Adnan Oktar A9 TV; 4 noyabr 2013

Allahdan, dindən bəhs edərkən lağ etmək, zarafat etmək olmaz. Din əyləncə mövzusu deyil.

Sən axirətə lağ etməklə axirətdən xilas olacağını və yaxud axirət qorxusundan azad olacağını zənn edirsənsə yanılırsan. Daha da günahkar olarsan, işgəncən artar, əzab çəkərsən.

Mələklər canını alarkən qanın iliyi çəkilər, bacarmazsan (axirətlə zarafat edə bilməzsən). Cəhənnəmdə diz çökdürüldüyündə onları edə bilməzsən. Orada səni alqışlayanlar, dinləyənlər də olmaz.

Darvinizm şeytanın insanlara lağ etməsidir.

"Hocam izah edirik, təbliğ edirik, bizimlə lağ edirlər" deyirlər, kim lağ elətdirir? Allah elətdirir. Təbliğ ilə lağ eyni anda yaradılır. Təbliğin, ibadətin qiymətini artırmaq üçün Allah tərəfindən edilən gizli bir nemətdir bu. Küfrün əleyhinə, möminlərin lehinədir. Mömin üçün lütfdür, küfr üçün bəladır. Sən lağ etmələrinə fikir vermədikdə savabın qat- qat artır.

Təbliğ edərkən savabın üçdürsə, lağa qoyularkən davam etsən otuz olar. Lağın dərəcəsi böyükdürsə üç yüz olar. Olduqca böyükdürsə üç min olar. Sənin məqsədin nədir? İbadət deyildirmi? Allah sənin üçün ibadət yaradır.

Təbliğ edən möminə lağ edən kimsə, onsuz da sərt təsirə məruz qaldığı üçün lağ edir. Yoxsa niyə mübarizə aparsın ki. Təsirə məruz qalmasa ona qarışmaz, çıxıb gedər, işinə gücünə baxar. Lağ etməsi özünə təskinlik verməsi üçündür. Çünki içindəki vicdanı onu sıxmağa başlayır. Bu küfrün aldığı bir tədbirdir.

Bəziləri təbliğ edir; "mən təbliğ edirəm mənimlə lağ edirlər" deyir. Sən necə təbliğçisən? Hələ Qurandan xəbərin yoxdur. Ayağını yerə vuranda səs çıxır, elə deyilmi? Əlbəttə ki, sən təbliğ edəndə qarşındakı da sənə lağ edəcək. Bu qanundur, Allahın qanunudur. Sən təbliğ edirsənsə, adam mütləq səninlə lağ etməlidir. Bunda təəccüblənməli nə var ki?

Təbliğ etdiyi vaxt özünə lağ ediləndə, "əhval-ruhiyyəm pozuldu" deyir. Taledən xəbərin yoxdur, Qurandan xəbərin yoxdur. Möcüzə gördüyün üçün Allaha həmd et. Təəccüblən. Sənin savabın, onun isə günahı artır. Sənin məqsədin savab qazanmaq deyilmi? “Kədərləndim” deyir. Bir insan savabı artdığı üçün kədərlənərmi?

Ateistlərin varlığı, din əleyhinə hər cür yazı, söhbət, dinlə lağ edilməsi, müsəlmanın savabını artırmaq üçündür. Bütün bunlara baxmayaraq, müsəlman qalmağa davam edirsə, bu məqbul olur.

Ramazana görə imsaq və iftarla əlaqədar pis-pis zarafatlar edir, pis-pis karikaturalar hazırlayırlar, çox ədəbsiz, hörmətsiz üslub işlədirlər. Günah olar bu etdikləri, çirkin hərəkətdir. Lağ edəcəklərsə, zarafat edəcəklərsə özləriylə əlaqədar etsinlər. İftarla, imsaqla əlaqədar, orucla əlaqədar çirkin karikaturalar, lətifələr müsəlmana yaraşmaz. Bundan uzaq olsunlar.

