Adnan Oktar A9 TV; 18 avqust 2014

Mehdi (ə.s) dövründə məzhəblər qalxır, hər kəs Qurana görə hərəkət edir. Quranın sadə, gözəl, təmiz, hənif dininə, yəni İslam dininə bütün insanlar daxil olur. Və onu dinc, təhlükəsiz, bərəkətlə yaşayırlar.

Qurandan uzaq olanda insanın ağlı gedir, davranışları pozulur, halala, harama diqqət etmir, nizamsız olur. Amma Qurana uyarsa, ağıl tam oturur, işləri yolunda gedir, bərəkət gəlir, üzərinə bir rəhmət, bir xoşluq, nur gəlir. Onun üçün Qurana möhkəm sarılmaq çox vacibdir.

Quranı həyata keçirmək bir sənətdir. Ağıllı insan Quranı çox yaxşı anlayar və həyatına gözəl şəkildə tətbiq edər. Məsələn, təvazökarlıq necə ediləcək? Təkəbbür hissi aradan necə qaldırılar? Sevgi necə yaşanar?

Həqiqi İslam mehdiyyətin izah etdiyi İslamdır.

Ağıl və Quran bir-biri ilə əlaqəlidir. Ağıllı olmaq üçün Quranı gözəl şəkildə bilmək lazımdır. Buna görə də Qurana əsasən düşünmək lazımdır.

İslam sevgidir, mərhəmətdir, şəfqətdir, amma dəccaliyyət olmadan mehdiyyət olmur. Əvvəl mərhəmətsizlik daha sonra mərhəmət, əvvəl şəfqətsizlik daha sonra şəfqət, əvvəl sevgisizlik daha sonra sevgi, Allah qiymətini bilsinlər deyə yaradır.

İslam heyrətamiz gözəl bir sistemdir. Bir bilsələr, gənclər öyrənsələr, Türkiyədə müsəlman olmayan tək bir adam qalmaz. Anlamırlar. Zənn edirlər ki, asılacaq, kəsiləcək, biçiləcək, azadlıqları əllərindən alınacaq, əylənməyəcək, musiqi, şəkil olmayacaq. Hamısı halaldır. Səhv izah edirlər. Elə bir şey yoxdur. Şirk sistemi onu etdi. Yoxdur elə bir şey.

Sevdiyin adamı əgər bütləşdirsən, Allaha şirk qoşsan, ayrı müstəqil bir varlıq zənn etsən, Allah səndən ayırar. Amma Allahın təcəllisi olaraq görsən, Allah təcəlliləri səndən uzaqlaşdırmaz. Bütləşdirmənin cəzasıdır bu.

Müsəlmanlar, hal-hazırda dünyanın ən güclü fikrini müdafiə edirlər və ən qərarlı dövrdədirlər. Faşizm, kommunizm, kapitalizm ... bütün fikirlər çökdü. Yalnız İslamın qarşısı açıqdır.

Dəccalın ömrü ən çoxu 40 ildir, çox olmaz. Amma İslam 1400 ildən bəri dimdik ayaqdadır. Rəsulullah (s.ə.v)-dən etibarən neçə dəccal düşüncəsi, fikri gəlib-keçmişdir, hamısı da tarixə qarışmışdır. Neçə növ dəccaliyyət hərəkatı oldu. Hamısı sakitləşib yatırılmışdır. PKK da bir dəccaliyyət hərəkatıdır. Əriyib gedəcəkdir.

Allah şərik qoşanların qəlblərindən sevgini çəkib alır. O qaçır, o qovur, o qaçır o qovur. Halbuki, sevgisini, gözəlliyi birbaşa Allaha yönəltsə, Allaha dua etsə Allah ona nəsib edər.

Orta yolla gedən müsəlman deyə bir şey yoxdur. Qurana tabe olan müsəlman vardır. Qurana əməl edirsə tabe olur, əməl etmirsə tabe olmur. İki cür müsəlman vardır. Biri Qurana əməl edən, biri də əməl etməyən. Orta yolla gedən müsəlman olmaz.

