Adnan Oktar A9 TV; 7 May 2012

İMANLA HƏR ŞEY ÇOX GÖZƏL, QİYMƏTLİ OLAR. O zaman insana hörmət edərsən, dəyər verərsən. Çünki insan hörmət edilmədiyini, dəyər verilmədiyini anladığı vaxt sevgi, məhəbbət yox olar.

Allah insanı zalım, cahil yaradır. Buna görədə insanlar başqalarına baxıb səhv edir. "Bu imansızdı, bu anormaldı, bu saxtakardı və s." deyir. Allah ayədə "İnsanların çoxu iman etməz", "İman edənlərin çoxu da Allaha şirk qoşmadan iman etməz" deyir. Bu Allahın hökmüdür. Burda təəccüblü şey yoxdur.

İLK ÖNCƏ BİZİM ETDİYİMİZ KİMİ MATERİALİST, DARVİNİST BÜT SİSTEMİNİN ELMLƏ, MƏNTİQLƏ, AĞILLA, FƏLSƏFƏ İLƏ ARADAN QALDIRMAQ LAZIMDIR. İman həqiqətlərini izah etmək, insanların imanlarını möhkəmləndirmək, gücləndirmək, Quran möcüzələrini izah etmək lazımdır. QURANIN HAQQ OLDUĞUNU ÜRƏKLƏRƏ HƏKK ETMƏK LAZIMDIR. DAHA SONRA ALLAHIN HÖKMLƏRİNİ TƏKLİF ETMƏLİSƏN. Yorucu olmadan, ağıllı bir şəkildə və Quranda olduğu kimi təbliğ etməlisən.

Allahı dərk etmək çox əhəmiyyətlidir. Yəni insanlar ilk öncə "mənə namaz, dəstəmaz öyrət" deyər. Allaha inanırsanmı? Sən əvvəl onu fikirləş. Oturub durmaq namaz demək deyil. Əvvəl iman etməlisən. İman etməmiş namaz olmaz. ƏVVƏL NAMAZ DEYİL, İMAN VACİBDİR. Cənabı Allah Quranda imandan bəhs edir.

ALLAH BİZİ SƏMİMİ İMAN ETMƏK ÜÇÜN AĞLIMIZI SIXIŞDIRMAYACAĞIMIZ, RAHAT OLARAQ ALLAHI DƏRK EDƏCƏYİMİZ ŞƏKİLDƏ YARATMIŞDIR. Yəni Allaha tam təslim olmaq iqtidarında yaradılmışıq.

İNSAN İMANI ÇƏTİN GÖRSƏ, ŞEYTAN İNSANA HÜCUM ETMƏYƏ BAŞLAYAR. İMAN ASANDIR. Sadəcə insan özünü, beynini, ruhunu sərbəst, təbii halına buraxmalıdır. İNSAN TƏBİİ HALDA OLARKƏN ALLAHLA TAM BAĞLILIQ YARADAR. İNSAN ŞEYTANI DÜŞÜNÜB ONA UYĞUN HƏRƏKƏT ETDİYİ ÜÇÜN ALLAHLA BAĞLILIQ YARADA BİLMİR.

Böyük dünyada Allaha ən çox iman edən Hz. Mehdi (ə.s) olur.

Bir insan səmimi olaraq İslama, Qurana üz tutsa, Müsəlmanları dəstəkləsə, artıq keçmişi ilə mühakimə olunmaz. Keçmişi barədə nə qərar verilsə onu Allah bilər. Artıq tövbə etdisə, bu qədər.

Bəzi alimlərin həddindən çox elmi, savadı var, lakin imansızdırlar. Allah ayədə imanı olmayanlara "Kitab yüklü eşşəyə çevrildilər" deyir. Allah bu insanları kitab yüklü eşşəyə bənzədir. Halbuki, bu qədər elmdən istifadə edərək Mehdiyyəti üzə çıxara bilərlər. İman olmasa mənən iflic olurlar.

Qadın üçün namusunu qorumaq çox asandır. Kişinin də namusunu qoruması çox asandır. Ağlına, vicdanına bağlıdır. İnsan ağılla, vicdanla, imanla özünü mühafizə edə bilər.

Əslində heç bir insan dinsiz ola bilməz. İnsanın yaradılışında, beyninin quruluşunda dinsiz olmaq gücü yoxdur. Yəni ALLAHI ƏN KƏSKİN ŞƏKİLDƏ İNKAR ETDİYİNİ DEYƏN İNSAN DA MÜTLƏQ ALLAHA İNANAR, LAKİN ŞÜBHƏ EDƏR. 50-% ehtimal verər. O da iman olar.

İnsanların Allaha təslim olmaması möcüzədir, iman həqiqətidir. Əsl iman təkcə qarışqanın həyatını, saatı araşdırmaq deyil. İNSANLARIN DÜNYAYA MEYL ETMƏSİNİ ARAŞDIRMAQ LAZIMDIR. BU, DAHA BÖYÜK BİR İMAN HƏQİQƏTİDİR.

