Adnan Oktar A9 TV; 24 Aprel 2012

Sən axirətə lağ etməklə axirətdən xilas olacağını və yaxud axirət qorxusundan azad olacağını zənn edirsənsə yanılırsan. Daha da günahkar olarsan, işgəncən artar, əzab çəkərsən.

Mələklər canını alarkən qanın iliyi çəkilər, bacarmazsan (axirətlə zarafat edə bilməzsən). Cəhənnəmdə diz çökdürüldüyündə onları edə bilməzsən. Orada səni alqışlayanlar, dinləyənlər də olmaz.

Mələklərlə əlaqədar, axirətlə əlaqədar karikaturalar çəkirlər. Başının üstündə quşlar, buludlarda adamlar uçur. Cəhənnəm zəbaniləri insanları qovur. Bütün karikatura jurnallarında vardır. BUNLAR ALLAH QORXUSUNU, ALLAH SEVGİSİNİ AZALTMAQ ÜÇÜN TƏBLİĞATDA İSTİFADƏ EDİLƏN GİZLİ ÜSULLARDIR.

AXİRƏTLƏ ƏLAQƏDAR LƏTİFƏ, ZARAFAT DANIŞILMAZ. Axirəti niyə mövzuya qatırsınız? Bu mövzuya axirəti, müqəddəsatı niyə qatışdırırsınız? BELƏ ETMƏKLƏ AXİRƏTƏ, MƏLƏKLƏRƏ QARŞI HÖRMƏTİ AZALDARSAN.

ALLAHDAN QORXAN QADIN ÇOX GÖZƏL OLAR. Çox sevimli, məzlum, şəkər, dünya şirini olar. Əks halda çirkin olar, Allah əsirgəsin.

Həqiqətən, axır zamandayıq. İnsanlar dünyanın az qala hər tərəfində hara əlini atsalar, bir anormallıq, bir çöküş, bir pozğunluq, bir xəstəliklə qarşılaşırlar. Bəla hər tərəfi bürümüş vəziyyətdədir və hökumətlər, dövlətlər, şəxslər həll tapa bilmirlər. Buna görə də, ümumiyyətlə, insanlar bədbəxt, narahat və qorxu içində yaşayırlar. Dünyanın heç bir yerində güvənc içində yaşayan insan tapa bilməzsən. Hakim də qorxu içindədir, polis də qorxu içindədir, xalq da qorxu içərisində; zabit də, əsgər də, dünyada hər kəs qorxu içində yaşayır. MEHDİYYƏT MƏHZ BU BƏLANI ORTADAN GÖTÜRƏCƏK SİSTEMDİR, İnşAllah.

Biz bu dünyada rahatlamaq üçün deyil, Allahı sevdiyimiz üçün Allaha təslim oluruq.

Allah insanların ruhlarını İslamı sevəcək şəkildə yaratmışdır.

Bizim bürokratlarımızın müasirlikdə, zarafatcıl olmaqda Avropanı keçməsi lazımdır.

Xanımların əylənməsini qadağan etmək dünyadakı mühüm bir gözəlliyi kökündən qopartmaqdır. Dünyanın ən mühüm bəzəyi qadındır. Qadın əylənirsə, xoşbəxtdirsə, şənlənirsə, gözəlliyini nümayiş etdirə bilirsə gözəl olar.

Ümumiyyətlə, tarix boyu dünyanı qadınlar üçün cəhənnəm mühitinə çevirmişdilər. Qadın olaraq dünyaya gəldiyi təqdirdə əylənmə, istədiyi kimi geyinmə, bəzənmə imkanı yoxdur, sevib-sevilmə hüququ yoxdur, sevinməsi qadağandır, hər şey qadağandır. Buraxın əylənsinlər, şən olsunlar, istədikləri kimi geyinsinlər. Artıq yaxalarından əl çəkin, imkan verin hüzurlu yaşasınlar.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Əylənərkən Allahı düşünmək olmaz deyə bir inanca sahibdirlər. Məsələn, toya, diskotekaya getdiyində, yaxud radioda bir musiqi çalınırsa, Allahı unutmasının lazım olduğuna inanır. Bu çox böyük səhvdir.

