Adnan Oktar A9 TV; 7 iyun 2014

Kürd qardaşlarımızın səsverməsində bərəkət var, amma PKK səsverməsində bərəkət olmaz. PKK səsini istəməkdə bərəkət olmaz. Bu yalnız uğursuzluq gətirər. Xalqın səsində bərəkət vardır, amma PKK səsində mənfurluq və uğursuzluq vardır.

PKK az bir qüvvə ilə Cənub-Şərq bölgəsini ala biləcəyini düşünür ki, kommunizmin xüsusiyyəti budur.

PKK özündən çıxmış vəziyyətdədir. Biz milli şüurla bir və tam olsaq o zaman PKK-nın gücü olmaz. Amma PKK milli şüurun geniş yayılmadığını bildiyi və öz gəncliyində də şüurlanmış, siyasiləşmiş gənclik olduğunu bildiyi üçün o gəncliyə güvənir.

PKK bütün bölgənin başına bəladır. Xalq hal-hazırda Cənub-Şərq bölgəsində dinc yaşamır, mafiya idarəsi altında yaşayır. Mafiya idarəsi altında bir insan necə rahat yaşaya bilər? Bir banda idarəsində necə rahat yaşaya bilər? Bu da mehdiyyətlə təmizlənəcək.

Hökumətə "yanındayıq" mesajı verilməsi lazımdır. PKK-ya qarşı hökumətin yanında birlik, 80 milyonluq birlik almağımız lazımdır.

PKK problemini kökündən həll edəcək yol İslam Birliyidir. İslam Birliyi ilə PKK bacara bilməz. O zaman PKK aslanın üstünə qonan ağcaqanada bənzəyər.

Kürd səsverməsi halal, amma PKK səsverməsi isə haram səsdir. O bəla gətirər. Bərəkət gətirməz. Kürd səsverməsi nur kimidir. Türk, çərkəz, laz onsuz da millətimin gözəl nümayəndələridir.

Cənub-Şərqdə PKK-ın istifadə etdiyi həmyerlilik siyasətinə qarşı, İslam siyasətinin yeridilməsi lazımdır. Çünki İslam çox yüksəkdir. Həmyerlilik damarı onunla müqayisədə çox aşağı səviyyədə durur. Xalq da çox dindar olduğu üçün Cənub-Şərqdə bu yolla müvəffəqiyyət qazanmaq olar. Əks təqdirdə uğurlu olmaz.

PKK ilk öncə qorxudurdu, dəhşət və şiddətlə özünə zəmin yaratdı, amma hal-hazırda kürdlərə sevgi və şəfqət, həmyerlilik ruhu ilə yaxınlaşır. Eyni şəkildə dövlətimizin də imanla, Quranla, Quran əxlaqı ilə, mehribanlıqla və mömin qardaşlığı mövzusunu ətraflı şəkildə istifadə edərək kürd qardaşlarımıza yaxınlaşmalıdır.

PKK-ın dağda verdiyi təhsilə əvəz olaraq gənclərimizə də mütləq siyasi təhsil verilməli, vətən, millət sevgisinin möhkəmləndiyi, bölünməyə qarşı qərarlı, darvinizmə, materializmə qarşı, kommunist təhlükəni dərk edən, kommunizmə necə cavab verəcəyini bilən, PKK-ın Stalinist nəzəriyyəsini yerlə-yeksan edən təchizata sahib, bölünməyə qarşı bütün informasiya ilə təmin edilmiş, siyasi mədəniyyəti yüksək səviyyəli gənclər kimi yetişdirilməlidir.

PKK-lılar həm siyasi təhsil alırlar, həm də siyasi təbliğatı əsas götürürlər. Cənub-Şərqdə böyük Kürdüstan qurmağın xəyalındadırlar. Bizim gəncliyimizin də böyük hissəsi evlilik hazırlığındadır, bir qismi də zəngin olmağın arxasınca düşüb.

Silahı buraxdığında PKK-nın bütün siyasi gücü yox olar, özü də yox olar. PKK-nın ayaqda dayanmasını təmin edən silahdır, silah gücüdür. Buna görə də PKK heç bir şəkildə silah buraxmaz.

