Adnan Oktar A9 TV; 23 iyun 2014

Yer-göy "Mehdi" deyə inləyir. Hadisələr qarşımızdakı aylarda daha da şiddətlənəcək. Heç gözləmədikləri bir insan və heç gözləmədikləri bir birlik İslam aləmini idarə etmək üçün vəzifə alacaq. Bütün Avropa və Amerikanın da bu qrupa dəstəyi olacaq.

İmam Mehdi (ə.s) bütün dünyanın dəstəklədiyi lider olacaq. Mehdi (ə.s)-a müxalif olan olmayacaq. Kim qəbul etdirir? Allah qəbul etdirir. Allah insanların ürəklərinə vəhy edəcək; anlamadıqları bir şəkildə insanlar Mehdi (ə.s)-a tabe olduqlarına əmin olacaqlar. Qəribə şəkildə onu sevdiklərini anlayacaqlar. Qəribə şəkildə ona güvənəcəklər və onları qurtaracağına, vəsilə olacağına inanacaqlar.

Axırzamanın Bəni-İsraili (İsrail soyu) Mehdi (ə.s) və tələbələridir. Tövratda Bəni-İsrail deyə baxdığımızda ağılımıza ilk gələcək olan Moşiyah Mehdi və tələbələridir. Həqiqi Bəni-İsrail onlardır.

Uydurma hədis var: "Dünya müsəlmanın cəhənnəmidir" deyir. Niyə cəhənnəm olsun? İmanın nuru ilə dünya cənnət kimi olar.

Mehdi (ə.s)-ın xüsusiyyəti sevgi insanı olmasıdır. Sülhü, ədaləti, sevgini kim təmin edirsə o Mehdi (ə.s)-dır. Kim döyüşdən bəhs edirsə, kim qanı tövsiyə edirsə ondan uzaq dayanacaqsan.

Mehdi (ə.s) tələbələri Allahın hifzi altındadır.

Şeytanın gücünü qıracaq güc Moşiyah Mehdi (ə.s)-dadır. Allah o gücü, o imkanı ona vermişdir.

Dünyanın hər tərəfində qadınlar əzilir, insanlar bunu seyr edir. Mehdiyyət ilə bu bəla aradan qaldırılacaq. Mehdi (ə.s) bu bəlanı aradan qaldıracaq. Qadınların baş tacı olduğu sistem, qadınların olduqca azad olduğu sistem mehdiyyətdədir.

Müsəlmanların başına bir imam, lider təyin edilməlidir, ağlımız bizə bunu göstərir. Baş olmayanda bədən parçalanar. Baş da İmam Məhəmməd Mehdi (ə.s)-dır. Bu ümmət Mehdi (ə.s) xaricində kimsəni qəbul etməz.

Mehdi (ə.s) sevgi insanıdır. Elə qatı, despot, dediyim dedik bir insan deyil. Evində olan bir insan. Sadəcə sevgini vurğulayan “nöqtə istinad” olan insandır. Yoxsa idarə etməyə, siyasətə qarışmır Mehdi (ə.s).

Mehdi (ə.s), sadəcə, sevgini coşğu ilə həyata keçirən insandır. Bütün dünyanın ehtiyacı olan sevgini coşğu ilə dünyaya yayan insandır.

Mehdi (ə.s)-ın dövründə kəsib-biçmək yoxdur. Qan yoxdur. İslam gəldiyi vaxt nur gələcək, sevgi gələcək.

Mehdi (ə.s) çıxdıqdan, İslam Birliyi qurulduqdan sonra savabın təsiri milyondan üçə düşər. Çünki ondan sonrası asandır. Çətinlik aradan qalxmışdır. Dəccal ölmüşdür. Nəfsin hücumları qalmır, yəni hər şey yolunda olur.

Mehdi (ə.s)-ın ən aşkar xüsusiyyətlərindən biri heç bir insanın mənfəəti ilə zidd düşməməsidir. Nə kommunistin, nə dinsizin, nə xristianın, nə yəhudinin mənfəəti ilə zidd düşməz. Hər kəs rahat olar.

Qatı dinçilik elə bir bəladır ki, bütün İslam aləminin indi çəkdiyi bəlanın kökündə qatı dinçilik vardır, Quranı səhv şərh etmək vardır. Bir-birlərini öldürürlər. Bunlar Ortodoks İslam anlayışından qaynaqlanır. Belə bir bəla var dünyanın üstündə. Bizi bu bəladan qurtaracaq olan Mehdi (ə.s)-dır.

Hz. Mehdi (ə.s)-ın camaatına da şübhə ilə baxacaqlar. Bütün İslam aləmi səviyyəsində həmdə. O şübhəyə görə də yalnız 313 adam olurlar.

Mehdiyyət şəxsi mənəvi deyil. Mehdi şəxsdir, tələbələri vardır. Amma şəxs və tələbələri təbii ki, şəxsi mənəvi meydana gətirərlər.

Allah təkcə hz. Mehdi (ə.s)-ı deyil, tələbələrini də onunla birlikdə göndərir. İnsanlar Allahın hz. Mehdi (ə.s)-ı tək göndərəcəyini zənn edirlər. Amma elə deyil. Allah hz. Mehdi (ə.s)-ı 313 nəfər tələbəsi ilə birlikdə göndərir.

Əgər Mehdi (ə.s) və tələbələri səmimi olaraq şirkdən tamamilə uzaqlaşsalar, Allah Nur surəsi, 55-ci ayədə söz verərək: "Mən İslamı dünyaya hakim edəcəyəm. Qorxularınızı arxayınçılıqla əvəz edəcəyəm. Dini bütün cəhətləri ilə dünyaya hakim edəcəyəm. Amma şirk qoşmayacaqsınız, sadəcə bunu istəyirəm" deyir.

Hal-hazırda Mehdi tələbələri dünyadakı nifrət siyasətini aradan qaldırmaq üçün var gücləri ilə cəhd edirlər.

Dözümlülük və mətanət Mehdi (ə.s) və tələbələrinin xüsusiyyətidir.

Müsəlmanlar getdikcə rahatlanacaq, canlanacaq, işləri yolunda gedəcək. Mehdiyyətin yolu davamlı açıq olacaq, Allah tərəfindən qədərdə elə hazırlanmışdır. Çətinliklər çox olacaq, amma dayandıra bilməzlər. Bütün güc Allahın əlindədir.

Türk-İslam Birliyi İslam Birliyinə bərabərdir. Türk Milləti qabaqcıl olduğu üçün o mənada "Türk-İslam Birliyi" deyirik. Yoxsa ki, hər irq, hər qövm onsuz da eyni nizamda, eyni üstünlükdədir. Kiminsə bir-birindən bir üstünlüyü yoxdur, üstünlük təqvadadır.

Küfrə etina etmək olmaz. Küfrdə dinclik, vəfa, həqiqi yoldaşlıq olmaz. Mənfəəti bitdiyində səni sərf edər, səni yandırar. Vəfasızlığın yayıldığı ağrılı bir dünyada yaşayarsan. Səhər qalxdığında belə sənə namərdlik edə bilər. İki saat sonraya belə zəmanətin olmaz. Küfrdə iki saat sonra tam fərqli adamla qarşılaşa bilərsən.

Müsəlman elə olacaq ki, özü haqqında "bu adam namərdlik edər" deyilməsinə yol verməyəcək. Yəni "bir şəkildə edə bilər" dedirtməyəcək. O dərəcədə zəmanət verəcək. O zaman həqiqi bir müsəlman olar. "Bunun namərdlik etməsi mümkün deyil" deyəcəksən.