Adnan Oktar A9 TV; 4 İyul 2012

Quran layiqliyi müdafiə edər. Allah "dində məcburiyyət yoxdur", "Sizin dininiz sizə bizim dinimiz bizə" deyir, bu layiqliyin qısa xülasəsidir. Layiqliyə görə Xristianlar, dinsizlər, müşriklər zəmanət altındadır. Eləcədə Müsəlmanlar zəmanət altındadır. Səmimi şəkildə hər kəs dinini istədiyi kimi yaşayar. Heç kim bir-birinə müdaxilə etməz. Qeyri-səmimi ruh, üslub olmaz.

Xurafatçılar hər yerdə problemdirlər. Bunlar dəccalın ikinci buynuzudurlar. Dünyanın hər yerində fitnə-fəsad vardır. Bunlara görə İslamın hakimiyyəti yüz il gecikdi, amma təbii ki, Cənabı Allah vəsilə edir. Mütləq Mehdi (ə.s) gələcək. Ondan başqa bir şeyə Cənabı Allah icazə vermir.

Fanatizm aradan qalxır. FANATİZM SON TARİXİ VƏZİFƏSİNİ REALLAŞDIRIR. BUNDAN SONRA XURAFATÇILIĞI TARİX KİTABLARINDAN OXUYACAQSINIZ.

Kommunist xurafatçılar və özlərinə "müsəlmanam" deyən, amma Müsəlmanlıqla əlaqəsi olmayan xurafatçılar əl-ələ verib elmi, sənəti, gözəlliyi yox etdilər.

Xüsusilə sənətçilərin İslama uyğunluqları daha yüksəkdir, amma xurafatçı düşüncəsi ilə yanaşsan zərər verərsən. Səmimi, Müsəlmancasına, ağıllı məntiqlə yaxınlaşmalısan. Xurafatçılığın çirkinliyini kənara itələyib, İslamın nurunu ortaya çıxarsan, Allah da çox gözəl vəsilələr meydana gətirər.

Xurafatla İslam arasında çox böyük fərq var. XURAFAT DƏCCALİYYƏT, İSLAM MEHDİYYƏTDİR. Mehdiyyəti dəccaliyətlə qarışdırırlar. Dəccalı Mehdi, Mehdini dəccal zənn edirlər. Onu düzəltdik, inşaAllah.

Allah əhəmiyyətli mövzuları xurafatçılar vasitəsi ilə bizlərə izah edir. Bir səbəb lazımdır. Əhəmiyyətli bir mövzu olur, xalqı, milləti məlumatlandırmağımız lazım olur. Allah bir xurafatçını üzə çıxarır, xurafatçı bir şeyə etiraz edir. Buradan da başa düşürük ki, xalqımızın, millətimizin bu mövzuda məlumat alması lazımdır.

Xurafatlardan narahat olmaq yersizdir. Onlar gücsüzdür, yazıqdır. Onlara bu qədər baş qoşmağa ehtiyac yoxdur.

Xurafatçılığın əsas düşüncəsi "mənim kimi olmayan yaşamasın" ifadəsidir. Amma bizlər, yəni Hz. Məsih tərəfdarları, Hz. Mehdi (ə.s) tərəfdarları daima sülhü, qardaşlığı,fikir azadlığını müdafiə edirik. Aydın olmağı, elmlə, sənətlə hərəkət etməyi, Allahın hökmlərinə möhkəm sarılmağı məqsəd seçirik.

Hər dində xurafatçılıq çox təhlükəlidir. Yəhudidə, Müsəlmanda, Xristianda da xurafat təhlükəlidir.

Mən xurafatçılara qarşı zorakılıq tətbiq edilməsinin doğru olduğunu düşünmürəm. Elə olmaz. Xurafatçılara yenə də şəfqətlə izah etmək lazımdır. Ağıllı, xüsusilə, onların öndə gələnlərini razı salacaq bir şəkildə izah edilsə, o müşrik düşüncəyə bir həll yolu tapıla bilər.

