Adnan Oktar A9 TV; 15 aprel 2015

Darvinizm əhatəli şəkildə izah olunsun, amma elmi cavabı çox əhatəli şəkildə verilməlidir. Xüsusilə də paleontoloji dəlillər, dövlət tərəfindən hər yerdə xalqa göstərilməlidir. Dünyanın ən uydurma, ən məntiqsiz, şeytanın gülməkdən yerə yıxıldığı ən bərbad fəlsəfəsidir.

Bütpərəstlər belə bütü yaradanın Allah olduğuna inanırlar. Darvinistlər hər şeyi təsadüfün yaratdığına inanırlar. Belə bir azğınlıq, haşa Allaha bu cür bir meydan oxuma görülməmiş, eşidilməmiş bir şeydir.

Sən darvinist olanda Allaha; "sevmirəm səni" deyirsən (haşa), "varlığına belə inanmıram" deyirsən. Allaha meydan oxumuş olursan. Allahı tənzih edirəm.

Bütün dünya ölkələri darvinizm əsasında; "Allah yoxdur, peyğəmbər də yoxdur" deyir. "Bütün haqq kitablar da yalandır" deyir. Mərakeş, Tunis, Əlcəzair, Misir, hamısı. Qiyamətin qopmaması möcüzədir. Allah dünyanı hal-hazırda Mehdi (ə.s) vəsiləsiylə ayaqda saxlayır.

Sağçıların ideoloji zəminini mən və yoldaşlarım hazırladıq. Sağçı bir hökumətin ideologiyası olmadan, hakimiyyətə gəlməsi qeyri-mümkündür. Nə etdik? Darvinizmi, materializmi elmi dəlillərlə yerli-dibli yox etdik. Türkiyədə solçular elmi və fəlsəfi cəhətdən öldü, bundan sonra isə sağçılar hakimiyyət sahibi oldu. Yoxsa darvinizm yox olmadığı halda, sağçı bir partiya addım belə ata bilməzdi.

Darvinin təkamül nəzəriyyəsinin əsassızlığı elmi dəlillərlə hər yerdə izah olunmadan, darvinizm dağılmadan kommunizm dağılmaz.

Darvinist, materialist təhsil verildiyi təqdirdə hər yeri bərəkətsizlik, uğursuzluq, bəla bürüyər. Darvinizm, materializm Allaha meydan oxuyan bir sistemdir, haşa. Eləcə də, bütün dünyaya hakimdir. Bu Türkiyəyə yaraşmır. Bizim darvinizmi, materializmi heç vaxt qəbul etməməyimiz, gənclərimizə doğrusunu öyrətməyimiz lazımdır.

Şimali İraq tərəfində 300-ə qədər PKK düşərgəsi var. Burada gecə-gündüz darvinizm və materializm izah edilir. Kommunizmin etibarlılığı izah edilir. Şam, elə bil, bir dağ akademiyası, kommunist akademiyası kimidir. Gecə-gündüz siyasət mövzusunda təhsil alırlar.

Türk millətini, türk gəncliyini siyasi şüurla yetişdirmək lazımdır. Onlar darvinizmə, materializmə qarşı yetişdirilməlidir. İşğalçı kommunist rejimə qarşı nələr ediləcəyi izah edilməlidir. Gənclərə Allah, Kitab, din, iman, vətən, millət, bayraq sevgisi öyrədilməli və bunlar qəlblərinə nəqş edilməlidir.

Məktəblərdə darvinizm geniş şəkildə izah edilsin, lakin cavablandırma haqqı verilsin. Sadəcə daşlaşmış qalıntıları (fosilləri) aparıb məktəblərin önünə qoyaq. Şagirdlər görsün. Bu qədər, başqa şey istəmirik. Zülalın elmi cəhətdən təsadüfən meydana gəlməsi qeyri-mümkün olduğu deyilsin.

Allah açıq-aydın şəkildə inkar edilir. Bu çox böyük uğursuzluq gətirər. Dünyanın başına gələn fəlakətin də səbəbi budur. Dünya bir fəlakət içində çırpınır, hər yer qan dənizidir. Hər yerdə iqtisadi böhran hakimdir. Hər yerdə bir fəlakət var. Darvinizm və materializmin bir yalan olduğu, yanlış məlumat olduğu elmi dəlillərlə izah edilməlidir. Başqa cür olmaz.

