Adnan Oktar A9 TV; 1 dekabr 2014

CHP Atatürkün anlayışını mənimsəsin. CHP Atatürkün sevgi, dostluq, qardaşlıq, birlik anlayışı, Türk-İslam Birliyi, İslam Birliyi anlayışı, Türk dünyasının birləşməsi anlayışı, Qurana sevgi anlayışı, qadına və sənətə baxışını yaxşı şəkildə mənimsəsin. Əgər bu olsa, CHP-nin səy göstərməsinə ehtiyac qalmaz, onsuz da millət dərhal onu bağrına basar.

Atatürkçü demək; müasir olmaq, ziyalı, ağıllı, doğru-dürüst olmaq, Allahı çox sevmək, İslam aləminin birliyini, Türk aləminin birliyini müdafiə etmək, Qızıl Almaçı olmaq, nəzakətli, mükəmməl, yaraşıqlı olmaq deməkdir. Atatürkçülük budur.

CHP gecə-gündüz Allahdan bəhs etsin, cənab Kılıçdaroğlu ayələrlə danışsın, İslam Birliyini müdafiə etdiklərini açıq şəkildə bildirsinlər. Sülhü, qardaşlığı, sevgini, Bədiüzzamanı tərifləsinlər, Süleyman Hilmi Tunahanı tərifləsinlər. Bir sözlə, Atatürkün dindarlıq anlayışını müdafiə etsinlər. Eynilə Atatürk kimi olsunlar, qalib gələrlər, 70% səs çoxluğu ilə hakimiyyətə gələrlər.

Bədiüzzaman Türkiyədə dini, dinin həqiqətini təkmilləşdirdi, Atatürk də xurafatçılığı təmizlədi. Türkiyə bu iki dəyərli şəxs tərəfindən hal-hazırki gözəlliyə qovuşmuşdur. Birincisi Atatürk, ikincisi isə Bədiüzzamandır. Bir-birlərinə zidd kimi görünmələri leduni bir elmdir. Onu hər kəs başa düşə bilməz. Bir-birinə zidd kimi görünməsi, onun üsuludur.

Dindar CHP müvəffəqiyyət qazanar. Dindar CHP Türkiyənin bəzəyi olar. Əmin olsunlar, ən azı 70% səslə hakimiyyəti ələ keçirərlər. Marksdan bəhs edirsənsə, Bədiüzzamandan da bəhs etməlisən. Süleyman Hilmi Tunahandan da bəhs etməlisən. Onda müvəffəqiyyət qazanarsan. Başqa cür olmaz.

Din dərsi gəncləri dindar etməz, yalnız ümumi mədəniyyət qazandırar. Amma din dərsində iman həqiqətləri izah edilsə, Quran möcüzələri izah edilsə, o zaman imanlı bir gənclik, dindar bir gənclik olması məqsədi qoyulmuşdur demək mümkündür.

Bizim aclığımız və susuzluğumuz dindar olmağadır. Din demək; rahatlıq deməkdir, gözəllik deməkdir. Dostluq, qardaşlıq, yaxşılıq, sevgi, biz bunun üçün yaşayırıq.

Ağıllı, yaxşı niyyətli, sevgi dolu insanlar hər zaman dünyanın lideridir, hər zaman sözləri keçər. Dünyanı Yaradan Güc onlara hər zaman bu imkanı verir.

CHP-ni tənqid edənlərin belə ağır, kəskin bir üslub, xoşagəlməz bir söhbət üslubu deyil, yaradıcı və səmimi danışmaları lazımdır. Çoxbilmişlik, zirəklik, dilbazlıq yarışına girirlər. Bu, CHP-dəki ruhu daha da zədələyər. Bu doğru olmaz.

CHP sağın bütün gözəlliyini, rənglərini, zənginliyini almalıdır; solun da bütün keyfiyyət, sənət, estetika, azadlıq, demokratiya, elm anlayışını sonuna kimi müdafiə etməlidir. Solun məmnun olmadığı heç bir nöqtə qalmasın. Sağın da bütün zənginliyini alsın.

PKK-nın olduğu hər yerdə, PKK-nın başının qanunla, hüquqla əzilməsi lazımdır. "Bəylər" deyir Atatürk, "Bir şey bilinməlidir ki, Türk aləminin ən böyük düşməni kommunizmdir. Hər görüldüyü yerdə əzilməlidir" deyir.

