Adnan Oktar A9 TV; 15 iyun 2015

MHP-AKP koalisiyasına Amerika dərin dövləti, İngiltərə dərin dövləti qarşı çıxar. Bütün bunları gözə alaraq bu koalisiyanı yaratmalıdırlar. Bu, ABŞ-ın “Böyük Orta Şərq” layihəsini təməlindən yox edəcək bir koalisiyadır.

Bunu deyim ki, AKP-HDP koalisiyası yaradıldığı təqdirdə Türkiyə məhv olar. AKP tarixə qarışar, HDP isə xeyli güclənər, böyük bir fəlakətə sürüklənərik.

MHP təkcə bir nazirliyi tələb etməlidir, Daxili İşlər Nazirliyini, bu qədər. Başqa heç bir ön şərti, qırmızı xətti olmasın. Tam səlahiyyətlə Daxili İşlər Nazirliyini tələb etsin. Bordo beretliləri və jandarmanı da fəaliyyətə keçirsin, qanuni yollarla dünyanı PKK-ya dar etsin.

AKP çox müasir, qadın haqlarına hörmətlə yanaşan, başı açıq dekolte geyinən xanımları da sevən, hicablı xanımları da sevən, hamısına hörmətlə yanaşan, musiqiyə, rəsmə, əyləncəyə açıq, liberal ruhlu bir partiya görünüşündə ortaya çıxmalıdır. Olduqca liberal, olduqca azad, olduqca demokratik bir partiya. Belə ki, MHP də bu imici verməlidir, bu sadalananları tətbiq etməlidir. Buna zəmanət verildikdən sonra PKK tamamilə darmadağın edilməlidir.

MHP koalisiya üçün təkcə bir ön şərt irəli sürsün; PKK-nın darmadağın edilməsi şərtini. MHP qəhrəman olar. Belə olduqda AKP də xilas olar, MHP də xilas olar. Daxili İşlər Nazirliyini MHP-yə versinlər.

AKP-MHP hakimiyyətə gəlsin, hökumət yaratsınlar, Daxili İşlər Nazirliyini MHP-yə versinlər. Sağlam birini də daxili işlər naziri vəzifəsinə gətirsinlər. PKK hüquqi yollarla kökündən yox edilsin. Ən mühüm məsələ budur.

Əgər hökumət MHP ilə koalisiya yaratmasa bu tarixi səhvi siyasət səhnəsindən tamamilə silinməklə ödəyər. Bunun üçün mütləq MHP ilə koalisiya yaratsın. Özü də güclü bir koalisiya.

AKP-in diqqət yetirəcəyi şey budur: Bizim millətimiz mənəviyyatına bağlı millətdir. Əvvəla bölünmənin olmasını istəmirik. İkincisi də; PKK bəlasından qurtulmaq istəyirik.

MHP gəncliyi çox həyəcanlı dinamik bir gənclikdir. Gəncləri bu əvvəlki hallarına qaytaraq. Bu millətin qəlbinə işıq saçar, gözəl olar. Yəni PKK-nın azğın ruhuna, təcavüzkar ruhuna qarşı idealist gəncliyin coşğulu həyəcanı gətirilsə mükəmməl olar.

MHP, camaatlara, müsəlman cəmiyyətlərə, təriqətlərə daha çox sahib çıxmalıdır. Yəni millətlə daha çox bütünləşməlidir. Bunu etməməklə geridə qalır. AKP qurulduğu vaxt, sıfır idi, indi isə böyük partiya oldu. Çünki kütlə partiyası siyasətini izləyir. Təriqətlərə sahib çıxır, camaatlara sahib çıxır, sürətlə inkişaf edir. MHP eynisini etsə o da inkişaf edər.

Biz Cümhuriyyət Xalq Partiyasını dindar olması üçün daim təşviq etdik və xeyli irəliləyiş əldə etdilər. Dindarlığa doğru çox gözəl addımlar atdılar. Amma atdıqları hər addım onların burnundan gətirilsə, hər addımlarından sonra mənfi sözlər eşitsələr, onda bir hissəsi dindarlığa qarşı çıxa bilərlər. Bu da yaxşı olmaz. Digər mövzularda tənqid etsinlər, amma mənim fikrimcə din mövzusunda bunu etmələri səhv olar. Çünki onların dindar olması bütün müsəlmanların lehinədir.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Milliyyətçi gənclər, Alperenlər, əgər alınarsa Səadət partiyasının gəncləri də bir araya gəlsinlər. Qərarlı duruş sərgilənən bir platforma meydana gətirsinlər qanuna, hüquqa uyğun şəkildə. Ədalət və İnkişaf Partiyası, CHP partiyasının gəncləri də buna qoşulsun. Bölünməyə qarşı fövqəladə bir dayanıqlılıq və müqavimət göstərən bir açıqlama verilsin.