XURAFATÇILIQ KOMMUNİZMİN İNKİŞAFI ÜÇÜN ALIŞQAN ROLUNU OYNAYAN BİR QURULUŞDUR. Xurafatçılar qadın, azadlıq , elm, sənət düşmənidirlər. Kommunist bu gücü alarkən dinə qarşı böyük üstünlüyə malik olur.

Bir çox ölkədə kommunistlər xurafat dəstəsini dəstəkləyir ki, pislik etsinlər, insanlar Müsəlmanlara nifrət etsinlər, Müsəlmanlara qarşı Armagedon döyüşü qısa müddətdə başlasın. Bu düşüncədədirlər.

İslamın izah edilməsində, yaşanmasında dünyəvilik son dərəcə vacib mövzudur.

Dünyəvilik prinsipi mühümdür. Quranın bir hökmüdür. Həqiqi İslamı yaşamaq, münafiqlərə imkan yaratmamaq, onların imkanlarının qarşısını almaq üçün bir nemətdir.

Dünyəvi, demokratik bir sistem olduğu kimi, əsli ilə meydana gələcək, inşAllah. Təzyiqlərə məruz qalma, şiddət dövrü bitəcək, inşAllah.

Azadlıq fərahlıq və bərəkət gətirər. Yəhudiyə də, xristiana da, dinsizə də sahib çıxmaq lazımdır. Belə liberal, fərah, gözəl mühit olsun. Belə mühitdə çox zəngin, tam dolğun din anlayışı hakim olar. Dünyəvilik dinin özündə olan sistemdir.

Heç kimin inancına qarışmaq olmaz. Dinsizin də, dindarın da, massonun da, kommunistin də və s. inancına qarışa bilməzsən. Hamısı ölkənin vətəndaşlarıdır.

Birlik, bərabərlik zəmanətdir, dinclikdir, dindarın və dinsizin qorunmasıdır. Quranda birlik vardır.

Bərabərliyi hz. Mehdi (ə.s) tətbiq edəcək. Hər dinə, hər kəsə qarşı şəfqət, sevgi göstərəcək.

Bərabərlik tətbiq etdiklərində həqiqətən dinsizlik kimi tətbiq edirlər. Dindarlar təzyiq görür. Bərabərlik aradan qaldırdığında ağlasığmaz rüsvayçılıq, iztirab, təzyiq özünü göstərməyə başlayar. Bu tarazlığı hz. Mehdi (ə.s) quracaq.

Dünyəvilik dini susdurmaq deyildir. Dinin istifadə edilməsi də deyil. Dinin səmimi şəkildə yaşanmasıdır. Bir siyasətçi içindən gəldiyi kimi Allah haqqında danışmaq istəyirsə danışsın, dindən danışmaq istəyirsə danışsın.

Dünyəvilik demək; dinsiz də rahat yaşayacaq, xristian da, musəvi də rahat yaşayacaq, müsəlman da rahat yaşayacaq deməkdir; inanclarına mane olmayacaqsan. Heç kim başqasını məcbur etməyəcək, təzyiq göstərməyəcək. Dünyəviliyin mənası budur. Hər kəsin həyat tərzi sərbəst olmalıdır.

Dünyəvilik, Quranda hakim olan düşüncə formasıdır. Allah ayədə, "de: Sizin dininiz sizə, mənim dinim mənədir, deyir", (Kafirun surəsi, 6). Məhz bu ayə dünyəviliyin qısa xülasəsidir.

Bütün İslam aləminin bir lideri olmalıdır. Müsəlmanların rəhbərsiz olmasını təsəvvür etmək mümkün deyil, amma bu, anti-demokratik, anti-dünyəvi, gözünü qan bürümüş, əli qılınclı, hücuma hazır duran xurafatçı kimi deyil, sevgi, mərhəmət, şəfqət, ağıl, demokratiya, yaxşılıq, gözəllik, elm və sənətin ən yüksək nöqtəsinin tətbiq olunduğu, ən yüksək mədəniyyətin olduğu bir birlik olacaq.