Adnan Oktar A9 TV; 3 sentyabr 2015

Musiqi halaldır, şəkil halaldır, əyləncə halaldır, heykəl halaldır. Yəni halalların həddi-hüdudu yoxdur. Haramlar Quranda müxtəsər, qısa şəkildə ifadə edilmişdir. Haramlar çox azdır. Allah: "Bunlardan savayı yerdə qalanları sizə halal etdim'' deyir. Sən haradan öz-özünə haramlar çıxarırsan?

Quranın hansı yerində musiqinin haram olduğuna dair ayə var? Şəkilin haram olduğuna dair harada ayə var? Bunu haradan çıxarırsan? Belə bir şey yoxdur. Buna görə, sən özünə bir cəhənnəm meydana gətirmisən. Halalı haram etmisən və axirətdə də gözəl qarşılıq alacağına ümid edirsən. Allah səni cəhənnəmdən qorusun. Allah adından hökm vermək şirkdir.

Bu PKK-nın klassik metodudur; öz tərəfdarlarını bombalayar və hiddət oyandırar, beləliklə də, insanları öz tərəfinə çəkməyə çalışar. Dəhşət mühiti, zorakılıq mühiti nümayiş etdirər və belə deyərlər; "Budur gördüyünüz kimi, faşistlər sizi bombalayır, əzib keçirlər. O zaman tək çıxış yolu müharibədir. Siz də dağa çıxın, silahlanın". PKK bu imici verməyə çalışır.

Zorla niyə çətinlik istəyirsən? İslamda musiqi var, şəkil də var. Əylənərsən, gülərsən, oynayarsan, namazını da qılarsan, gəzərsən, üzərsən. Həyatı öldürərək müsəlmanlıq olarmı? Bütün halalları haram edirsən. Allah sənə onları nemət kimi vermişdir, sən Allahın o nemətlərini yox edərək, Allahın dininə qarşı mübarizə aparmış olursan.

Biz nələrin halal olduğunu Quranda axtara bilmərik. Quranda haramlar axtarılar. Çünki haramların sayı çox azdır. Bir şeyin haram olduğuna dair Qurandan hökm-dəlil gətirildiyi vaxt məsələ həll olar. Amma Quranda haram olduğuna dair bir hökm yoxdursa, uydurmalarla, xurafatlarla qadağa qoymaq olmaz.

Mən heç kəsin ölməsini istəmərəm. Terrorist də olsa ölməsini istəmərəm, amma bütün qaynaqları birdəfəlik yox edilsin. Yolları, körpüləri dağıdılsın, yerlə-yeksan edilsin ki, təslim olmalarını asanlaşdıraq. Məsələn, silah-sursat anbarlarını partlatsaq, o zaman azğınlıq edə bilməzlər.

PKK-nın qanun və hüquqla yox edilməsi bütün müsəlmanlar üçün fərzdir. PKK ilə mübarizə aparılmaması haramdır.

İslamdan, Qurandan, müsəlmanlardan uzaq olduğun hər vaxt, hər saniyə əleyhinə günah yazılır. O hər saniyənin hesabını verəcəksən. İslamdan uzaq, Qurandan uzaq, müsəlmanlardan uzaq yaşamaq haramdır. Sən bunu əhəmiyyətsiz bir şey hesab edirsən, lakin bu hər saniyəyə axirətdə izah edəcəksən.

Silah tutmağı belə bacarmayan gənc qızları bomba partlatmağa yönləndirən sistem darvinist materialist təhsildir.

“Insansız uçuş aparatı”, yəni şüursuz varlıqlardır. Aşağıda qadın var, uşaq var, kim varsa, hamısını öldürür. Türkiyə belə bir dəhşətə, belə qorxunc bir cinayətə əsla vasitəçi ola bilməz. Biz bu vətəni belə pis işlərə vasitə etmərik.

Var gücü ilə vətəni müdafiə edən xüsusi hərəkat polislərimizi millətin pulunu verdiyi silahlarla bombalamağın heç vaxt izah olunacaq tərəfi yoxdur.