CHP gecə-gündüz Allahdan bəhs etsin, cənab Kılıçdaroğlu ayələrlə danışsın, İslam Birliyini müdafiə etdiklərini açıq şəkildə bildirsinlər. Sülhü, qardaşlığı, sevgini, Bədiüzzamanı tərifləsinlər, Süleyman Hilmi Tunahanı tərifləsinlər. Bir sözlə, Atatürkün dindarlıq anlayışını müdafiə etsinlər. Eynilə Atatürk kimi olsunlar, qalib gələrlər, 70% səs çoxluğu ilə hakimiyyətə gələrlər.

CHP çox mütərəqqi, çox çevik olmalıdır və çox yaradıcı bir ruha sahib olmalıdır. Xüsusilə də, Atatürkün dindarlıq anlayışını yaxşı şəkildə mənimsəyib, partiyaya hakim etməlidir.

CHP Atatürkün anlayışını mənimsəsin. CHP Atatürkün sevgi, dostluq, qardaşlıq, birlik anlayışı, Türk-İslam Birliyi, İslam Birliyi anlayışı, Türk dünyasının birləşməsi anlayışı, Qurana sevgi anlayışı, qadına və sənətə baxışını yaxşı şəkildə mənimsəsin. Əgər bu olsa, CHP-nin səy göstərməsinə ehtiyac qalmaz, onsuz da millət dərhal onu bağrına basar.

CHP bütün müsəlmanları sevsin, təşəbbüskar olsun. Qatı, kommunist zehniyyətli bəzi insanlar CHP-nin ruhunu, bərəkətini, səhhətini pozur. Buna icazə verməsinlər.

Türkiyənin raket sənayesinə üstünlük verməsi əhəmiyyətlidir. Müdafiə Nazirliyindən xahiş edirik, on minlərlə, yüz minlərlə raketimiz olmalıdır. Min kilometr, iki min kilometr mənzilli, üç min kilometr, beş min kilometr. Qorxuducu güc baxımından İran kimi olmalıyıq.

ABŞ-ın “Böyük Orta Şərq” layihəsinin məqsədi Mehdiyyəti dayandırmaqdır. Çünki Mehdiyyət bütün İslam aləmini birləşdirəcək bir sistemdir; Böyük Orta Şərq layihəsi də bütün İslam aləmini parça-parça edəcək bir sistemdir.

Maddə olmayan beyinin içində səs meydana gəlir. Xarici aləmdə səs yoxdur. Amma maddə olmayan beyinin içində səs olur, işıq olur. Xarici aləmdə dad deyə bir şey yoxdur. Dad beyinin içində meydana gəlir. Amma bu ətdən beyin deyil. Nurdan olan beyin. Biz nurdan olan beyin sayəsində danışıb düşünürük.

Mehdi (ə.s) səssiz, sakit, həlim bir insandır. Hədisdə Mehdi (ə.s) üçün; "evindən idarə edər" deyilir. Sevgi müəllimidir. Bütün dünyanın bir-birini sevməsini təmin edəcək bir insandır.

Dünya tarixində həmişə bütə nifrət edilmişdir. Amma birləşdirici olduğu üçün də, ona qarşı saxta hörmət göstərilmişdir.

Bütün bölgə xalqı PKK-ya nifrət edir. Zorakılıq tətbiq edən bir birliyə qarşı insanların hörmət göstərməsi və sevgi bəsləməsi mümkün deyil.

İslamı müşrik, bütpərəst bir sistemə çevirdikləri üçün, Allah da yola gətirmək, islah etmək üçün bəla, fəlakət, aclıq, müharibələr, terror yaratmaq üsullarından istifadə edir. Allah imtina etsinlər deyə inanılmaz dəhşət meydana gətirir. O zaman daha çox bütünə sarılır. “Qurtuluş bütə sarılmaqdadır” deyir. Bütünə sarıldığın üçün bu hala düşürsən.