Adnan Oktar A9 TV; 16 dekabr 2016

"Əcəm oyunu" deyərək bütövlükdə İran xalqına düşmənçilik etmək Gülən təşkilatının istifadə etdiyi çirkin üslub idi. Eyni üslubdan müsəlmanlar istifadə etməsin.

Hələbdə, İraqda müsəlmanları qətlə yetirən şiələr İngiltərə dərin dövlətinin yönləndirdiyi zalımlardır, Mİ6 şiələridir. İran xalqını, şiə qardaşlarımızı sevirik. Hələbdə İraqda cinayət işləyən milislərin zülmlərini, qırğınlarını lənətləyirik.

Bizim izahlarımızdan sonra Xameneyin bugünkü çıxışında “müsəlmanları bir-birinə qarşı təhrik edən ingilis şiəliyidir” deməsi əhəmiyyətlidir. Xameneyi eynilə bizim diqqət çəkdiyimiz kimi, İngiltərə dərin dövlətinə qarşı qurtuluşun təkcə İslam Birliyi ilə mümkün olduğunu söylədi.

İran və Türkiyə iki dost müsəlman ölkədir. İŞİD necə sünni müsəlmanlığını təmsil etmirsə şiə milislər də İranı təmsil etməz. İŞİD də, şiə milislər də İngiltərə dərin dövləti tərəfindən yönləndirilən təşkilatlardır. Bölgədəki bütün təşkilatlar İngiltərə dərin dövlətinin qoludur.

Türk İslam birliyi dediyimiz vaxt, irq təməlli bir birlikdən bəhs etmirik. Türkiyənin liderliyi altında bütün İslam aləminin birləşməsini nəzərdə tuturuq.

İraq və Suriyaya şiə adı altında göndərilən qatillər İngiltərə dərin dövlətinin əmri altında Allahsız, dinsiz, kommunist qatillərdir. Bu azğın qatillər ucbatından bütün şiələrə qarşı olmaq ağılsızlıq olar. İran və Türkiyə dostdur. İki ölkənin dostluğu İslam Birliyi deməkdir.

Türkiyə, Rusiya, Pakistan və İran birləşsə İngiltərə dərin dövlətinin bu cür böyük güclə başa çıxması mümkün olmaz.

İran, Rusiya və Türkiyənin ittifaqı İngiltərə dərin dövlətini iflic edər. Pakistan, Misir və Səudiyyə Ərəbistanı da qoşulsa çox təsirli güc olar.

İslam aləmində çox yerdə münafiqlər aktivdir, buna görə də İslam Birliyi heç cür yaranmır. İngiltərə dərin dövləti münafiqləri başa bəla etdi. İslam aləminin canlanma ruhuna ehtiyac var. Bu da təkcə mehdiyyətlə olar.

Müsəlmanlar İslam Birliyi üçün, Mehdi və İsa Məsihə tezliklə qovuşmaq üçün dua etməlidir. Digər müsəlmanlarla vuruşmaq deyil.

Suriyada xəstəxanaların bombalanması çox böyük zülmdür. Bu zülm təkcə İslam Birliyi və mehdiyyətlə dayandırılar.

Terror qınamaqla bitməz. Həll yolu insanı heyvan kimi görən, şiddəti müdafiə edən birtərəfli darvinist təhsilin dayandırılmasıdır. Quran həqiqətlərindən bəhs edilməsi, İslam Birliyi üçün səy göstərilməsi lazımdır.

Müsəlmanlıqda sevinc var. Musiqi, incəsənət, əyləncə olmayan bir İslam meydana gətirərək İslamı sanki yer üzündən silmək istədilər.

Rusiya, Türkiyə, İran və Pakistan birləşərək, Çinlə də ittifaq edilərək dərhal İslam birliyi yaradılmalıdır.

Türkiyə, Rusiya, İran, Pakistan və Çin həmrəy olsa İslam Birliyi dərhal yaradılar. Çində çoxlu sayda müsəlman var.