Bir insanın fiziki görünüşünə lağ etmək çox alçaldıcı hərəkətdir, bunu edən özünü alçaldar.

Təkcə insan gözəlliyi deyil, o insanların hörmətcil, nəzakətli, sevgi dolu olması da təbliğdə çox əhəmiyyətlidir. Hz. Süleyman buna diqqət yetirir. Hz. Süleymanın təbliğ mühiti ağır deyil, tam əksinə şən, zarafatcıl, təvazökar bir mühit idi. Hz. Süleyman çox zarafatcıl idi.

Müsəlman dinə, imana dair mövzularda çox diqqətli olmalı və hörmət göstərməlidir. Dini mövzularda zarafat olmaz.

Din haqqında zarafat olmaz. Müsəlman axirəti düşünərək, vəfat etdiyi halını düşünərək hərəkət etməklə məsuldur.

Səmimi olan hər kəslə dost olmaq olar. İnsanlar dürüst, səmimi olmalıdırlar. Yalan danışmamalıdırlar. Daxili ilə zahiri bir olmalıdır. Belə olan kəs nur kimi insandır.

Hz. Mehdi (ə.s) dövründə polis bölmələri, həbsxanalar bomboş qalacaq. Bütün polis bölmələri, bütün həbsxanalar ləğv olunacaq. Çünki bunların heç birinə ehtiyac olmayacaq. İnsanlar: "Biz niyə polis bölməsi qurduq? Niyə həbsxana qurduq? Niyə bu ağrıları çəkdik?" deyə özlərinə heyrətlənəcəklər.

Mehdiyyət dövründə dünyanın hər yeri məscid olacaq. Gənclər hər yerdə əylənəcəklər, hər yerdə qardaşlıq ab-havası olacaq. Nə oğurluq, nə soyğun, nə qəsb, nə ağrılar, iztirablar heç biri olmayacaq inşaAllah.

Mehdiyyət silah sənayesini, silahı, döyüşü, qanı, barıtı, hər şeyi aradan qaldıracaq. Həbsxanalar, polis bölmələri, baraklar hamısı ləğv olacaq. Mehdiyyət dövründə dünyada yalnız sevgi, sülh olacaq.

Misirdə, İraqda, Suriyada, Əfqanıstanda hər yerdə fəlakətlərin səbəbi Peyğəmbər (s.ə.v)-in qövmünün Quranı tərk etməsidir.

Müsəlman Quranda təsvir edildiyi kimi güclü və qərarlı olmalıdır. Birləşməli, İslam Birliyini müdafiə etməli, İslam Birliyini yaratmalı, özlərinə bir lider seçməlidirlər. Belə olduqda heç kim onları bölüb parçalayıb, baş verənlərə qata bilməz.

İnşaAllah hər kəsin qardaş olacağı, sülhün hakim olacağı, zalımların təsirini itirəcəyi, bütün döyüşlərin, anarxiyanın, terrorun dayanacağı, sevginin, hörmətin, yaxşılığın, gözəlliyin, bərəkətin, müasirliyin, elmin, demokratiyanın hakim olacağı dövrdəyik.

Allah İsrail torpaqlarının, millətinin azad olacağını Quranda bildirir. İsrail milləti o torpaqlarda yaşayacaq və o torpaqlarda öləcək. Bu Quranın hökmüdür.

Peyğəmbərimiz (s.ə.v)-in dili ilə desək Suriya da sülh yurdu olacaq. Suriyadakı dəccal rejimi, mərhəmətsiz rejim gedəcək, yerinə sevginin, sülhün, qardaşlığın hakim olduğu bir sistem gələcək.

Divar həbsxana deməkdir. Həbsxana insanın ruhunu sıxar. Həbsxana, divarlar cəhənnəmdə vardır. Biz dünyada divar, həbsxana istəmirik. Hz. Mehdi (ə.s) dövründə bütün divarlar, həbsxanalar yıxılacaq. Hər kəs bayram sevinci içərisində olacaq.