Adnan Oktar A9 TV; 2 avqust 2013

Ronaldo bizim təsvir etdiyimiz İslam anlayışına yəni müasir İslam anlayışına, səhabə İslam anlayışına qaçaraq gəlir.

Xristianlar, yəhudilər dünyanın hər yerində əzilirlər. Onlara sahib çıxmaq, sevgi, şəfqət göstərmək savab olar, bərəkət gətirər, inşaAllah.

Yəhudilər və xristianlar Allaha inanırlar, biz onları, təbii ki, sevərik. Ateistlərə də şəfqət duyaq. Hətta əksikliyi müsəlman olaraq biz özümüzdə axtararıq―"deməli, kifayət qədər təsir edə bilməmişik, daha çox təbliğ etməyimiz, izah etməyimiz lazımdır"― deyə düşünürük.

Yəhudi düşmənliyi primitiv dünyagörüşünü əks etdirər.

Dindar yəhudiləri dəstəkləmək lazımdır ki, bölgədə dinsizlik azalsın.

İslam aləmində demokratiya Mehdi dövründə olacaq. Çünki Ortodoks İslam inancı demokratiyaya icazə vermir.

Quranda yəhudiləri izah edən yüzlərlə ayə vardır. Yəhudiləri yox saymaq Qurana uyğun olmaz.

Səhabə İslamı həm çox asan, həm çox keyfiyyətli, sadə və mükəmməldir.

Misirin yəhudilərə sevgi ilə yaxınlaşması və İsraillə dost olması lazımdır. Lakin eyni zamanda ölkədəki Ortodoks müsəlmanların da rahat yaşaması lazımdır. Yəni hər inanca mənsub insana şəfqət və hörmət göstərilməlidir.

İslam nəzakətdir, təmizlikdir, keyfiyyətdir. İslam deyilincə dünyanın ən keyfiyyətli, mədəni insanları ağla gəlməlidir.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

Hər şeyin ən gözəli, ən şirini, ən müsbəti, doğru olanı― din budur. Hər şeyin ən yaxşısı nədirsə din odur. Gözəl söz, paltar, danışmaq, gözəl yeməklər, evlər, küçələr, çiçəklər, gözəl xanımlar… Hər şeyin gözəlidir, maşaAllah.

Misirdə Mursi tərəfdarları müasir İslam, səhabə İslam anlayışını üzə çıxara bilsələr fərahlıq olacaq.

MHP daxili və xarici təhlükələrə qarşı böyük gücdür. CHP qatı dinçiliyə qarşı mükəmməl potensialdır. Səadət Partiyası Ortodoks rəftarı ilə çox razıdır. Həmçinin Böyük Birlik Partiyasını da bütün qəlbimlə dəstəkləyirəm.

Ələvilər Mehdi (ə.s) aşiqidir, Əhli-beyt aşiqidir, hz. Əli (r.ə) aşiqidirlər. Bərabərliyi, birliyi müdafiə edərlər. Qatı dinçiliyə qarşıdırlar. Sünnilərin bəziləri çox xurafatçı və sevgisizdirlər. Aralarında yaxşıları da vardır. Əsas məsələ, Qurana bağlı mehdiyyət təhsilidir. Səhabə İslamının izah edilməsidir. Şəfqət, mərhəmət, məhəbbət anlayışının inkişaf etdirilməsidir.

Terrora, anarxiyaya qarşı ən gözəl həll səhabə İslamıdır. Yəhudiliyin, xristianlığın da rahat hərəkət edə biləcəyi sistem budur.

Dünyada ən təsirli, müasir, dəqiq İslam anlayışı, bizim tərəfimizdən izah edilir. Mövzunu uzatmadan birbaşa açıqlayırıq.

Biz Ortodoks dindar qardaşlarımızı həmişə qorumağın tərəfdarıyıq.

Müsəlman bütün inanclara hörmətlə yanaşar.

Ortodoks İslam anlayışı insanların gümrahlığını yox edib beyinlərini iflic edir. Bunun nəticəsində həmişə əzilən cəmiyyətlər yaranır.

Yaxın Şərqin məhv olması planında tətbiq olunan şeytani üsullardan biri də, ənənəvi ortodoks İslam anlayışı ilə insan fitrətini tamamilə pozub, beyindəki gümrahlığı yox edib, beyin gücünü yox etməkdir. İnsanların beyni məhv olur, çürüyür sanki. Ruhunu, ağlını çürüdürlər və görürsünüz səfaləti, pərişanlığı.

Gümrah gənclik əvəzinə ölü gənclik hədəf edilir. Ənənəvi ortodoks zehniyyətlə beyninizi, ruhunuzu çürütmək istəyirlər, fitrətinizi yox edirlər və qadın düşməni etməyə çalışırlar. Qadın gözəlliyini yox edirlər. Eləcə də, hiss etdirmədən bu yolla Yaxın Şərqi məhv etdilər. Heç kim bu oyuna düşməsin.

Bir çox ölkədə, insanlar ifratçılara şirin görünmək üçün İsraillə düşmənçilik edirlər.

Söymək çox kobud və çirkin bir hərəkətdir. Ağıllı tənqid etmək varkən söyməyə nə ehtiyac var.

Bir vətəndaşımıza, qardaşımıza kömək edilərkən şəklini çəkmək, bunu filmə çevirmək yaraşmayan hərəkətdir.