Adnan Oktar A9 TV; 4 may 2013

İslamiyyət müsəlman olmayanı da, ateisti də qoruyan bir dindir. Müşriki də, bütpərəsti də qoruyan bir dindir. Buna görə şəfqət, mərhəmət, müdafiə edən təməli olduğu üçün İslam əsas olur. İslam olmasaydı, onsuz da darmadağın olardı. "Türk milləti" deyə bir millət qalmazdı, parça-parça, darmadağın olardıq.

İslamda haqlı olan güclüdür. Təkamülçü düşüncədə isə güclü olan haqlıdır. Baxın, iki zidd düşüncə.

İslamın özü ultra müasirdir. Müşriklərin xurafatları və həyat tərzləri də ultra qatı dinçilikdir.

Yer, göy cəhənnəmə çevrilsə mən yenə haqqı izah etməyə davam edərəm, inşaAllah.

Gənclər dinin özünü yaşayırlar. Çünki din sevgi, mərhəmət, yaxşılıq, gözəllik, gözəl əxlaqdır.

Amerika və İsraillə dostcasına davranmalıyıq. İsrailin dindarlığını nemət hesab etmək müsəlmanın xüsusiyyətidir. Yəhudilik, əsasən, İslama yaxın bir dindir.

CHP darvinizm və materializmə qarşı tədbir görüb, İslam Birliyini müdafiə etməlidir.

Dünyəviliyi insanlara öyrədən İslam dinidir. Dünyəviliyin ən gözəl tərifi Qurandadır.

Dayanmadan xəstəlikləri izah etmək deyil, həllini söyləmək əhəmiyyətlidir. Həll İslam Birliyidir.

Lüks keyfiyyət deməkdir. Keyfiyyət müsəlmanın xüsusiyyətidir. Cənnətdə hər yer lüksdür. Bəziləri istəyir ki, İslam bayağı olsun, beləcə İslamiyyət asan şəkildə yox edilsin.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

Hökumətimiz yüksək müasir elmi və sənət anlayışını dəstəkləsin.

İnsan ağır təzyiqə tab gətirə bilməz. Din, təzyiqi və qadağanları aradan qaldırar.

"Yer və göy"―yerdə yerin quruluşu, heyvanlar, bitkilər, mikroblar, bakteriyalar hər şey araşdırılmalıdır. Göydə: meteoritlər daxil olmaqla hər şey araşdırılmalıdır. Allah bunu müsəlmanlara fərz buyurub. Qurandakı yüzlərlə ayədən bunların fərz olduğu aydındır.

Allah müsəlmanlara Qurandakı elmi, yerdə-göydə olan hər şeyi araşdırmağı fərz buyurub.

Allah bütün elm sahələrini araşdırıb öyrənməyi fərz buyurub. Quranda nəzərdə tutulan üstüörtülü, səthi araşdırma deyil, dərin və əhatəli araşdırmadır. Allahın sənətini araşdırmaq, fərq etmək, anlamağa çalışmaq təqdirə layiq bir əmrdir.

Alimlərin bir qismi Peyğəmbərimiz (s.ə.v)-in hədislərində xəbər verdiyi hadisələrin reallaşdığını gizləyirlər. Elm dünyası, hədislərdə bildirilən hadisələrin eynisilə reallaşdığını bilsə ayağa qalxar. Amma alimlərin heç birinin səs-səmiri belə çıxmır.

Bədiüzzaman: "Şərq ancaq din ilə güclənər" deyir. Heç vaxt fəlsəfə ilə güclənməz. Həmişə dinlə güclənmiş və güclənər. Xristianlar da, yəhudilər də, Avropa da həmişə din ilə güclənmişlər. Yəhudilərin dünyadakı gücünün tək səbəbi Tövratdır.

Din, dünyanın ruhudur. Allah dini dünyaya bir nemət olaraq verir. Dünyanı yaradarkən Allah dünyadan necə istifadə ediləcəyini də yanında kitabça kimi yazmış, Kitabla bizə bildirmişdir. Allahın dediyi kimi istifadə etsək dünya cənnət kimi olar.

Kommunist xurafatçılar və özlərinə "müsəlmanam" deyən, amma Müsəlmanlıqla əlaqəsi olmayan xurafatçılar əl-ələ verib elmi, sənəti, gözəlliyi yox etdilər.

Elm nemətdir, gözəllikdir, Allahın sənətini, Allahın bizi necə yaratdığını ortaya çıxarar, sübut edər və bizə göstərər. Bizim Allaha hayranlığımızı, sevgimizi, məhəbbətimizi artırar.

Din Türkiyədə çox yayılıbdır. Dinin istiliyi və qoruyuculuğu hər yeri bürüsün. Kazinoda da dinin istiliyi olsun, çimərlikdə də dinin istiliyi olsun, məclisdə də dinin istiliyi olsun. Hər yerdə. Belə olduqda gözəl olar.

Namus dindir. Dinin söyləmədiyi bir şeyi söyləmək namussuzluqdur, namusu pozular. Allahın demədiyi bir şeyi Allah deyir desən, Allahın dininə əlavələr etsən o zaman namussuz olarsan, namusunu itirərsən.

Din siyasətə xidmət etməz, siyasət dinə xidmət edər. Biz siyasəti dinə xidmət etdiririk. Siyasət yalnız bir xidmətçidir. Din Allahın qanunudur. İstəsə də, istəməsə də hər kəs dinə xidmət edər.

Allah zamandan və məkandan münəzzəhdir. Zamanı yaradan Allahdır. Allah sonsuz uzun zamanı sonsuz qısa zaman içində bitirmişdir. Başlanğıc da, son da Allahdır. Allah zamana və qədərə hakimdir.