Adnan Oktar A9 TV; 27 aprel 2013

Dövlət universitetləri, ibtidai təhsil necə pulsuzdursa, eyni şəkildə internet də dünya səviyyəsində ən mühüm təhsil təşkilatı olduğu üçün pulsuz olmalıdır. Təhsil üçün pul verilməz.

İnternetə limit olsa, adamın əlindən kitabı götürmüsən, adam kitabxanaya gedir, qapının qarşısında dayanmısan, eyni hərəkət olar. İmkan yaradın, millət məlumatını, mədəniyyətini artırsın, limit və s. bunların hamısı aradan qalxsın.

Kasıb-füqəraya ödənişsiz kompyuter, internetə ödənişsiz havayı daxil olmaq imkanı―bunlar vacibdir. Belə olduqda həqiqi müasir Türkiyəyə doğru sürətlə irəliləyərik, inşaAllah.

Hökumətimiz interneti ən vacib mövzu olaraq qəbul etsin. Bütün Türkiyədə internet əlaqəsi havadan olsun və hər cür internet məhdudlaşdırması qaldırılsın. Hər kəs istədiyi vaxt rahat şəkildə internetə girə bilsin. İnternet məhdudlaşdırması kitabın üz qabığına kilid vurub, "oxuya bilməzsən" demək kimi bir şeydir.

Ödənişsiz və limitsiz internet tətbiq ediləndə bütün Türkiyə universitet halına gələr. Hətta dövlətimizin imkanı olmayanlara kompyuter verməsi çox yaxşı olar. Hər kəsin kompyuteri olmalıdır.

Türkiyədə hər yerdə naqilsiz, havadan internet tətbiqi limitsiz olsun. Cəmiyyətdə informasiyanın artması çox əhəmiyyətlidir. Savadı olmayan cahil bir cəmiyyətdə demokratiya olmaz.

İstəyən istədiyi kimi, necə istəyirsə elə yaşasın. Nə internetə, nə facebooka, nə skype-a, nə insanların dini inancına, nə də düşüncəsinə qarışılsın. Hər kəs azad olsun. Din belə mühitdə rahat şəkildə inkişaf edər.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Ən vacib mövzu təhsildir. Təhsildə də ən əhəmiyyətli yer, xalq universiteti olan internetdir. O zaman hər kəs universitetə yazılmış olur. Baş nazirimiz bu limit məsələsini aradan qaldırsın.

Xalqa ucuz kompyuterlər paylana bilər. İnternet sanki ucu bucağı olmayan bir okeandır. İnternet vasitəsi ilə trilyonlarla, milyardlarla, milyonlarla məlumat əldə etmək imkanı var. Dünyanın ən böyük universiteti, ən böyük ensiklopediyaları ilə xalqları məlumatlandırmış oluruq. Baş nazirimiz bunun yolunu açsın.

Elmdə, mədəniyyətdə limit olarmı? Bütün Türkiyədə internet sərbəst olsun, ödənişsiz olsun.

İnternet dünyanın ən böyük universitetidir, qapısı sonuna qədər açıq olmalıdır.

İnternet istifadə haqqı hər kəsə limitsiz olmalıdır. Elmə, məlumata məhdidiyyət qoyulmaz.

Hökumətimiz internet istifadəsini ödənişsiz və limitsiz hala gətirsin. Bu millətimizin mədəni inkişafı baxımından çox əhəmiyyətlidir.

Qardaşlarımız pislik edənə pisliklə cavab verməsin . İnternetdə çirkin bir sözlə qarşılaşdıqlarında altına ayə yazsınlar. ÜRƏYİ QARALMIŞ İNSANLARA QARANLIQLA DEYİL, QURANın NURUYLA CAVAB VERİLƏR. Qaraldılmağa çalışılan interneti daima işıqlandıracağıq.

Əsas məsələ insanların imanlı olmalarını təmin etməkdir. İmanlı olduqdan sonra çox asandır; namaz da qılar, oruc da tutar, zəkat da verər, həccə də gedər. Bunun üçün iman həqiqətləri çox əhəmiyyətlidir. İmanlarının artması üçün bizim internet səhifələrimizi ziyarət etmələrini təşviq etsinlər. Mütləq peyklə bizləri hər axşam izləmələrinə təşviq etsinlər.

İnterneti yaradan da Allahdır, kompüteri yaradan da Allahdır. İnsanların, çox vaxt beyinlərinin içindəki kompüteri gördüklərindən, beyinlərinin içindəki düymələrə basdıqlarından xəbərləri yox. Kompüter ekranının əsli, eşikdə şəffaf və qapqaranlıq. İnsanlar bu sirri bilsələr bir an yerlərində dayana bilməzlər.

Bizim internet saytlarımız universitetlərə də açıqdır. Bu saytlar bir çox universitetin bir araya gəlməsi kimidir. O universiteti yaradan da Allahdır, kompüteri yaradan da Allahdır. Oradakı hər yazını, hər rəqəmi Allah xüsusi olaraq yaradar.

Mümkün riskə qarşı TRT, Telekom, Türksat kimi rabitə və internet mərkəzlərinin yaxşı qorunması çox əhəmiyyətlidir.

Dabbə mehdiyyətə xidmət edən sistemdir. Kompüter, televiziya, internet sistemlərinin mehdiyyətə xidmət etməsidir.

Münafiqlər və dərin dövlət internet texnologiyasından öz aləmlərində yaxşı istifadə edib gizli simvollarla xəbərləşirlər və bir-birlərini tapırlar. Münafiqlərin və dərin dövlətin istifadə etdiyi gizli simvollardan biri də incəsənətdir. Nemət olan incəsənətdən haşa dinlə lağ etmə şəklində istifadə edərlər. Cinayətin, homoseksuallığın, təcavüzkarlığın tərifləndiyi portretlər, heykəllər, şeirlər, romanlar bu strukturun istifadə etdiyi şüur altı manipulyasiya sistemidir.

Axırzaman münafiqləri internet, ağıllı telefon kimi sistemlərdən çox istifadə edirlər. Saxta hesablarla hər cür azğınlığı, fitnəni müdafiə edirlər. Münafiqlər açıq hesablarından ümumiyyətlə təbliğ etməzlər. Fitnə üçün gizli hesablarından istifadə edərlər. Buna çox diqqət yetirmək lazımdır.

Münafiq cəmiyyət mikrobudur. Harada murdarlıq, əxlaqsızlıq, fitnə varsa, onu müdafiə edər. Bunun üçün də internet və sosial mediadan istifadə edər.

İnternet müsəlmanlara Dabbətül-ərz kimi xidmət edir, lakin münafiqlər üçün də qaranlıq ruhlarını yaşaya bildikləri bir sahə olur. Münafiqlərin çirkli ruhları çox yaxşı ifşa edilsə internet və sosial medianı fitnə üçün istifadə etmələrinin də qapısı bağlanmış olar.

İnternet müsəlmanların İslama xidmət etmək üçün münafiqlərin isə alçaqlıq etmək üçün istifadə etdikləri vasitə olur. Saxta hesablarla namərdlik edirlər. Öz hesablarında millətçi, mühafizəkar insan kimi göründükləri halda, saxta hesablarında hər cür alçaqlıq, şəxsiyyətsizlik, iyrənclik hakim olur. Öz hesablarında dindar, alicənab üslubdan istifadə etdikləri halda, saxta hesablarında İslam, din düşməni, vətən xaini xarakter göstərirlər. Münafiq ağılsız olduğundan saxta hesablarının bəlli olmayacağını zənn edir, halbuki saxta hesablardakı ortaq xarakterdən dərhal bəlli olur.