Axırzamanda, Mehdi dövründə Hələbin mühasirəyə alınacağı bildirilmişdir. (Əmir əl-möminin Əli bir xütbəsində belə buyurdu: üfr əhlinin fitnəsi İslamı zəiflədər. Odu Şamı yandırar. HƏLƏBİ mühasirəyə alarlar. Heyif olar, hər tərəf viran olar, dağılar. Bəla bütün diyarları gəzib dolaşar. İlzamun Nasip, 2-ci cild)

Hələbdə hər kəs ac olarkən, Rohincada müsəlmanlar yandırılarkən, İraq, Suriya qan gölü vəziyyətində olarkən müsəlmanın tənbəlliyə qapılması çox çirkin olar.

Hələbdə sel kimi qan axması dəccaliyyətin, münafiqliyin dünyaya yaşatdığı əzablardan biridir.

Türkiyə nə Mosul, nə Kərkük, nə də Suriyada hər hansı yeri ilhaq etməyi düşünmür. Biz sadəcə hər kəslə qardaş və dost olmaq istəyirik.

Lozanna danışıqları davam edərkən İngiltərə Mosul və Kərkükü dəfələrlə bombalamış, kəndləri, qəsəbələri milis qüvvələriylə darmadağın etmişdir.

İŞİD-i də, şiə milisləri də maliyyələşdirən, yönləndirən, qırğın törətdirən İngiltərə dərin dövlətidir. Məqsəd müsəlman düşmənçiliyi yaratmaqdır. Nur olan, cənnət olan İslam dinini asan, kəsən, sevgisiz, cəhənnəm dini kimi göstərmək üçün bütün bu təşkilatları İngiltərə dərin dövləti dəstəkləyir.

Rəhmətlik Başbuğun məkanı cənnət olsun. Zəhmət çəkə-çəkə çox vətənpərvər, keyfiyyətli, müqəddəsatçı gənclik yetişdirdi. Ülkücü gəncliyin fədakar səyləri olmasa 12 sentyabrdan əvvəl kommunizm Türkiyəyə hakim ola bilərdi. Ülkücülər kommunizmə qarşı sədd oldular. 12 sentyabrdan əvvəl Ülkücü gəncliyin çəkdiyi əziyyəti, gənclərin çoxu bilmir. Onların yaşadıqları dastandır, heç unutmamaq lazımdır.

İngiltərə dərin dövləti İslam deyildikdə qadınların alçaldıldığı, rəsm əsəri, musiqi, incəsənətin olmadığı bir sistemin ağıla gəlməyini istəyir. "Müsəlmanlar şiddət istəyər, sünnilər və şiələr bir-birlərini asıb kəsərlər" təlqini vermək istəyir. Biz də bu təlqinin əsassız olduğunu göstəririk. İngiltərə dərin dövlətinin yaratmaq istədiyi cəhənnəm kimi İslam anlayışını aradan qaldırdığımız üçün nə qədər tərəfdarları varsa böhtanları ilə üstümüzə salırlar. Bu hücumların üzərimizdə zərrə qədər mənfi təsiri olmaz, olmadığını da görürlər.

İngiltərə dərin dövləti Osmanlının son dövrlərindən etibarən çevrilişlərlə istədiklərini hakimiyyətdən devirməyə, millətlə oynamağa alışıb. Artıq keçmiş dövrlərdə deyilik. Hər sınaqlarında müvəffəqiyyətsiz olacaqlar. Yenə sınayacaqlar, yenə müvəffəqiyyət qazana bilməyəcəklər, həmişə məğlub olacaqlar.

Terrorist əhvali-ruhiyyə ilə ayaqda dayanır, bunların əhvali-ruhiyyəsini korlayacaq olan fikirlərinin yanlışlığının söylənilməsidir. Bomba, silah bunları daha da şövqləndirər. Ölməyə əzm ediblər. Lakin fikirlərinin əsassızlığından danışsan yıxılar, tamamilə çökər. Anti-darvinist, anti-materialist təhsil verilməlidir.