Müsəlman Qurana tam sarılsa, Qurana görə hərəkət etsə yaranan gözəllik onsuz da insanı hipnoz edər. Hər insan o cur həyat yaşamaq istəyər.

Şirk insanı məhv edər. Cinayətə də yol açar, adam öldürməyə də, öz canına qıymağa da, yandırmağa da, dağıtmağa da səbəb ola bilər. Amma şirkdən xilas olsa, nurlu bir adam olar. Məhz bunu da imam Mehdi (ə.s) təmin edəcək inşaAllah.

Şəhidliklə fəxr edilər. Şəhidlik şərəfdir, nemətdir, yas saxlayacaq bir şey yoxdur. Müşriklər yas saxlayarlar. Kafirlər ağlayar, Allah ayədə: "Az gülüb çox ağlasınlar" deyir. Bəs sən nə deyirsən? "Gülməyin" deyirsən. Allah bunu müşriklər üçün söyləyir. Müsəlman gülər və Allaha olan eşqindən ötrü ağlayar.

İnsan sevgisinə aludə olarsansa şirk olar. Allaha olan sevgindən ötrü sevməlisən. Mahnılar belə həmişə ayrılıqla bağlıdır. Allahın təcəllisi olaraq sev. Allahın təcəllisi olaraq sevsən, o cür mahnıya ehtiyac qalmaz. O qədər iztirab çəkməzsən.

Müasir düşüncə müasir İslam anlayışıdır. İslam dinində sevgi, mərhəmət, sülh, əmin- amanlıq, yaxşılıq, nəzakət, tərbiyə, sayğı, hörmət, keyfiyyət, ən yaxşı texnologiya, ən mükəmməl incəsənət vardır. Bütün fikirlərə və bütün adamlara qarşı hörmət vardır. Necə də gözəldir. Kommunizmdə isə öz fikrində olmayan hər kəsi öldürmək, dəhşət yaymaq, asıb-kəsmək vardır.

İslam dini vəhşilik dini kimi göstərilir. Ona görə bu antipatiya meydana gəlir. Deyirlər ki, "İslamofobiya"dır. Dəhşətə fobiya vardır, vəhşilikdən qorxur insanlar. Bir vəhşilik sistemindən bəhs edirsən, İslam deyə tanıdırsan. Vəhşiliyin adını İslam qoymusan. İslam dinində şəfqət, mərhəmət, sevgi, sənət, estetika, elm, gözəllik hər şey vardır.

Qatı dinçi ayrıdır, müsəlman ayrıdır. Şirk qoşan ayrıdır, şirk qoşmayan müsəlman ayrıdır. Mən şirk qoşanı tənqid edirəm. Özü də bilmədən müşrik olanı tənqid edirəm. Qatı dinçi olanı tənqid edirəm. Müsəlman Qurana tabe olana deyilir.

“Hər şeyə ağlayın” məntiqi çox anormaldır. Bu, Məkkə müşriklərində, daha qədim dövrlərdə Şumer müşriklərində olan sistemdir. Çox səmimiyyətsiz şəkildə Allaha təvəkkül edilmədiyini göstərən hərəkətdir. Bir insan Allahın yaratmadığını düşünürsə ağlayar.

Allah qorxusundan ağlamaq başqa, həyəcandan ağlamaq başqadır. Amma birisi "Bu niyə belə oldu?"― deyə ağlayırsa, bu şirk olar.

Quranın bütün hökmləri asanlıqla yerinə yetirilən hökmlərdir. Yoxsa insan boğular, həyat onu boğar. İnsan onsuz da suyun içində yaşayır. Bu gözəlliklər olduğuna görə insan boğulmadan yaşayır. Bu nemətlər olmasa insan boğulur. Adam suyun dibinə batar.

Allahın yaratma sənətini çox düşünmək lazımdır, həm öyrənmək üçün, həm də zövq almaq üçün düşünmək lazımdır. Bunda zövq vardır. Çünki təəccüblənmək və heyrətlənmək çox zövqlüdür. Düşünə-düşünə heyrət edib, heyrətin də zövqünü ayrıca almaq lazımdır.