Adnan Oktar A9 TV; 12 sentyabr 2014

Din dərsi gəncləri dindar etməz, yalnız ümumi mədəniyyət qazandırar. Amma din dərsində iman həqiqətləri izah edilsə, Quran möcüzələri izah edilsə, o zaman imanlı bir gənclik, dindar bir gənclik olması məqsədi qoyulmuşdur demək mümkündür.

Ağıllı, yaxşı niyyətli, sevgi dolu insanlar hər zaman dünyanın lideridir, hər zaman sözləri keçər. Dünyanı Yaradan Güc onlara hər zaman bu imkanı verir.

CHP çox mütərəqqi, çox çevik olmalıdır və çox yaradıcı bir ruha sahib olmalıdır. Xüsusilə də, Atatürkün dindarlıq anlayışını yaxşı şəkildə mənimsəyib, partiyaya hakim etməlidir.

Heç bir dinin qarşısını almaq doğru deyil. Yayılsın qardaşım. Xristian xristianlığı yaysın, yəhudi yəhudiliyi yaysın, müsəlman müsəlmanlığı yaysın. Yetər ki, dindar olsun cəmiyyətlər. Əvvəlcə dindarlığın qəbul edilməsi çox əhəmiyyətlidir.

İnsanlar qəlbdə, ruhda dindar olacaqlarını gördülər. Musiqi dinləyə biləcəklərini, qadınlar başı açıq gəzə biləcəklərini, eyni zamanda dindar olub namazlarını da qıla biləcəklərini gördülər. Onun üçün din, Türkiyədə gizli şəkildə mükəmməl yayıldı. Özünə hər yerdə fövqəladə bir zəmin tapdı.

Amerikanın dindar olması, onlara bərəkət gətirən, onları xoşbəxt edən əhəmiyyətli bir tərəfiydi. Amma Amerika dindarlıqdan imtina etdikdə, onu fəlakətlər bürüdü. Dünyanın ən varlı dövləti ən kasıb dövləti olmağa doğru gedir. Dindar olsalar yenə çox varlı olarlar.

İnsanların, bu qədər əzab çəkmələrinə baxmayaraq, dinin əhəmiyyətini görə bilməmələri heyrət vericidir. Halbuki normal bir dindar olduqca hüzurlu yaşayar, olduqca gözəl yaşayar.

Allah əsil dindarlığı nəzərdə tutur. Yoxsa sosial həyatı vardır, bir də guya dini yaşayır; belə şey olmaz. Sosial həyat deyə bir şey ola bilərmi? Din hər yerə hakimdir. Möminin hər şeyinə hakimdir. Sosial həyat nə deməkdir? Bebek məhəlləsinə gəzməyə gedərsən, Allah rizası ona hakimdir.

Təlim keçməyən insanlarda vəhşiliyə, yandırıb-yıxmağa qarşı bir meyl olur. Yandırıb-yıxmaq, haqqı inkar etmək, dinsiz olmaq çox asandır. Amma dindar olmaq, gözəl əxlaqlı olmaq ağıl, iradə, səbir, fədakarlıq tələb edir. Bu isə asan deyil. Ona görə də, kommunist düşüncə çox tez inkişaf edər.

Allahı sevmək ağıl və əmək tələb edir. Eləcə də həqiqi dindarlıq ağıl, incəlik, vicdan tələb edir.

Dindar yəhudiləri dəstəkləmək lazımdır ki, bölgədə dinsizlik azalsın.

Dövlətlərlə dindarlığın təmin edilməsi mümkün deyil. Dindarlıq mehdiyyətlə təmin edilər. Dindarlıqla da gələn sistem, gələn ruh sevgidir. Yəni mehdiyyət bol sevgi, mərhəmət, şəfqət, anlayış, şirinlik, üfüq genişliyi, sənət, elm və ictimai ədalət gətirər.

