Adnan Oktar A9 TV; 27 may 2015

Ən ağlabatan şey AKP-MHP koalisiyasının yaradılmasıdır. CHP-AKP koalisiyasından bir şey çıxmaz. Mənim qənaətimə görə həm CHP, həm də AKP zəifləyər. İkisi də kiçilərlər. Ağıllı bir şey olmaz.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Milliyyətçi gənclər, Alperenlər, əgər alınarsa Səadət partiyasının gəncləri də bir araya gəlsinlər. Qərarlı duruş sərgilənən bir platforma meydana gətirsinlər qanuna, hüquqa uyğun şəkildə. Ədalət və İnkişaf Partiyası, CHP partiyasının gəncləri də buna qoşulsun. Bölünməyə qarşı fövqəladə bir dayanıqlılıq və müqavimət göstərən bir açıqlama verilsin.

CHP gecə-gündüz Allahdan bəhs etsin, cənab Kılıçdaroğlu ayələrlə danışsın, İslam Birliyini müdafiə etdiklərini açıq şəkildə bildirsinlər. Sülhü, qardaşlığı, sevgini, Bədiüzzamanı tərifləsinlər, Süleyman Hilmi Tunahanı tərifləsinlər. Bir sözlə, Atatürkün dindarlıq anlayışını müdafiə etsinlər. Eynilə Atatürk kimi olsunlar, qalib gələrlər, 70% səs çoxluğu ilə hakimiyyətə gələrlər.

CHP çox mütərəqqi, çox çevik olmalıdır və çox yaradıcı bir ruha sahib olmalıdır. Xüsusilə də, Atatürkün dindarlıq anlayışını yaxşı şəkildə mənimsəyib, partiyaya hakim etməlidir.

CHP Atatürkün anlayışını mənimsəsin. CHP Atatürkün sevgi, dostluq, qardaşlıq, birlik anlayışı, Türk-İslam Birliyi, İslam Birliyi anlayışı, Türk dünyasının birləşməsi anlayışı, Qurana sevgi anlayışı, qadına və sənətə baxışını yaxşı şəkildə mənimsəsin. Əgər bu olsa, CHP-nin səy göstərməsinə ehtiyac qalmaz, onsuz da millət dərhal onu bağrına basar.

Dindar CHP müvəffəqiyyət qazanar. Dindar CHP Türkiyənin bəzəyi olar. Əmin olsunlar, ən azı 70% səslə hakimiyyəti ələ keçirərlər. Marksdan bəhs edirsənsə, Bədiüzzamandan da bəhs etməlisən. Süleyman Hilmi Tunahandan da bəhs etməlisən. Onda müvəffəqiyyət qazanarsan. Başqa cür olmaz.

CHP-ni tənqid edənlərin belə ağır, kəskin bir üslub, xoşagəlməz bir söhbət üslubu deyil, yaradıcı və səmimi danışmaları lazımdır. Çoxbilmişlik, zirəklik, dilbazlıq yarışına girirlər. Bu, CHP-dəki ruhu daha da zədələyər. Bu doğru olmaz.

CHP sağın bütün gözəlliyini, rənglərini, zənginliyini almalıdır; solun da bütün keyfiyyət, sənət, estetika, azadlıq, demokratiya, elm anlayışını sonuna kimi müdafiə etməlidir. Solun məmnun olmadığı heç bir nöqtə qalmasın. Sağın da bütün zənginliyini alsın.

Qat dinçiliyə qarşı CHP-nin çox güclü qarşı çıxması lazımdır. Qatı dinçilik ancaq dindarlıqla aradan qaldırılır. Qatı dinçilik dinsizlik, materialistliklə qaldırılmır, solçuluqla qaldırılmır. O zaman din həmişə qalib gələr, əzib keçər.

Müasir İslam anlayışını müdafiə edən aydın, mütərəqqi CHP-dir. İslam Birliyini müdafiə edən Cümhuriyyət Xalq Partiyasıdır. Asanlıq və gözəllik budur. CHP-ni qurtaracaq ən gözəl düstur da budur. İslam Birliyi, müasir İslam. Bu ikisi CHP-yə hakim olursa, CHP-nin birinci partiya olması an məsələsidir.

CHP-lilər İslamı, müasir İslam anlayışını ön plana alsınlar; çünki Atatürkün, rəhmətlinin idealı o idi, İslam Birliyi idi. İslam Birliyindən bəhs etsinlər, Atatürkün müasir İslam anlayışını ön plana gətirsinlər; gözəl bir nəticə olsun.

CHP bütün müsəlmanları sevsin, təşəbbüskar olsun. Qatı, kommunist zehniyyətli bəzi insanlar CHP-nin ruhunu, bərəkətini, səhhətini pozur. Buna icazə verməsinlər.

CHP ilk öncə müasir İslam anlayışıyla ortaya çıxıb, Atatürkün fikirləri istiqamətində İslam Birliyini, Türk-İslam Birliyini, Quran həqiqətlərini müdafiə etməlidir.

CHP həyat doludur. Əgər müasir İslam anlayışı ilə ortaya çıxarsa həddindən çox səs toplayar.

CHP-nin edəcəyi ən yaxşı iş xalqın, Anadolu xalqının, millətin ruhuna xitab edən ruh olar.

Gənclər küçələrdə bir-birinə bağlansın. CHP gəncləri, MHP gəncləri, Hüdapar, BBP-nin igidləri, igidlərimiz, AKP-li gənclər. Səhərə qədər keşik çəkəcəyik.

Xalq polisə çox yaxşı dəstək olsun. Polisin sayını xeyli artıraq. Polisə daha güclü, daha ağır silahlar verilsin. CHP, MHP, AKP gəncləri əl-ələ çox güclü, böyük mitinqlər keçirsinlər.

Bütün partiyalar, CHP-ni də, MHP-ni də, AKP-ni də vətənpərvər bütün solçu və kommunist ətrafları da əhatə edən bir siyasət anlayışı göstərməlidir.

AK Partiyanın dindarlara azadlıq vermə siyasəti gözəldir, amma CHP-ın da qatı dinçiliyi dayandırma siyasəti tarazlığı təmin edir. Hamısında xeyir var.

CHP-in iqtidara gələ bilməməsinin səbəbi, lazımsız yerə marksist dəstəyi almasıdır. Halbuki, CHP Atatürkün partiyasıdır. Atatürk İslama xidmət etmişdir. CHP də bunu etməlidir.

Türkiyədə aydın, dünyəvi Atatürkçü CHP-in olmağı bir gözəllikdir. CHP çox dəyərli, çox bacarıqlı insanların olduğu bir partiyadır.

AKP, MHP, BBP, Səadət―bütün sağ partiyalarımızın fərqli gözəllikləri var. Hər hansı partiyanı təhqir etmək ağıllı hərəkət deyil. Bütün partiyaların yaxşı cəhətlərini bir yerə yığmaq ən məqsədəuyğun hərəkətdir. CHP də yaxşıdır, tarazlıq partiyasıdır.

MHP daxili və xarici təhlükələrə qarşı böyük gücdür. CHP qatı dinçiliyə qarşı mükəmməl potensialdır. Səadət Partiyası Ortodoks rəftarı ilə çox razıdır. Həmçinin Böyük Birlik Partiyasını da bütün qəlbimlə dəstəkləyirəm.