Adnan Oktar A9 TV; 1 dekabr 2013

Təhqiqi imanın yaxşı öyrənilməsi, iman həqiqətlərinin araşdırılması, öyrənilməsi, imanlı insanların çox olması vacibdir. Məsələn, Peyğəmbərimiz (s.ə.v) çox imanlı idi. Onun imanı böyük qövmə kifayət etdi. Hər kəsin imanı canlanmışdı.

Hz. Yusuf (ə.s) tək başına idi. Allah onu bütün o bölgəyə sultan etmişdi. Zülqərneyn də tək başına idi, Allah onun ətrafını çoxaltdı və qısa müddət ərzində dünya hakimi etdi. Süleyman (ə.s) də tək başına idi, qısa müddətdə dünyaya hakim oldu. Çünki həqiqi iman edənlər idi. Həqiqətən inanır, çox imanlıdır. Ona görə də Tövratda da Allah: "Həqiqi iman etmiş 10 nəfər olsa İslamı dünyaya hakim edəcəyəm" deyir.

İslam əxlaqının dünyaya hakim olmasını könüldən, səmimi qəlbdən istəyən 10 nəfər adam olsa belə-amma sevgi ilə, qəlbən istəyəcək- Allah bu 10 nəfərlə İslamı dünyaya hakim edər, inşaAllah.

Əgər Mehdi (ə.s) və tələbələri səmimi olaraq şirkdən tamamilə uzaqlaşsalar, Allah Nur surəsi, 55-ci ayədə söz verərək: "Mən İslamı dünyaya hakim edəcəyəm. Qorxularınızı arxayınçılıqla əvəz edəcəyəm. Dini bütün cəhətləri ilə dünyaya hakim edəcəyəm. Amma şirk qoşmayacaqsınız, sadəcə bunu istəyirəm" deyir.

Allah istəyir ki, Onu düşünsünlər. Ona yaxınlaşmalarını istəyir, İslamı dünyaya hakim etmək istəyir. Laqeyd, soyuq, eqoist insanları Allah şiddətlə xəbərdar edir. Onların diqqətini şiddətdən istifadə edərək, əzabla, ağrı ilə açır.

Allah son dövrdə səhabə dövrü kimi bir dövr istəyir. Qadınların əzildiyi, keyfiyyətsiz həyatın olduğu, sənətin, incəsənətin, gözəlliyin olmadığı bir dövrü Allah istəmir.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

İslam durduğu yerdə hakim olmaz, vasitələr, məqsədlər vardır. Vasitələri Allah yaradır. Massonluq bir vasitədir.

Həddindən çox liderlər var, amma Allah heç birinə dünyanı nizamlama, düzəltmə gücünü vermir. Çünki Allah qədərdə İslamın dünya hakimiyyətini Mehdi (ə.s)-a nəsib edəcəyini yazmışdır.

İslamın siyasətlə hakim olması mümkün deyil. Bədiüzzaman "siyasət ruhları qaraldar" deyir. Orta şərqdə sıx siyasət ehtirası izlənilir.

Bədiüzzaman belə deyirdi: "İslam siyasətlə hakim ola bilməz". İslam ancaq mehdiyyətlə hakim olar.

Hz. Mehdi (ə.s) ilə yenidən səhralara yağış yağacaq, yenidən dünyaya ruh gələcək, İslam dünyaya hakim olacaq, inşaAllah.

Gənclik imani cəhətdən güclü olaraq öyrədilməsə, demək olar ki, gələcək nəsillər üçün böyük bir fəlakət qapıdadır.

İslam Birliyi olacaq, İslam dünyaya hakim olacaq görəcəksiniz, 5-10 il ərzində görəcəksiniz. Türkiyənin liderliyində olacaq. Bütün dünya massonluğu hz. Mehdi (ə.s)-ın əmrinə girəcək.

İman, Quran məclisləri, mələklərin ən çox sevdiyi məclislərdir.

İnsanın ağlı əhəmiyyətlidir. Ağlı görəcək, ürəyi təsdiq edəcək. Ağılla ürək eyni gücdə olmalıdır. İkisi birlikdə hərəkət edəcək. Əgər ağlını istifadə etməsə, sırf ürək ilə təsdiq etmək zəif iman yaradar. Güclü iman, təhqiqi-iman, aynəl-yakin iman çox güclü olar.

İnsanlar üzərində elmi izahatlar, Quran möcüzələri və iman həqiqətlərinin izahatı təsirli olar. Klassik üslublu izahatlar təsirli olmaz. Çünki ağılın ürəyi təsdiq etməsi lazımdır. Ağıl istifadə edilməsə iman zəif olar.

Fanatiklərin imanları zəif olur. İmana o qədər də əhəmiyyət vermirlər. Romantik iman axtarışındadırlar. Deyilməyəcək iman anlayışına sahibdirlər. Yəni yüksək, dərin imanı əsas götürmürlər.

Həqiqi iman aydın ağıl tələb edir. İman, Allahın varlığından bəhs edirsən sən. Bu çox iti bir ağıl tələb edir. Yəni həyatın ən həqiqi hadisəsi, ağılla yaxınlaşılacaq mövzudur.

Kommunist deyib kənara atmırıq. Kommunistin iman etməsi üçün çalışarıq. Masson deyib kənara buraxmırıq, iman etməsi üçün cəhd göstəririk. Xristiana da, yəhudiyə də hamısına təbliğ edirik. Dinsizə, ateistə, buddistə heç bir millətə, qövmə, dinə qarşı kin, nifrət bəsləmirik. Hamısına İslamı, Quranı öyrənsinlər deyə şəfqətlə yaxınlaşırıq, inşaAllah.

Ağıllı bir insan onsuz da iman edər. İman aydın olmayacaq şəkildə deyil. Allahın varlığı çox açıq-aşkardır.

Mehdilik İslam aləminin şəxsi-mənəvisinin məsləyə istinadıdır. Mehdiliyin özündən əmin olan güclü iman hərəkəti vardır.

İman çox asandır, insan Allahın varlığını dərhal anlayar və rahat şəkildə iman edər. Amma bəzi insanlar bir-birlərindən mənfi təsirlənirlər.

Bədiüzzamanın ayədən və hədisdən çıxardığı hesablamalara görə qiyamət 2120-ci ildə, dünya ilə böyük bir meteoritin toqquşması ilə başlayacaq. Qiyamətdən əvvəl iman əhlinin ruhları yerdən götürüləcək.

Quran var ikən hansısa məzhəbdən olmaq haramdır. Allah ''Mən sənə Quran endirdim, məzhəbi haradan çıxardın? Sən Qurana tabe olacaqsan yoxsa məzhəbə?'' desə, insan nə cavab verəcək? Əlbəttə ki, Qurana. Biz Qurana tabe olmaqda məsuluq.