PKK gücünü təhdid və zorakılıqdan alır. Bu güc geri çəkildiyində xalq PKK-nı unudar. Xalq öz işinə gücünə baxar. Normal siyasət başlayır, PKK və PKK tərəfdarı olan siyasi düşüncə sürətlə yox olub gedər.

Xalqın şüur altında PKK-ya qarşı böyük nifrət vardır. Amma silah PKK-ya hörməti təmin edir. Bəzi insanlar gücün qarşısında əyilirlər. Yəni bükə bilmədikləri biləyi öpürlər. Bəla burdadır.

Abdullah Öcalan ailə quruluşunu, dini qəbul etmir, kommunist idarəetmə istəyir. Türkiyənin Cənub-Şərq bölgəsində yeni Şimali Koreya yaradılmasına icazə vermərik. Allah qorusun bu baş verərsə çox qısa müddət ərzində bütün Türkiyəni əhatə edər. Bütün Türkiyə əldən gedər.

Cənub-Şərq bölgəsində kürd qardaşlarımıza cənnət həyatı quracağıq. Diyarbakr, Mardin, Siirti Paris, London kimi edəcəyik. PKK-nı elmlə, qanunla, hüquqla məğlub edəcəyik. Orada PKK-ın təhdidi, PKK xainlərinin azğınlığı qalmayacaq. Xalqa PKK qorxusu yaşatmayacağıq, inşaAllah.

PKK heç vaxt və qətiyyən silah buraxmayacaqdır. Silahı buraxdığı an PKK yox olar, PKK-ya kürəyini dayayan partiyalar varsa, onlar da buxar olar. Onlar silahla ayaqda dayanırlar. Silah getsə, onlar da gedər.

PKK xoşagəlməz hərəkətləri buraxmalıdır. Yaşamaq istəyirlərsə mütləq hara gedirlərsə çıxıb getsinlər, aşağı tərəflərdə bomboş ərazi var. Getsinlər özlərinə bir məkan tutsunlar, orada yaşasınlar. Bizdən uzaq olsunlar. Türkiyədə biz kürd qardaşlarımızla xoşbəxt və rahatıq.

Türkiyə içərisində biz kürd qardaşlarımızı ayırmarıq. Ailənin içərisində otaqlar polad divarlarla ayrılmır. Biz bir ailəyik, heç bir şəkildə qardaşlarımızdan ayrılmarıq. Sən polad divarlar hazırlamağa çalışsan, biz o divarları yıxarıq. Boş yerə də həvəslənməyin, belə bir şeyə icazə vermərik.

Öcalan buraxılıb Cənub-şərqdə PKK-ın başına keçsə, Cənub-şərqi itirərik. Çox təhlükəlidir. Ona doğru gedişat və hazırlıq var. Millətimiz çox diqqətli olmalıdır.

PKK hərəkatı kəskin xərçəng xəstəliyi kimidir. Elmi əsaslarla mütləq dərman verib müalicə etdirmək lazımdır.

PKK çox qəddar, mərhəmətsiz bir hərəkatdır. Xalq mülayim, sakit, sadə rəhbərlik edəcəklərini düşünür, elə bir şey yoxdur. Yəni qurd tələsinə insanların rahat düşmələri üçün, tələnin rahat işləməsi üçün PKK indi çox yumşaq davranır, amma kommunist rəhbərlik qurulduqdan sonra mərhəmətsiz, kəskin cəhətlərini ortaya çıxarar.

PKK siyasi istiqamətdən rəhbərliyi ələ keçirəndə, yəni kommunist rəhbərlik, proletariya diktatorluğu qurulanda müsəlmanların nicatlarını kəsərlər. Bir dənə də olsun məscid, came saxlamazlar. Dini əsərlər, dini kitablar və s. saxlamazlar.

PKK son zamanlarda, xüsusilə, Abdullah Öcalanın şərhlərindən sonra özünü dindar göstərməyə başladı. Bu çox təhlükəli bir taktikadır.

Belə bir həngamədə müsəlmanların bir-birini əzməyə çalışması, xüsusilə açıq müsəlman kütlələrin bir-birini qırmağa çalışması PKK layihəsi ola bilər. PKK-a qarşı, bölünməyə qarşı müqavimət göstərən hər ünsürün əzilməsi təlimatın hər hansı yerdən verildiyi deməkdir. Son dərəcə diqqətli olmaq lazımdır.