Adnan Oktar A9 TV; 16 avqust 2016

Dəccal dindarlıq iddiası, şirk dini və xurafatlarla ortaya çıxar. Dəccalın təqdim etdiyi xurafat dini marksizm kimi, darvinizm kimi tiryək təsiri göstərər.

Darvinizm də bir dindir. Kainatın yaradılışını öz aləmində təsadüflə izah edən inanc sistemidir, dəlili olmadığı halda buna iman gətirənlər var.

İngilis və Amerikan xalqını sevirik, şəfqət duyuruq. Lakin İngiltərə dərin dövləti Amerikanın da üzərində ağır təzyiq yaradır.

Bir çox İslam ölkəsinin bəzi rəhbərləri, sözü keçən adamlar İngiltərədə təhsil alır, İngiltərə dərin dövlətinin təsiri altına daxil olurlar. Buna görə də, demək olar ki, heç bir İslam ölkəsində İngiltərə dərin dövlətinin planlarından bəhs edilmir, halbuki müsəlman cəsarətlə həqiqəti söyləməlidir. Demək olar ki, hər İslam ölkəsində təhsil sistemi darvinizmə təslim edilmiş vəziyyətdədir.

Əvvəlcə "Chatham House"da keçirilən danışıqlar şəffaflaşdırılsın. Üst ağıl deyilən İngiltərə dərin dövlətinin şəffaflığı təmin edilsin. Türkiyə haqqındakı gizli planları ortaya çıxarılsın. Bunları gündəmə belə gətirə bilməyib, İngiltərə dərin dövlətinin oyununun təsiri altında qalaraq təriqət və camaatları hədəf almaq vicdanlı hərəkət deyil.

Xalqımız demaqoqluqdan, elmi səviyyəsi olmayan, boş danışıqlardan çox sıxılar, bəziləri diqqət çəkmək üçün boşuna bu üsuldan istifadə edirlər.

Bir dəccaliyyət komitəsi var, bir də haqq komitəsi var. Millətimiz və siyasətçilərimiz əsgəri və polisi ilə birlikdə haqq komitəsi oldu.

PKK-nın hər gün əhvali-ruhiyyəyə ehtiyacı var, buna görə də hər gün hücum edərək güclüyük bizə qoşulun mesajı verməyə çalışırlar. PKK-nın az güclə daha təsirli olmasının səbəbi ideoloji aktivlik və fəallıqdır. Onların bu aktivliyi qarşısında xalqın bir hissəsi yalnız öz evliliyi, məktəbi, işi, futbol matçı dərdində olur. Biganəlik yayıldıqda PKK az güclə təsir əldə edə bilir. Bu biganəlik aradan qalxmalıdır.

PKK-nın silahlı mübarizə ilə yox olmayacağını uzun illərdir deyən mənəm. Lakin heç kim həll yolunun darvinist-materialist birtərəfli təhsilin dayanması olduğunu söyləmir. Ortaya qoya bildikləri tək fikir PKK-nın silahla, təzyiqlə hakimiyyəti ələ almaqla qazandığı danışıq prosesinə qayıtmaqdır. Danışıq prosesinin son hədəfi isə Cənub-Şərqi Anadolu bölgəsinin Marksist-Leninist PKK-ya verilməsi və yaradılacaq kommunist dövlətin başına Öcalanın gətirilməsidir. Buna icazə vermərik.

Türkiyədə vətəndaş müharibəsi baş verməz, kürdlər, ələvilər və bütün millətimiz bir bütündür, eyni mədəniyyət və ruh içində birləşmişdir.

Bizim millətimiz qədər şəhidliyə susamış bir millət yoxdur. Şəhidliyə məhəbbətimiz çox güclüdür, belə millətə heç nə edə bilməzlər.

Heç kim ölkəmizi və millətimizi PKK ilə təhdid etməyə cəhd etməsin. Millətin lazımi hüquqi qarşılığı necə verdiyini gördükləri zaman təəccüblənərlər.

Dövləti gücsüz göstərmək üçün İmralıya hücum edilə bilər. İmralı da çox yaxşı qorunmalıdır.

PKK-nın həll yolundan anladığı Cənub-Şərqi Anadolu bölgəsində kommunist dövlət qurulması, Öcalanın əfv edilib qatillərin sərbəst buraxılmasıdır. Bunu əsla qəbul etmərik.

Şiələrdə etiqad mövzusu olan, əhli-sünnə inancında haqq olan mehdiyyəti dayandıracaqlarını zənn etmələri boş səydir.

Ələvilik nurdur, gözəllikdir. Yaradana sevgidir. İnsana, heyvana, bitkiyə, gözəlliyə sevgidir. Mövhumatçılığın qapısını sonuna qədər bağlayar.

İngiltərə dərin dövləti şiə qardaşlarımıza də əl atmış vəziyyətdədir. İngilis şiəliyi deyə ortaya atdıqları cərəyanla sünni-şiə çaxnaşmasını qızışdırırlar.

Sünni tərtəmiz insandır, İslamın bütün qanunlarına tabe olan insandır. Şiə, İslamın əsaslarını yerinə yetirən insandır. Sarıl bir-birinə, qardaş ol, dost ol. Niyə öldürüb, asıb kəsirsən? Birləşsən bütün dünyaya ədaləti yayacaqsan, dünyadakı fəlakəti yox edəcəksən. Dost ol, sevgiylə yaxınlaş.

Ələvi demək hz. Əli (r.ə.)-i sevən qəlb dostları deməkdir. Ələvi demək sevgi insanı deməkdir. İnsanları, heyvanları, bitkiləri sevən uca insan deməkdir. Ələvilərlə sünnilər, əlbəttə, qardaşdırlar. Ələvilər candır.

"Dövlət çevrilişlərinə qarşı xalq necə mübarizə aparmalıdır? Çevriliş necə dayandırılar?" Dünyada bununla əlaqədar indiyədək görülmüş elmi iş yoxdur. Orduda dövlət çevrilişinin qarşısını alacaq bir mexanizm olmalıdır. Dövlət çevrilişinə qarşı orduya təhsil verilməlidir. Dünyanın heç bir yerində belə təhsil sistemi yoxdur. Necə ki, işğala qarşı təhsil verilirsə, dövlət çevrilişinin qarşısını alacaq şəkildə əsgərin və polisin məlumatlandırılması və öyrədilməsi lazımdır. Dövlət çevrilişinə qarşı nə edilər, necə tədbir alınar, bunlar ümumiyyətlə bilinmir, xalq tamamilə bədahətən dövlət çevrilişinə qarşı dayanır.

İnsanlara filmlər və seriallarla da böyüklük və haşa ilah olmaq təlqini verilir. Şüur altı manipulyasiya edilir, buna qarşı diqqətli olmaq lazımdır.

İslam aləmi təxminən 300 ildir ki, yuxudadır, indi bu mənəvi yuxudan oyanma dövründəyik.

Bir insan sevgi insanı olmağı deyil, dəhşət və zorakılıq insanı olmağı seçirsə bu dəccaliyyətdir.

Münafiq qaranlıq dəhlizlərində pisliyini davam etdirəcəyini zənn edər. Mömin isə ağılla, elmlə ifşa edərək o gizli dünyanı məhv edər.

Mən həmişə məzlumu müdafiə edərəm, Tayyib hocam da məzlum olduğu üçün müdafiə edirəm. Quran əxlaqı məzlumu müdafiə etməyi tələb edir.