Din, dünyanın bütün gözəlliklərini özündə toplayan bir sistemdir. Dində sevinc var, nəşə var, əyləncə var, musiqi var. Xanımlar rahatlıqla gəzər, istəsə dekolte geyinər, istəsə başını örtər, heç kim heç kimə qarışmaz. İstəyən qəhqəhə çəkib gülər, istəyən döymə elətdirər, istəyən də parik taxar. Din belə şeylərə qarışmaz. Din bizim vicdanlı, dürüst, ağıllı, halala, harama diqqət yetirən kimsələr olmağımızı istəyir. Din sevincin, nəşənin digər adıdır.

Yarış, Peyğəmbərimiz (s.ə.v)-in məqbul gördüyü, dinin də məqbul gördüyü bir şeydir. Cənnətdə də var; möminlər yarışla əylənirlər. Əylənmək üçün avtomobil yarışı keçirir, qayıq yarışı keçirir, yaxud qaçır, atla yarış keçirir.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Dünyanın zövq alınacaq bir tərəfi yoxdur. Çünki zövq alınacaq yer cənnətdir. Niyə insan burada yarımçıq əylənsin? Belində bir ton odun ola-ola; "gəlin əylənək" deyir. Həmin bu bir ton odun Cənnətdə belindən enəcək. Ondan sonra əylənirsən. Burada əziyyət baş alıb gedir.

Ramazana görə imsaq və iftarla əlaqədar pis-pis zarafatlar edir, pis-pis karikaturalar hazırlayırlar, çox ədəbsiz, hörmətsiz üslub işlədirlər. Günah olar bu etdikləri, çirkin hərəkətdir. Lağ edəcəklərsə, zarafat edəcəklərsə özləriylə əlaqədar etsinlər. İftarla, imsaqla əlaqədar, orucla əlaqədar çirkin karikaturalar, lətifələr müsəlmana yaraşmaz. Bundan uzaq olsunlar.

Təkcə insan gözəlliyi deyil, o insanların hörmətcil, nəzakətli, sevgi dolu olması da təbliğdə çox əhəmiyyətlidir. Hz. Süleyman buna diqqət yetirir. Hz. Süleymanın təbliğ mühiti ağır deyil, tam əksinə şən, zarafatcıl, təvazökar bir mühit idi. Hz. Süleyman çox zarafatcıl idi.

Peyğəmbərimiz (s.ə.v) çox valehedici gözəlliyə sahib idi və çox heybətli idi. Eyni zamanda çox zarafatcıl idi, çox sevincli idi.

Hikmətli, qısa və dəqiq danış. Uzun danışmaq, boşboğazlıq etmək çox böyük xəstəlikdir. Bütün dünyada geniş yayılıb.

Axirətdə sorğu zamanı tək olursan. Orada meydan oxuya bilməyəcəksən, mənəm-mənəmlik edə bilməyəcəksən.

Marksist, Leninist düşüncənin mənbəyi terrordur. Buna görə dövlətin Darvinist-materialist təhsili dayandırması lazımdır. Leninizmi, Darvinizmi, Marksizmi cavabı ilə birgə izah et. Cavabsız izah edilsə, təsiri də dağıdıcı olar.

Pərişan insanlar, mühit olmamalıdır. Orta şərqdə bu böyük bəla, keyfiyyətsizlik hakimdir. BÜTÜN İSLAM ÖLKƏLƏRİNDƏ KEYFİYYƏTİN ƏN YÜKSƏK DƏRƏCƏSİNİN HƏDƏFƏ ALINMASI LAZIMDIR.

Keyfiyyətsiz teatr, parklar, məsələn; keyfiyyətsiz əyləncə, musiqi, geyim çox təhlükəlidir. Keyfiyyətsiz evlər, küçələr, yəni hər tərəf cəhənnəmə dönər, Allah əsirgəsin. KEYFİYYƏTƏ ÖNƏM VERSƏK, TEZ BİR ZAMANDA İNKİŞAF EDƏR.