Adnan Oktar A9 TV; 23 iyun 2013

Allahın əsl istədiyi sülhdür. Allah müharibə istəmir. Döyüşü Allah imtahan vəsiləsi olaraq yaradar. Müharibəni, o fitnəni aradan qaldıran kimdir? Allahdır. Möminləri də vəsilə edər, sülh mühitini meydana gətirər.

Möminlər arasında müxaliflik olmaz. Möminlər arasında ittifaq, birlik olar, qardaşlıq, vəhdət olar. Əks təqdiri haramdır.

Xristianlar, Yəhudilər bizim canlarımızdır. Onlarla ittifaq edib elmlə, fikri mübarizə ilə Allahsız, kitabsız dəccaliyyəti aradan qaldıracağıq.

Xristianlarla ittifaq etdikdən sonra, xristianların səhv üçləmə inanclarının düzəlməsi ilə İslam dünyaya hakim olacaq.

Gözəl xasiyyətli, sevgi dolu, bağışlayan olmaq lazımdır. Mübahisədən çəkinmək, kinli olmamaq lazımdır. Bunun əksi isə ağılsızlıqdır. Allahın rizasına uyğun olmayan, Allahın qəzəbinə səbəb olan davranışdır. Çünki yaradılışa ziddir, əxlaqsızlıqdır, yəni insanın çirkin cəsarəti, şeytani yönüdür.

Sülhün, sevginin həll edəcəyi bir şeyi döyüşlə həll etməyə çalışırlar. ƏN GÖZƏL SİLAH SEVGİDİR. Sevgi ilə həll etmək lazımdır.

Öz içimizdə ittifaq etməyincə, Xristianlarla necə ittifaq edəcəyik? Bax, hər yer sevgi, yetkinlik, nəzakət, hörmət, mehribanlıq və anlayışlı olmağın vacibliyini bizə göstərir. HƏLİM OLMAQ LAZIMDIR. BU OLMADIQDAN SONRA DÜNYA CƏHƏNNƏMƏ DÖNÜR. Bu olduqdan sonra isə dünya hüzur içərisində rahat olur.

İslam aləmində ağrıların bitməsinin tək yolu Müsəlmanların ittifaqıdır. Bəzilərini lənətləmək, qınamaq problemin həlli deyil. Həll yalnız Türk İslam Birliyidir.

Kim döyüşü qızışdırsa ona simpatiya duyarlar. Kim qan tökülməsini təşviq edirsə ona məhəbbətlə baxarlar, onu qiymətli görürlər. Bu da şeytanın təşviqi ilə olur.

Allahın yaratma sənətini çox düşünmək lazımdır, həm öyrənmək üçün, həm də zövq almaq üçün düşünmək lazımdır. Bunda zövq vardır. Çünki təəccüblənmək və heyrətlənmək çox zövqlüdür. Düşünə-düşünə heyrət edib, heyrətin də zövqünü ayrıca almaq lazımdır.

İnsanların böyük bir hissəsi gecə - gündüz döyüş ruhu içində olurlar, kimsəni sevmirlər. Hər kəsə sevgi göstərilməlidir. Mən bütün insanları, bütün qrupları çox sevirəm. MÜSƏLMANLAR BİR-BİRİNİ SEVMƏZSƏ CƏNNƏTƏ GİRƏ BİLMƏZLƏR. Cənnətdə bizə "hansı camaata mənsubsan" deyə soruşulmayacaq. CƏNNƏTDƏ QARDAŞ OLACAQLARIN, BURADA DA QARDAŞ OLMALARI LAZIMDIR.

İslam Birliyi Allahın əmridir, Peyğəmbərimiz (s.ə.v)ın vəsiyyətidir.

Hz. Mehdinin (ə.s) hərbi gücünün silahı sevgidir, mərhəmət və söhbətdir. Dəccalının gücü isə qan və barıtdır. Hz. Mehdi (ə.s) yalnız sevgi ilə hərəkət edər. Ustad Bədiüzzamanın ifadəsiylə Hz. Mehdinin (ə.s) üç silahı sənət, bacarıq və ittifaqdır.

Bölünmüş parçalanmış ittifaq olmaz. İttifaq "təklik" deməkdir. Hz. Mehdi (ə.s), Müsəlmanların bölgüsünü aradan qaldıracaq. Eyni Peyğəmbərimiz (s.ə.v)ın dövründə necə idisə elə olacaq.

Qadının olduğu yerlərdə savaşmaq olmaz, gərginlik olmaz, nəzakət olar. Qadınların olmadığı yerdə kobudluq olar ümumiyyətlə. Bir qadın belə olsa hər kəs nəzakətlə davranar. Qadın hər yerə nəciblik, nəzakət gətirər.

Müharibə çətindir, döyüş çətindir, zülm çətindir. İnsanlara əzab çəkdirmək çətindir. Bunlar çox iyrəncdir. Sevgi, dostluq, qardaşlıq, rifah, zənginlik, bərəkət bunlar zövqlü və gözəl şeylərdir.

İnsanların əksəriyyəti döyüşə və gərginliyə çox alışdığı üçün dünyada ikinci yol olmadığını zənn edir, sevginin yaşana biləcəyini başa düşə bilmirlər.

Özünə hörməti olmayan, savaşmağa meylli, həmişə söyüşlə danışanlar nifrət dolu həyatı məqbul görürlər. Belə həyat olmayacağını söyləmək lazımdır.

Normalda hər insanın çox normal və stabil olması lazımdır, lakin insanlarda yaxşılıq zənginliyi olduğu qədər pislik zənginliyi də olur. Qısqanclıq, qəzəb, eqoistlik, dava-dalaş, dedi-qoduçuluq kimi mənfi xüsusiyyətlər bəzi insanlara heyrətamiz şəkildə hakim olur.

Dünyanın qardaş olması çox asandır. Döyüş, nifrət, müharibə çətin olandır. Buna baxmayaraq, qardaş olmamaq üçün müqavimət göstərmələri çox təəccüblüdür. Sülhü çox çətin göstərirlər. Dost olmağı, ittifaq etməyi, müsəlmanların birlik olmasını çətin göstərirlər. Halbuki dostluq və sülh asandır.

Mehdiyyətin sevgi, mərhəmət, gözəllik, yaxşılıq anlayışını dünyaya hakim etmək əhəmiyyətlidir. Mübahisə ilə, dava ilə heç bir məsələ həll edilməz.

Küçə heyvanları üçün xüsusi restoranlar olması lazımdır. Quş restoranları, pişik restoranları, it restoranları təcili lazımdır. Onlara hər nemət verilməlidir.

Münafiq qotur it kimi tənha gəzmək istəyər, təkbaşına bir küncdə həyatı sona çatar. Münafiq Allahın xatırlanmasını eşitmək istəmədiyindən tək qalmaq istəyər və İslamın yayılmaması üçün küfr əhlinə dəstək verər.

Vəhşi itlər öləcəkləri zaman təkliyi seçər. Münafiqlər də mənəvi cəhətdən ölümü reallaşdığı üçün vəhşi it kimi təkliyə qaçar.

Əvvəl ayrıldıqlarımızla bir yerə gələcəyik: Yunanıstana, Bolqarıstana çatana qədər hamısı ilə birləşəcəyik. Mərakeş, Tunis, Əlcəzair, Liviya, Misir hər biri ilə birləşəcəyik.