Adnan Oktar A9 TV; 19 noyabr 2016

Şirk, Allaha hörmətdə qüsur işləməyə cürət etməkdir. Hər şeyi Allahın etdiyini bildiyi halda, haşa Allah etməmiş kimi davranmaq çox çirkindir. Şirk sevgiyə hücum olduğu üçün Allah istəmir. Şirk çox böyük ağılsızlıqdır. Allah min bir gözəlliklə bitkiləri, meyvələri, heyvanları yaradır, "yox bunlar təsadüflə yarandı" deyirlər. Bu sevgiyə çox böyük hücumdur.

İman və Quran gözüylə baxmayan, axirətdən heç bəhs etməyən insanlar bir müddət sonra təkcə əzablardan bəhs edən vəziyyətə gələrlər. Bu cür insanlardan olmamaq üçün Allaha dua etmək, Allaha təslim olmağı istəmək lazımdır. Təkcə əzablardan bəhs edən insanlar Allaha sığınsınlar, yoxsa Allahdan bəla olaraq ruhları iztirab içində çökər, qaranlıq hala gələr.

İman ləzzətli, asan, ağıllı, fitrətə uyğundur. Münafiqlik çox çətin və bəlalıdır, həmişə alçaldılma və pislik var. Buna baxmayaraq, münafiq olurlar.

Allah o qədər çox möcüzə yaradır ki, insan hara baxsa möcüzə görür. Ən böyük möcüzə isə insan beyninin içidir. Beynin içində gözsüz görən, qulaqsız eşidən biri var. Bu həqiqətin iman xaricində heç bir açıqlaması yoxdur. Göz maye bir quruluşun içindədir, oradan işıq keçir və tərs şəkildə təsvir meydana gəlir, çox zəif amperdə elektrikə çevrilərək beyinə gedir və beyində bu zəif elektrik mükəmməl rəngli çox aydın bir təsvirə çevrilir və gözü olmayan biri bu təsviri görür. Bu böyük möcüzədir.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Allah qəlblərə gözəl sevgi verirsə bu, iman neməti olaraq Allah tərəfindən yaradılar.

Müsəlmanların üzərindəki nur və təmizlik imanın açıq dəlilidir, təcəllisidir.

Möminlər tək ümmətdir və bir-birləri ilə çox gözəl uyğunlaşarlar. İman əhli olanların Qurana tabe olduqdan sonra aralarında problem çıxmaz.

Mömin Allahdan, dindən, Qurandan bəhs edər. İman qəlbinə yerləşməmiş insanlar isə təkcə mənfəətinin nə olduğunu düşünər.

Çözüm istəyirlərsə insanların imanına vəsilə olacaq iş görsünlər. Birtərəfli darvinist təhsil dayandırılsın. Quran həqiqətlərindən bəhs edilsin. Köşələrində bir dəfə belə iman həqiqətindən, Quran möcüzəsindən bəhs etməyən, imana vəsilə olacaq iş görməyənlər həmişə ağıl verirlər.

Mənəvi təxribat dayandırılmadıqca heç bir əsas mövzuda tam çözüm yarana bilməz. Səmimi imana vəsilə olacaq bir təhsil sistemi olmalıdır.

Arılar heyrətamiz qabiliyyətli memardırlar. Mükəmməl riyazi nizamda pətək hörür, bir-birləriylə mükəmməl uyğunluq təmin edirlər.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

Darvinistlərin təsadüf yalanını İslamla uyğunlaşdırmağa çalışanlar öz aləmlərində şərh etməyə çalışırlar. Təsadüf demək Allahı inkar etməkdir.

Şans, kortəbii təsadüf mənasını verər. Şans deyilən şey yoxdur. Təvafüq vardır, Allahın rast gətirməsi vardır.

Allahın yaratması inkar edildikdə, təsadüflər sizi meydana gətirdi yalanı deyildikdə fəlakətlərin qapısı açılmış olar. İncəsənət də yox olar.

Hər şeyin təsadüfən əmələ gəldiyini söyləmək ola biləcək ən məntiqsiz açıqlamadır. Hər yerdə böyük ağıl, riyazi nizam və incəsənət vardır. Bu nizamın təsadüfən meydana gəldiyini söyləmək dünya tarixinin ən alçaldıcı açıqlamasıdır.

Allahı, Kitabı və İslamı rədd edən, bütün kainatın təsadüfən yaradıldığını iddia edən inkar fəlsəfəsinin dövlət əli ilə öyrədilməsi böyük fəlakətdir. Allahın açıqca inkar edilməsi Allahın xoşuna gəlməz. Darvinizm mütləq elmi cavabları ilə birlikdə öyrədilməlidir.

Müsəlmanları Quranda təkamül var deyə aldatmağa çalışırlar. Təkamül demək, palçıqlı su içində təsadüflər nəticəsində həyat yarandı deməkdir. Darvinizm təsadüfü haşa İlah qəbul etməkdir. Allahın varlığını açıqca inkar etməkdir. Bu Allahın qəzəbini cəlb edər, Allahın xoşuna gəlməz. Darvinizmi qüvvədən salmağı çətin hesab edirlər. Yanılırlar. Minlərlə, milyonlarla elmi dəlil var, təkcə bu dəlilləri göstərəcəklər.

Darvinizm də bir dindir. Kainatın yaradılışını öz aləmində təsadüflə izah edən inanc sistemidir, dəlili olmadığı halda buna iman gətirənlər var.

Təkamül nəzəriyyəsi hal-hazırda tədris planından götürülməyib, təkcə adı dəyişdirilmişdir. Hələ də "təkamül yoxdur, zülal təsadüfən meydana gələ bilməz" deyilə bilmir. 700 milyon fosilin (daşlaşmış qalıntı) olduğu, bu fosillərin təkamül olmadığını göstərdiyi gənclərə deyilə bilmir. Təkamül hər şeyi təsadüflə izah edən xurafatdır. Tək bir zülalın belə təsadüfən əmələ gəlməsi elmi cəhətdən qeyri-mümkündür. Canlıların təsadüf nəticəsində yarandığını söyləmək insan ağlı ilə lağ etməkdir.

Hər şey təsadüflə yarandı deyən darvinizm, dünya tarixinin insan ağlı ilə lağ edən ən bərbad fəlsəfəsidir.

Bir kompyuter necə təsadüfən meydana gəlməzsə, hüceyrə və zülal da təsadüfən meydana gəlməz. Bəzi darvinistlərin sırf etibar üçün təkamülü müdafiə etmələri səhvdir.

Darvinizmi israrla qəbul etdirməyə çalışanlar, “hər şey təsadüflər nəticəsində yarandı, dini tərk edin” deyəcəkdilər, lakin buna icazə vermədik, vermərik. Bütün dəlilləri ilə darvinizmin əsassızlığından bəhs etdik. Boşuna çırpınmasınlar, təkamül yoxdur, təkamül nəzəriyyəsi dünyadakı ən çürük nəzəriyyədir.

İngiltərə dərin dövlətinin müdafiə etdiyi rumi fəlsəfəsində Allahdan qorxmağı haşa aşağı hesab edən məntiq var. Buna görə rumiliyə sahib çıxırlar.