Adnan Oktar A9 TV; 13 sentyabr 2013

Ateist olanların tənqiddən narahat olmaları yersizdir. Mən ateistlərin də cənnətə getməsi üçün cəhd göstərirəm. Dinc və rahat yaşamalarını istəyirəm. Əslində heç maraqlanmaya da bilərdim. Dindar olub da, ateist və kommunistlərə şəfqətlə yaxınlaşanlar tək bizik.

Kommunizmin zehniyyəti budur; küçələr qarışsın, insanlar qırılsın, hadisələr baş versin. Türkiyədə oynanılan bu oyun baş tutmaz.

Qatı dinçilik, təzyiq, kommunizm qorxunc bir şeydir. Azadlıq gözəldir. Biz insanların sevinci ilə xoşbəxt olarıq.

Yüksək mədəniyyətə sahib olan bir insanın kommunist olması çox çətindir. Kommunistlərə şəfqətlə yaxınlaşaraq həqiqətləri dəlil və sübutları ilə izah etmək lazımdır.

Öcalanın kommunizmin bitdiyini ifadə etməsi gözəl bir çıxışdır.

İncildən, Tövratdan qorxmaq anormal hərəkətdir. Kommunist kitabları paylayırlar, onda bəzilərinin heç səsi-səmiri də çıxmır.

İslam qatı dinçilik şəklində izah edilsə dünyada heç kim İslamı qəbul etməz. Amma həqiqi İslamı isə hətta kommunistlər belə qəbul edər.

Türkiyə Atatürkün vəsiləsi ilə Misir, İran, Pakistan kimi deyil.

Hicri 1506-cı ildən əvvəl İstanbulda zəlzələlər yox idi, inşaAllah. Dünya hicri 1506-cı ildən cəhənnəmə çevrildi. Bu vəziyyət 1545-ci ilə qədər davam edəcək. Zəlzələlər, fəlakətlər, bəlalar, vətəndaş müharibələri, qiyamlar olacaq. Bir faşist, kommunist qiyamı, üsyanı olacaq, dünyanı bürüyəcək. Qan su yerinə axacaq.

Demokratiya ilə əlaqədar tələb haradan gəlirsə mübarəkdir, gözəldir. Azadlıq gözəldir. İnsan haqları gözəldir. Bölünməni, kommunist, Stalinist idarəni unutsunlar artıq.

Darvinizmi, materializmi fikirlə məğlub etmək kommunizmin gücünü qırdı.Türkiyədə materialistlərin gücünü qırdı, özünə olan etibarlarını itirdi. Əks halda marksist düşüncə çox rahat şəkildə Türkiyəyə hakim olardı.

Qatı dinçilər bütün Türkiyənin qatı dinçi olmasını, kommunistlər də kommunist olmasını istəyirlər. Başqalarının da onların düşüncəsində olmasını istəyirlər. Olmaz. Hər kəsi əhatə edən bir ruh, bir məntiq olmalıdır.

İran heç bir vaxt İsrailə hücum edə bilməz.

Kommunist düşüncədə fikirlərin bölünməsi adlı bir məsələ yoxdur. Liderə qeyd-şərtsiz itaət vardır. Onlardan ayrılanı yaşamağa qoymazlar. Necə ki, bunu, Fransada öldürülən PKK-lı qadının simasında da gördük.

Kommunizm, faşizm, vəhşi kapitalizm, satanizm, azğın olan hər cür düşüncə dəccalın övladlarıdır. Dəccal da onların atasıdır.

Təlim keçməyən insanlarda vəhşiliyə, yandırıb-yıxmağa qarşı bir meyl olur. Yandırıb-yıxmaq, haqqı inkar etmək, dinsiz olmaq çox asandır. Amma dindar olmaq, gözəl əxlaqlı olmaq ağıl, iradə, səbir, fədakarlıq tələb edir. Bu isə asan deyil. Ona görə də, kommunist düşüncə çox tez inkişaf edər.

CHP bir ovuc kommunistin təlqin və tövsiyələrinə məhəl qoymasın, xalqın ümumi meyli nədirsə onunla uyğunlaşsın. Müasir, mehriban, Atatürkçü cəhətləri ilə güclü olan iqtidara gəlsin, inşaAllah.

İranı şəriət dövləti zənn edirlər. Halbuki, İran klassik kommunist bir dövlətdir. Dinsizliyin ən məşhur olduğu ölkələrdən biridir.

İran Darvinizmin ən güclü izah edildiyi ölkələrin başında gəlir.

ABŞ, Türkiyə, İran ittifaq edib bir yaxşı iş görsünlər və Əsədi Suriyadan çıxarsınlar.

İran Dərin Dövləti Kommunistdir. Hörmətli Əhmədinecat bu kommunist quruluşun içində olan insan deyil.

Türkiyə, İran və Rusiya ittifaq qursalar bölgədə sabitlik yaranar. Türkiyə Rusiyaya da, İrana da bu təklifi göndərməlidir. İran bu eqoistlikdən, qürurdan əl çəkməlidir.

İran çox qürurlu dövlətdir. Bu qürurdan əl çəkib daha həlim olmalıdı.

Allah xoşbəxtliyin açarını qısa şəkildə söyləmişdir: Mehdi və İsa Məsih. Bu qədər. Allah: "Onları başa keçirin, xoşbəxt və rahat olun. Yox əgər onlara qarşı müqavimət göstərsəniz sizləri yandırıb yaxaram, əzaba düçar edərəm, cəzalandıraram" deyir. Bəziləri: "Biz müqavimət göstərəcəyik" deyirlər. Müqavimət göstərən əzaba düçar olar. Müqavimət göstərməkdən imtina edən isə xoşbəxt olar.

Peyğəmbərlərin və vəlilərin imanı çox güclü olur. Çünki çox yaxşı mühakimə etmə qabiliyyətləri olur. Allahın varlığının dəlillərini yaxşı düşünürlər, qavrayırlar. Bəzi insanların zehni dağınıq olur, beynində imanını ələ ala bilmir, imanı zəif olur.