heyrət edirəm.

Möminin kimliyi üzündədir. Nurundan, təmizliyindən bilavasitə əxlaqının gözəlliyi aydın olar.

Allah çətinlikləri, xəstəlikləri və acizlikləri insanların düşünməsi, Özünü sevmələri üçün yaradar.

İnsanlar Allahı sevmək əvəzinə özlərini sevməyə başladıqları zaman Mehdi gələcək və insanlara Allahı sevməyi və Qurana tabe olmağı öyrədəcək.

Dua ilə şəfa eyni anda yaradılar. Dua Allahı daha çox sevməyimiz üçündür.

Ehtirası, sevgini, sədaqəti Allah yaradar. Sən Allahı haşa sevməsən, Allah sənin üçün, səni sevənləri yaratmaz. Sən Allahı unutsan Allah səni unudar.

Möminlərin əleyhinə fəaliyyət olması normal vəziyyətdir. Möminin qarşısında münafiqlər və dəccaliyyət yoxdursa, əsas o zaman anormallıq vardır.

Möminin imtahanın ən mühüm hissəsi küfrə, dəccaliyyətə, azğınlığa qarşı elmlə, səbirlə, şəfqətlə apardığı mübarizədən ibarətdir.

Sevəni olmayan insanlar təkcə nifrət və qısqanclıq içində qovrulur, iztirab içində həyat sürürlər. İslam tərbiyəsi almayanlar Allahın möminlərə verdiyi nemətləri qısqanarlar. Onlar qısqanclıqla əzab çəkdikcə möminlərin bərəkəti artar.

Ehtiras iman əhlinə məxsus çox gözəl duyğudur. İman gətirənlərin gözlərindən bir-birlərinə ehtiras axar.

Hər kəsdən nifrət edən, Allah sevgisi və Allah qorxusu olmayan, sevgisizlik içində boğulmuş insanları səbirlə yetişdirəcəyik. Təhsil əsas şərtdir.

Ehtiras çox gözəl nemətdir. Ehtiras üçün qəlbdən Allah sevgisi, çox səmimi Allah qorxusu və dərin iman lazımdır.

Tövratda Mehdinin Allahdan çox qorxduğu və mənəvi təzyiq kimi çox çətin imtahanlarla üz-üzə qalacağı izah edilmişdir.

İngiltərə dərin dövləti Çanaqqala müharibəsində xüsusi istehsal edilmiş zəhərli mismardan istifadə etdi. Bunlar ucbatından şəhid və qazi olan bir çox igidimiz oldu. Çanaqqalada sırf 12 min igidimiz İngiltərə dərin dövlətinin istifadə etdiyi zəhərli mismarlar ucbatından ayağını itirib qazi oldu.

Şans deyə bir şey yoxdur. Hər hadisəni Allah yaradar. Taledə olan reallaşar.

Hz. Mehdini də, İsa Məsihi də görəcəyik inşaAllah. Bütün dünya, bütün cəmiyyətlər bu iki mübarək şəxsi gözləyir.

Allahın varlığının dəlillərini incə-incə, tək-tək, təfərrüatlı düşünmək əhəmiyyətlidir. Yüzlərlə mövzunun içində boğulmaq deyil, bir mövzunu düşünmək lazımdır.