Adnan Oktar A9 TV; 11 aprel 2014

Bütün dünya mehdiyyətə hazırlanır. Masonluq ilk qurulduğu gündən başlayaraq mehdiyyəti, Mehdi (ə.s)-a xidmət etməyi hədəf almışdır. Əzilib-bükülmüşdür, lakin axırda mehdiyyətə xidmət etməklə vəzifəsini başa vuracaqdır.

Mehdiyyət sevgi, şəfqət, məhəbbət təhsilidir. Mehdi (ə.s) üsyanı, tüğyanı, dəlaləti tənqid edən, onun səhv olduğunu insanlara öyrədən, gözəlliyi, sevgini böyük məhəbbətlə insanların ürəklərinə həkk edən varlıqdır.

İslam Birliyinin tezliklə qurulması fərzdir. Bütün diqqətimizi İslam Birliyinə yönəltməyimiz fərzdir. Buna görə mehdiyyətə cəmləşmək fərz olur.

Peyğəmbərimiz (s.ə.v) deyir: "Axırzamanda qadınlar kişiləşəcək". Eynilə baş verdi. Yaradılışı pozdular. Mehdiyyət dövründə qadınlar qadına bənzəyəcək, kişilər kişiyə bənzəyəcək, binalar bina kimi olacaq, sənət sənət kimi olacaq, musiqi musiqi kimi olacaq, hər şey öz qaydasına düşəcək və hər şey gözəlləşəcək, inşaAllah.

Heç vaxt Osmanlıya geri qayıtmarıq. Yəni yeni Osmanlı siyasəti yoxdur. Mehdiyyət siyasəti vardır. İslam aləminin birləşməsinin adı mehdiyətdir, mehdilikdir. Onun başına keçən şəxsə də Mehdi deyilir. Bu, İsa Məsihin dəstəyi ilə olacaq

Tələb etməklə, istəməklə mehdi olmaz. Mehdi doğular. Allah onu mehdi olaraq dünyaya gətirməlidir. Qədərində mehdilik olan adam olmalıdır. Şöhrətlə, qalmaqalla, çox çalışmaqla olmaz. Ürəklə əlaqədardır. Mehdiyyət dərin imanla əlaqədardır

Mehdiyyət şəxsi mənəvi deyil. Mehdi şəxsdir, tələbələri vardır. Amma şəxs və tələbələri təbii ki, şəxsi mənəvi meydana gətirərlər.

Hal-hazırda az qala hər camaat, birlik mehdiyyətdən cəsarətlənərək, şövqlənərək, imanını gücləndirərək yoluna davam edə bilir. Yoxsa mənəvi cəhətdən böyük kütlə çoxdan çökərdi, qətiyyətini itirərdi.

Əzmi, şövqü və həyəcanı mehdiyyət dünyaya verir. Müsəlman aləminə bir ruh verir. Yoxsa müsəlmanların çoxu yorğunluq, peşmanlıq, ümidsizlik girdabına çox rahat şəkildə düşərdilər.

Mehdiyyət dünyaya dayanmadan canlı ümid, həyəcan, bir şövq verərək ümidsizlik və depressiya ruhunu yox edən beynin gözəl fəaliyyətidir. Bu nəticəni, inşaAllah 10-20 il ərzində daha dəqiq görəcəyik.

İslamda vəfa, sədaqət vardır. Amma siyasətdə bu yoxdur. Mehdiyyət dövründə bu tamamilə düzələcəkdir. Vəfa da, sədaqət də, şəfqət də olacaqdır. İnsanlar dəyərsiz olmaz, insanların qədir-qiyməti çox yaxşı bilinər.

Allah əvvəlcə bəlanı, pisliyi yetərincə göstərir. Sonra təmizliyi, üstünlüyü, gözəlliyi göstərəcək. Hal-hazırda dünya cəhənnəmi yaşayır. Bir müddət sonra cənnəti yaşayacaqdır.

Mehdiyyət dövründə polis, İHMV (İctimai Hadisələrə Müdaxilə Vasitəsi), qaz bombası olmaz. Nə üçün? Sevgi hakim olduğuna görə. İndi sevgi hakim deyil. Qorxu və şiddət hakimdir.

Mehdi (ə.s) dövründə birisi digərinin başına bir şey atmaz. Buna görə bir dənə də olsun İHMV (İctimai Hadisələrə Müdaxilə Vasitəsi) olmaz. İHMV-lərdən Axırzamanda, Mehdi (ə.s) dövründə bağ və bağçaların suvarılmasında istifadə ediləcəkdir.

İslam Birliyi-mehdiyyət dünyada hər kəsə sahib çıxan bir sistemdir. Mehdiyyət inancı, düşüncəsi nə olursa olsun öz övladı kimi ona şəfqət göstərən, sevgi bəsləyən sistemdir.

Mehdiyyət əziyyətli, uzun bir dövrdür. Bir çox şey gəlib keçər, bir çox şey gəlib keçər, mehdiyyət körpü kimi dayanar. Mehdiyyət sonda axirətə də, dünyaya da bir gözəllik olaraq insanlara nurunu saçar.

Üç-beş il sonra Türkiyə də, dünya da tamam fərqli olacaq. Mehdiyyət sağlam və güclü quruluşu ilə addım-addım irəliləyir, əlhəmdülillah.

Birlik mehdiyyət ruhu ilə çox qəti olaraq əldə edilər. Hər kəs "birlik olaq" deyir. Kimsə əhəmiyyət vermir. İrqçilik, məzhəbçilik, bölgəçilik, hətta məhəlləçilik də yayılmışdır. Ona görə Peyğəmbərimiz (s.ə.v) bu bəlanı bildiyi üçün Mehdisini xüsusi olaraq vəzifələndirir.

Qatı dinçiliklə İslamofobiyanı inkişaf etdirdilər. Xurafatçılar bunu bacarır. Mehdiyyət olmasaydı xurafatçılar İslamı yer üzündən silmişdilər. İslamın dünyada qalmasının səbəbi mehdiyyətdir. Türkiyəni bölə bilməmələrinin səbəbi də mehdiyyətdir. Yoxsa Türkiyəni də yerlə-yeksan edəcəkdilər.

Mehdiyyətin olmadığı yerdə vəhşilik olar. Allah bunu insanlara göstərir, daha da göstərəcək. Qarşıdakı günlərdə daha da şiddətli görəcəklər. O vaxta qədər ki, İsa Məsihə, Mehdi (ə.s)-a, İslam Birliyinə sevgi yaransın.

İraq yerlə yeksan olacaq. Mümkün deyil, mehdiyyətdən kənarda dünya xilas olmaz. Mehdi (ə.s)-a tabe olmaqdan başqa xilas olmaq mümkün deyil. Anlamazlığa vursalar, Allah zorla izah edəcək. İllah ki, Mehdi (ə.s), illah ki, İsa Məsih, illah ki, İslam Birliyi.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

Dinin həqiqi ruhu təkcə mehdiyyətdir.

Şiə və sünni ayrı-seçkiliyinin aradan qalxması ancaq mehdiyyətlə mümkündür. Sənətin, elmin, incəsənətin, gözəlliyin, dünya hakimiyyəti mehdiyyətlə olar.

Allahın köməyi olmadan, Allahın qədərdəki yardımı olmadan, Allah yolunda olan cəhd, mehdiyyətin əmrində olan cəhd olmadan hər hansı hərəkətin uğurlu olması Allahın qanunlarına görə mümkün deyil.