Bizim təməlimiz iman üzərində qurulur. Yəni imanla yaşayacaq şəkildə yaradılırıq.

Allah tövbə etdiyi təqdirdə fironun belə tövbəsini qəbul edəcəyini bildirir. Heç bir insan üçün həyatda olarkən tövbə qapısı bağlanmaz. Hansı günahkar olursa olsun onu tövbəyə dəvət etməkdə məsuliyyət daşıyırıq. Tövbə hər cür günah üçün olar. "Bu adam üçün olmaz" demək çox sevgisiz bir dünyagörüşüdür, doğru deyil.

Öcalan yaxşılıq etmək istəyirsə, İslam Birliyini var gücü ilə açıq-aşkar dəstəkləsin və günahlarına görə tövbə etsin. Türk millətinin birliyi üçün, fitnənin millətimizin üzərindən qalxması üçün dua etsin.

Mömin olan kəs səhv etdiyi halda Allahdan bağışlanma diləyər. Allah bunu bəyənir. Bu, Allahın sevdiyi rəftardır. Allahın razılığını axtaran kəs bunu etməlidir. ''Ya Rəbbim! Məni bağışla, əfv et'' deməlidir. ''Əstəğfirullah, əstəğfirullah, əstəğfirullah'' Allah bunu bir gözəllik olaraq qəbul edir.

İnsan əgər dürüstcəsinə səhvini boynuna alıb etdiyi günahdan imtina edərsə, Allah bağışlayacağını bildirir.

Allahın bağışlamasını istəyirsənsə sən də bağışlayacaqsan. Qisas almayacaqsan. Dünyəvi cəzası nədirsə qanun çərçivəsində alır. Artıq o yetərlidir. Buna görə kinə, ədavətə ehtiyac yoxdur. Tövbə edər, qardaşın olar.

Firavan yaşadıqlarında Allaha qarşı böyük qrup halında, demək olar ki, dünya səviyyəsində birləşib üsyan qaldırırlar. Aclıq dərdi çəkdiklərində isə Allaha inanılmaz şəkildə dua edib yalvarırlar. Belə aclıq dərdi çəkmək nəyə lazımdır? Belə eləmə, ağıllı ol, Allaha tövbə et. Allaha həmd et. “Ey Rəbbim, Sən böyüksən” de, “Səni çox sevirəm” de, sənə bol-bol nemət versin. Niyə başına bəla axtarırsan? Niyə azğınlaşıb qudurursan? Niyə özünü alçaldırsan?

Bir xəta edir, günah işləyir, özünü həlak edir. İztirab çəkir. Allah səndən belə şey istəmir ki. Yalnız tövbə et deyir, normal həyatına davam et deyir. Özünü pərişan et demir. Bunlar anormal, müşriklərə məxsus hərəkətlərdir. Sonunda sənə həmin xətanı etdirən də Allahdır. Bir xeyir var. Bir daha etməməlisən, bu qədər. Qərar verməlisən, etməməlisən.

"Xəta elədikcə vicdan narahat olur, insan boğulurmuş kimi olur" deyir. Bu özünü şeytana boğdurmaqdan qaynaqlanır. Qardaşım bu nəyə lazımdır? Sən Allaha təvəkkül edirsən, tamam, Allaha tövbə edirsən. Tövbə nə deməkdir? Allahın tövbəni qəbul etməsini ümid edirsən. Onda niyə o vəziyyətə düşürsən? Deməli, belə çıxır ki, sən Allaha güvənmirsən. Xəta elədinsə taleyindəki xətanı edirsən. Bir daha etməməyə qərar verdinsə kifayətdir. Əzm etsən problem yoxdur.

Vəziyyətini, niyyətini düzəldən bir insana “sən münafiqsən”, “sən daha əvvəl belə idin”, demək olmaz. Düzəldisə əgər son halı əsasdır. Nə gözəl, sevin. Daha əvvəl sən necə idin? Sənin də dindən, imandan heç xəbərin yox idi, Allah hidayət nəsib etdi. İnsan düzəldiyində qəbul olar. Allah qəbul edir, sən onsuz da qəbul etməlisən.

Müşrik, münafiq, hər kim olsa da tövbə etsə Allah tövbəsini qəbul edəcəyini söyləyir. Allahın rəhmətindən ümid kəsən üslubdan qaçmaq lazımdır.

Bir insan dini yaşamağa başlamadan əvvəl bir çox səhv etmiş ola bilər. Ömrü boyu bu səhvlərin əzabını çəkmək Qurana görə doğru deyil. Müsəlman dini öyrəndikdən sonra əvvəl bilmədən etdikləri üçün tövbə edər və o mövzular bitər. Həmişə onun utancını yaşamaz.

Eyni yerdə həm açıq-saçıq geyinən xanım, həm də çarşablı xanım ola bilər. Hər birinə hörmət etməli, dəyər verməlisən. Bunu da əməli olaraq etmək lazımdır.