İsraildə dini təmizləməyə çalışsan, Yaxın Şərqdə də dinə zərər gələr, Allah əsirgəsin. İsrailin dindarlığı bütün bölgəyə nümunə oldu. Misirə, Fələstinə nümunə oldu. Onlar da dindar oldular.

Biz İsraildə dinsizliyin inkişafına göz yuma bilmərik. Təbii ki, dindarları dəstəkləyəcəyik. Amma qatı dinçiliyin də İsraildə inkişafını istəmirik. O da Moşiyahla, yəni Mehdi ilə olacaq. Moşiyah Mehdinin gəlişi ilə İsraildə qatı dinçilik də qalmayacaq, inşaAllah.

Din nemətdir, insanların böyük bir hissəsi dini bəla hesab edir, haşa. Halbuki din dünyanın bəzəyi, həyatın sevinci, ağlın nuru, qəlbin rahatlığıdır, bərəkətdir.

Dünyada hansı millət səmimi dindardırsa, Allah oraya daha çox bərəkət verir. Dindən uzadırlarsa Allah fəlakət verir, bərəkətsizlik verir. Bu ayrılıqda hər bir şəxs, hər bir fərd üçün məqbuldur.

Daha dindar olana Allah daha yaxşı imkanlar, daha gözəl nemətlər nəsib edər. Bu da gözlə görülər. Amma təbiidir ki, mömin səbir etməlidir. Yəni əziyyəti də, neməti də gözəl görməlidir.

İnsanlar qəlblərini din ilə yuduqları vaxt, ona bir nur, işıq gəlir. Amma bir çox insan da dinin, insanların həyatını əlindən aldığını düşünür. Halbuki dinsizlik dünyanı əldən alar, həm də kökündən alar. Hər şey başına bəla olar. Yemək bəla olar, avtomobili, evi, arvadı, yoldaşları, məktəbi, hər şeyi başına bəla olar. Amma imanlıdırsa həyat yoldaşı nemət olar, yoldaşları gözəllik olar, evi zikir yeri olar, həyatı nurlu olar, hər yeri nur olar, qəlbində rahatlıq olar.

Ultra müasir dindarlıq sevginin ən yüksək dərəcədə yaşanmasıdır. Peyğəmbərimiz (s.ə.v) ultra müasir və yaraşıqlı idi.

Gənclərimizdə dindarlığa ciddi meyl var, bu çox gözəldir. Müasirlik mərhələlidir. Aşağı müasirlik, orta müasirlik vardır. Bizim istədiyimiz isə ultra müasir və dindar modeldir.

Millət, Allah göstərməsin, dinsiz olsa Türkiyə toz –dumana bürünər. Türk milləti, Türkiyə deyilən heç nə qalmaz. Türkiyəni yaşadan dindir. Din vəsiləsi ilə Allah dəstək olur. Din birləşdirən, qovuşduran, tamamlayandır. Din olmasa ailə də, əxlaq da, dövlət də qalmaz, heç nə olmaz.

"Dindar ol" deməklə dindar olmazlar. Dindar olmağın mərhələləri var. Dindar olması üçün əvvəl bütləri məhv etmək lazımdır. Əgər bütünü məhv etməmisənsə sənin dinini anlamaz, bütlərinə qayıdar. Darvinizmi məhv etmədən dini izah etməyin mənası yoxdur.

Müsəlman çətinlik içində yaşasa da dindar olar. Din Allah rizası üçündür. Çünki, məsələn, müsəlman olar həbsxanaya girə bilər, şikəst olar, yaralana bilər, hər şey ola bilər. Müsəlmanın məqsədi yalnız Allahın razılığıdır.

Fələstin Darvinist dindar deyil, həqiqi dindar olmalıdır.

Vətən məfhumu iman edən insan üçündür. Din imanlı gənclik üçündür. Marksist, dini tiryək olaraq görür. Ailə yenə eyni şəkildə dindar üçün keçərlidir.