İngiltərə dərin dövləti Yaxın Şərqdə müsəlmanların kütləvi şəkildə məhv edilməsini istəyir. Guya səhvən atılan bombardmanların səbəbi budur.

Kimyəvi silah böyük zülmdür. Lakin öldürmənin növü yoxdur. Kimyəvi silahı cinayət görüb çəllək bombalarını, digər silahları cinayət hesab etməmək anormallıqdır. Günahsız insanları hədəf alan hər hücum zülmdür.

Bomba ilə, tüfənglə öldürməyi sanki normal görürlər. Kimyəvi silah olduqda təkcə reaksiya göstərirlər. Bütün silahlar dünyadan ləğv edilməlidir.

Çəllək bombasına, güllə yağdırmağa demək olar ki, heç reaksiya vermirlər. İnsan öldürmənin hamısına, bütün üsullarına qarşı olmaq lazımdır.

Təkcə kimyəvi silaha qarşı çıxmaq vicdansızlıqdır. Öldürmənin hamısı eynidir. Kimyəvi maddələrə qarşı çıxıb çəllək bombalarını görməzlikdən gəlirlər. Bomba növünə görə mülki vətəndaşları qoruma qərarı alırlar. Bu çox böyük mərhəmətsizlikdir. Bütün silahlara, bütün bombalara qarşı çıxılmalıdır.

Xüsusən terror hücumları olan bölgələrdə bütün yollara gecəgörmə qabiliyyətli çox sayda müşahidə kamerası yerləşdirilməlidir, hava nəzarəti də sabit olmalıdır.

Müsəlmanların parçalanması, Hz. Mehdi (ə.s)ın inkişaf etdiyinin əlamətidir. Ayrılıqlar Hz. Mehdi (ə.s.)ın vəsiləsi ilə sona çatacaq.

Hz. Mehdi (ə.s) dəccaliyyətin təxribatı ilə mübarizə edər. Bu istiqamətdə mübarizə edən hər Müsəlman bir Mehdi tələbəsidir.

Dindar olmaq, ibadətlərini yerinə yetirmək hər kəsin qibtə edəcəyi gözəllikdir. Məsələn, musəvilər ibadət vaxtı gələndə hər kəsin önündə hava limanında ibadətlərini edirlər. Hər kəs hörmətlə yanaşır. Dindarlıq, hörmət ediləcək nemətdir, gözəllikdir.

Allah eşqin tam olmasını istəyir. İnsan o qədər bəlanın, dərdin içində Allahı sevən vaxtı, Allahın tam istədiyi aşiq olur. Həqiqi aşiq olur.

Hz. Mehdi (ə.s) zühur edir, ağlasığmaz zənginlik olur. Bütün məsələ, Allahın söylədiyini yerinə yetirilməsidir. Haşa, insanlar öz aləmlərində Allahın söylədiklərini etmədiklərində, fəlakət yağış kimi yağır.

Allah bu qədər zülmü, bu qədər qəddarlığı insanlara göstərir ki, mehdiyyətin qiyməti bilinsin. Çünki bu əzablar görülmədən, insanlar mehdiyyətə sığınmırlar. Əzablar daha da şiddətlənəcək, yəni belə qalmayacaq. İnsanlar hz. Mehdi (ə.s)-ı axtarana qədər, Allahdan hz. Mehdi (ə.s)-ı istəyənə qədər bu davam edəcək.

Türkiyənin üzərində iki qorxunc kabus var. Birincisi, Türkiyənin bölünmə təhlükəsi və bölünmə təhlükəsinə açıq şəkildə icazə verəcək prezident idarəetmə sistemidir. Çünki bu özü ilə federasiya gətirəcək, böyük təhlükədir. İkincisi isə, PKK terrorudur. Bu iki təhlükə tezliklə aradan qaldırılmalıdır.

Kürd igiddir. Kürd vəfalıdır. Kürd sadiqdir. Kürd nəcibdir, əsilzadədir, dəliqanlıdır.