Uğursuzluğun, fəlakətin təməlində darvinizm və materializm durur. Bunun doğrusu izah edilməlidir. Əhatəli şəkildə darvinizmə və materializmə cavab verilməlidir. Bunun əksinin edilməsi, Allaha xoş getməz.

İslam ölkələri bir yerə toplanır, yığıncaq keçirilir, lakin iştirakçıların əksəriyyəti şövqsüz olur. İxlas olmadan, səmimiyyət olmadan bu yığıncaqlardan nəticə çıxmaz. Mehdi (ə.s) olmadan bu sistem işləməz.

Rumların, musəvilərin varlığı gözəllikdir. Onlar da bu ölkənin bəzəyidir, hamısı bizim qardaşımızdır. İslam ölkələrində musəviyə rast gəlmək demək olar qeyri-mümkündür. Halbuki hər yerdə olsunlar, hər yerdə rahat yaşasınlar.

Türkiyə təcili olaraq İslam ölkələri ilə birlikdə Suriyada sülh əməliyyatı etməlidir. İslam ölkələri toplu şəkildə hücum etsə imani, Qurana uyğun, əxlaqi cəhd olaraq hər kəs dəyərləndiriləcəyi üçün heç kim müqavimət göstərməz. Beş ölkə belə olsa məsələni həll edər, sırf beş ölkə belə olsa.

İslam ölkələrinin orduları, 70 müxtəlif nöqtədən, 70 diviziya yaxud 70 biriqada ilə Suriyaya girsə 3 saat, 4 saatda iş bitər. Suriya müqavimət göstərməz, zülm də bitər. Çox asandır.

Hal-hazırda İslam ölkələri çox baxımsız və pərişandırlar. Bu vəziyyət Mehdi (ə.s)-ın dövründə tamamilə dəyişəcək. Mehdi (ə.s)-ın gəlişi ilə keyfiyyətsizlik və ruhsuzluq aradan qalxacaq.

Avropa İslam ölkələrini işğal etmə marağında deyil, sadəcə qatı dinçilərə nifrət edirlər.

Kimyəvi silahların təslim edilməsi mövzusu lazımsız yerə vaxt keçirməkdən, baş qarışdırmaqdan ibarətdir. Əsas olan İslam ölkələrinin dərhal birləşməsidir.

İslam ölkələri öz keflərindədirlər. Suriyanı film seyr edirmiş kimi kənardan seyr edirlər.

ABŞ dünya üçün bir nemətdir. İslam ölkələri ABŞ-a sahib çıxmaq məcburiyyətindədirlər. Xüsusilə, Türkiyə Amerikaya sahib çıxmalıdır. ABŞ-a: "Get, qurtar" deyirlər, sonra da "ABŞ böyük şeytandır" deyirlər.

Ruhu, düşüncəsi olmayan birlik ola bilməz, bu birlik möhkəm olmaz. Mehdisiz İslam Birliyi ilə heç bir ölkə münasibət qurmaz.

Bir çox İslam ölkəsinin bəzi rəhbərləri, sözü keçən adamlar İngiltərədə təhsil alır, İngiltərə dərin dövlətinin təsiri altına daxil olurlar. Buna görə də, demək olar ki, heç bir İslam ölkəsində İngiltərə dərin dövlətinin planlarından bəhs edilmir, halbuki müsəlman cəsarətlə həqiqəti söyləməlidir. Demək olar ki, hər İslam ölkəsində təhsil sistemi darvinizmə təslim edilmiş vəziyyətdədir.

İngiltərə dərin dövləti bəzi İslam ölkələrini çox rahat istiqamətləndirir. Ərəb dünyasında əvvəlcə radikal milliyyətçiliyi qızışdırdılar, sonra baasizm yayıldı və sosializm bütün ərəb dünyasında hakim oldu. İslam aləmi parça-parça oldu. İndi bu təxribatı aradan qaldıracağıq inşaAllah.

Müsəlmanlar Mehdi (ə.s) olmadan birləşə bilməzlər.