Adnan Oktar A9 TV; 17 Aprel 2012

ALLAHIN GÜCÜNƏ GÜVƏNMƏK, RƏHMƏTİNƏ, MƏRHƏMƏTİNƏ GÜVƏNMƏK İBADƏTDİR. Allahın incə detallı düşüncəsinə inanmaq ibadətdir. Haşa, bir insan Allahı bunları düşünə bilməz deyə düşünsə, bu əxlaqsızlıq olar.

Sənətkarlıq Allah eşqindən irəli gəəlicəsinə aşiq olmaqla yaranar. Allah eşqiylə yanaraq, bunun sənətkarı olmaq lazımdır. Yəni Allah eşqindən qaynaqlanar. Sənətkar Quranın ruhunda olanı tətbiq etmiş olar. Quran zatən bizdən sənətə sevgi istər, gözəllik tələb edər, zövq tələb edər.

Şeytan "hər şey təsadüf" deyir; "atomlar, hormonlar, hüceyrə, siz də təsadüfən meydana gəldiniz" deyir. "Təsadüfən meydana gələn bu insanlar bütün şəhərləri meydana gətirdi" deyir. Bəziləri də "doğru söyləyirsən, ey şeytan" deyirlər. ŞEYTAN DÜNYANIN 99/100-na BÖYÜK BİR OYUN OYNADI, ONLARI ƏLƏ SALDI, ONLARI HİPNOZ ETDİ, TƏLQİN ETDİ VƏ ONLARI İNANDIRDI .

Xromosom İstanbul şəhərindən daha kompleks quruluşa sahibdir. Diqqət yetirilsə, Darvinistlər hüceyrə və zülal mövzusuna heç girmirlər. Çünki bunu açıqlaya bilmirlər. Bu haqda məlumatı olmayan birinə də asanlıqla təsir edə bilirlər.

Dərin düşünən insanlar Allahın sənətinin fərqinə vara bilirlər. Onun üçün Allah ayədə; "Allahdan ancaq alimlər qorxar" deyə ifadə edər. Allah, müsəlmanların daima düşünməsini, dərin düşünməsini və elm sahibi olmasını istəyir, dərin təhqiq etmələrini istəyir.

İnsanlar, hüceyrəni, xromosomları, vakuolları, sitoplazmanı yorulmadan və diqqətlə araşdırmalıdırlar. Çünki Allah bizim xoşumuza gəlsin deyə Allahın yaradılış sənətini görək deyə yeri, göyləri və onlar arasındakıları yaratmışdır.

İnsan Allahın sənətindən yorulmaz. Allahın sənəti eşqlə araşdırılmalıdır. Necə ki, çiçəyini, pişiyi, gözəl bir uşağı necə eşqlə araşdırır, sevirsinizsə Allahın sənəti olan hüceyrəni də eşqlə araşdırmalısız.

İnsan xromosomun içinə girsə, o sistemi görsə ömür boyu alını səcdədən qalxmaz. Hüceyrənin içinə girib özü zülal olsa, orada bir funksiya yerinə yetirsə, gəzsə həyəcandan nəfəsi kəsilər, Allaha aşiq olar. Oraya məhz qəlblə, ağılla girmək lazımdır.

Hüceyrə Allahın sənətinin çox ehtişamlı təcəlli etdiyi yerdir. Bir insanı hüceyrənin içinə atsan, orada bir həftə yaşasa alını səcdədən qalxmaz. Oraya girə bilmədikləri, o aləmi görə bilmədikləri üçün insanların imanları zəif olur.

İnsan üçün Yaradanın sənəti ən zövqlü nemətlərdən biridir. Bu gözəlliyi görmək, təfəkkür etmək, anlamaq insana çox sevinc verən nemətlərdən biridir.

Hüceyrəyə daxil olan İstanbul şəhərinə girmiş kimi olur. O qədər əhatəlidir. Sırf tək bir hüceyrədən belə Allahın varlığını qəti şəkildə anlayarsan.

Hüceyrələrin atomları tək-tək tutması, tam ehtiyacları olan nisbətdə dəmiri, sinki, kalsiumu alması başlı-başına bir iman həqiqətidir.

İnsanlar ülfət dənizinin içində üzür. Bu ülfət dənizindən çıxıb, bəsirətlərini, fərasətlərini açıb bu bəladan xilas olmalıdırlar. Yoxsa insan sırf hüceyrədəki möcüzəni öyrənsə heyrətamiz imana sahib olar. Peyğəmbər imanı kimi olar imanı. Lakin bəsirət bağlanıb.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.

Hüceyrə barəsində məlumatı olmayan bəzi insanlar təkamülün ola biləcəyini düşünür. Halbuki hüceyrəni, zülalın quruluşunu nəzərdən keçirsə, təkamülün texniki cəhətdən qeyri-mümkün olduğunu görər.

Allahın sənətini anlamaq, layiqincə təqdir etmək və həmişə yadda saxlamaq vacibdir. Əks təqdirdə niyə elmi mübarizə apardığını unudan şüursuz müsəlman modeli meydana gələr Allah qorusun. Dərin iman olmadıqda sevgiylə, ağılla mübarizə aparan şüur da meydana gəlmir.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Allahın sənətini bilmək çox mühüm məsələdir. Allahın sənətini bilmək, yadda saxlamaq və heyrətini yaşamaq üçün dua etmək lazımdır. Allahın sənətinin heyrətini yaşamamaq bir növ mənəvi xəstəlikdir. Allahın sənətinə heyranlıq duymaq imani dərinliklə mümkün olar.

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Allahın sənətini müəllim kimi yox, heyrət məqamında izah etmək lazımdır. Heyrətdən heyrətə düşərək izah etmək lazımdır.

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

İnsan ağlı 100 möcüzəni eyni anda düşünəcək potensialda olsa, mənəvi cəhətdən sanki sərxoş olar. Allahın sənəti çox sarsıdıcı və çox möhtəşəmdir.

Hüceyrədə heyranedici xüsusiyyətlər var, lakin insanların çoxu çox az düşünə bilir. İnsan ən çoxu bir və ya iki mövzunu yadda saxlaya bilər. Hüceyrənin daxili ucsuz-bucaqsız bir kainat kimidir və möhtəşəm dərəcədə kompleksdir. Hüceyrənin təfərrüatlarının öyrənilməsi dinsizliyə ən böyük zərbə oldu.

Sağlam bir beyinlə, sakit başla düşündüyümüz zaman həm metafizik bir mühitdə olduğumuzu anlayırıq, həm də böyük bir ağlın, çox böyük bir ağlın, yəni uca Allahın hər yeri əhatə etdiyini, hər yerə hakim olduğunu görürük.