Milliyyətçi gənclər, Alperenlər, əgər alınarsa Səadət partiyasının gəncləri də bir araya gəlsinlər. Qərarlı duruş sərgilənən bir platforma meydana gətirsinlər qanuna, hüquqa uyğun şəkildə. Ədalət və İnkişaf Partiyası, CHP partiyasının gəncləri də buna qoşulsun. Bölünməyə qarşı fövqəladə bir dayanıqlılıq və müqavimət göstərən bir açıqlama verilsin.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Bədiüzzaman həzrətləri və Atatürk müasir İslamın zəminini birlikdə ortaya atmışlar. Bədiüzzaman hər nə qədər Atatürkə zidd kimi görünsə də düşüncə olaraq zəmində müasir İslam anlayışında müttəfiqdirlər. Atatürk Bədiüzzamanı çox bəyənir.

Heç bir dinin qarşısını almaq doğru deyil. Yayılsın qardaşım. Xristian xristianlığı yaysın, yəhudi yəhudiliyi yaysın, müsəlman müsəlmanlığı yaysın. Yetər ki, dindar olsun cəmiyyətlər. Əvvəlcə dindarlığın qəbul edilməsi çox əhəmiyyətlidir.

İnsanlar qəlbdə, ruhda dindar olacaqlarını gördülər. Musiqi dinləyə biləcəklərini, qadınlar başı açıq gəzə biləcəklərini, eyni zamanda dindar olub namazlarını da qıla biləcəklərini gördülər. Onun üçün din, Türkiyədə gizli şəkildə mükəmməl yayıldı. Özünə hər yerdə fövqəladə bir zəmin tapdı.

Amerikanın dindar olması, onlara bərəkət gətirən, onları xoşbəxt edən əhəmiyyətli bir tərəfiydi. Amma Amerika dindarlıqdan imtina etdikdə, onu fəlakətlər bürüdü. Dünyanın ən varlı dövləti ən kasıb dövləti olmağa doğru gedir. Dindar olsalar yenə çox varlı olarlar.

İnsanların, bu qədər əzab çəkmələrinə baxmayaraq, dinin əhəmiyyətini görə bilməmələri heyrət vericidir. Halbuki normal bir dindar olduqca hüzurlu yaşayar, olduqca gözəl yaşayar.

Allah əsil dindarlığı nəzərdə tutur. Yoxsa sosial həyatı vardır, bir də guya dini yaşayır; belə şey olmaz. Sosial həyat deyə bir şey ola bilərmi? Din hər yerə hakimdir. Möminin hər şeyinə hakimdir. Sosial həyat nə deməkdir? Bebek məhəlləsinə gəzməyə gedərsən, Allah rizası ona hakimdir.

Atatürk bütün sirləri bilirdi. İslamın bütün dünyaya hakim olacağını, Türk-İslam Birliyinin olacağını, qatı dinçilərin məğlub olacağını da bilirdi. O, hz. Mehdi (ə.s)-a köməkçi olmaq üçün qatı dinçilərin yolunu qabaqcadan bağladı və mehdiyyətin qapısını sonuna qədər açdı. Hz. Mehdi (ə.s) köməkçisi olaraq öz vəzifəsini yerinə yetirmişdi.

CHP-in iqtidara gələ bilməməsinin səbəbi, lazımsız yerə marksist dəstəyi almasıdır. Halbuki, CHP Atatürkün partiyasıdır. Atatürk İslama xidmət etmişdir. CHP də bunu etməlidir.

Qatı dinçi ayrıdır, müsəlman ayrıdır. Şirk qoşan ayrıdır, şirk qoşmayan müsəlman ayrıdır. Mən şirk qoşanı tənqid edirəm. Özü də bilmədən müşrik olanı tənqid edirəm. Qatı dinçi olanı tənqid edirəm. Müsəlman Qurana tabe olana deyilir.

İslam dini vəhşilik dini kimi göstərilir. Ona görə bu antipatiya meydana gəlir. Deyirlər ki, "İslamofobiya"dır. Dəhşətə fobiya vardır, vəhşilikdən qorxur insanlar. Bir vəhşilik sistemindən bəhs edirsən, İslam deyə tanıdırsan. Vəhşiliyin adını İslam qoymusan. İslam dinində şəfqət, mərhəmət, sevgi, sənət, estetika, elm, gözəllik hər şey vardır.