Adnan Oktar A9 TV; 6 yanvar 2016

Bağışlayıcı olmaq Allahın çox bəyəndiyi xarakterdir. Çünki intiqam, ruha nəfsani zövq verər. Bağışlamaq çox çətindir. Yəni iradə tələb edir, ağıl tələb edir. Çünki insan bağışlamaqla məmnunluq hissinə çata bilməz. Lakin intiqam almaqla məmnun olar. Bunun üçün Allah bağışlamağı əsas götürür.

Sevgidə qürur olmaz. Çünki qürur olduqda sevgi bitər. Qürur və bağışlamamaq sevginin zəhəridir. İnsanlar bundan ötrü sevgini davam etdirə bilmirlər. Lakin bağışlamaq, qürura nəzarət etmək və onu əzə bilmək sevginin yolunu sonuna qədər açar.

Gözəl əxlaqlı olum deməklə, insan gözəl əxlaqlı ola bilməz. Allahdan qorxaraq, Allahı sevərək gözəl əxlaqlı olunar. Yoxsa səxavətli ola bilməz. Birinə mal verdikdə insanın ürəyi yanar. Bağışlamaq qəribə şəkildə qəzəbləndirər. Əgər iman yoxdursa, Allah qorxusu yoxdursa bağışlamaq, çox əsəbiləşdirici haldır.

Ən gözəli bağışlayıcı olmaqdır, sülhsevər olmaqdır. Hər şeydə xeyir görməkdir. İnsan zəif yaradılmışdır, bəlaya tab gətirəcək şəkildə yaradılmamışdır. Birinə kin bəsləyir, bununla mübarizə aparır, başqasının üstünə qışqırır. Ona qarşı intriqa hazırlayır. Onsuz da kiçicik, zəif bədənin vardır. Bədənin bu qədər əzaba, bu qədər pisliyə necə tab gətirə bilər? Çox təmiz, dürüst və səmimi ol.

Bağışlamağın nəyə faydası var? Sevgiyə faydası var. Bu olmasa qəzəblənərsən, küsərsən, inciyərsən, əlaqəni kəsərsən. Onunla əlaqəsini kəsir, bununla əlaqəsini kəsir, nə olur? Tək qalır. Bu bütün dünyanın başındakı fəlakətdir. Bu dəfə də, evdə it-pişik saxlayır. Tək dostum bu deyir. Sevgi olmasa, Qurana tabe olmasan belə olar.

Allah: "Əfv et, yaxşı işlər görməyi əmr et və pis əməllərdən üz döndər" deyir. Bəs əfv etsək nə olar? Sevginin önündəki maneə aradan qalxar. Sevgi bir-biriylə birləşər. "Pis əməllərdən üz döndər". Pis əməl insanın qəlbini sıxar. Sevgini boğar. Üz döndərdiyin vaxt sevgini qorumuş olarsan. "Yaxşılığı əmr et", yaxşılığı əmr etdiyin vaxt, nə baş verər? Sevgi artar, sevgi yayılar.

Bağışlamaqla, əfv etməklə, sevginin önündəki bloku aradan qaldırırsan. Bağışladığın vaxt sevginin önündəki divarı dağıdırsan.

Müşrik, münafiq, hər kim olsa da tövbə etsə Allah tövbəsini qəbul edəcəyini söyləyir. Allahın rəhmətindən ümid kəsən üslubdan qaçmaq lazımdır.

Qatilləri bağışlamağa təşəbbüs edən kəs dünyanın ən alçaq, ən namərd, ən şərəfsiz, ən namussuz adamıdır. Bundan artıq şəxsiyyətsizlik düşünə bilmirəm. Bunlar və PKK-lı alçaqlar heç vaxt əfv edilməməlidir. Bunların əfv olunmasını istəyən daha alçaqdır.

Türkiyə üçün ən böyük təhlükə qatillərə amnistiya tətbiq edilməsidir. Belə olması Türkiyənin rəsmi surətdə məhv olması deməkdir. Əgər bir insan Mehmetciyi, polisləri qətlə yetirən kimsələri bağışlasa, deməli, o dünyanın ən alçaq, ən pis xarakterli adamıdır.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

İnsanları qazanmağa çalışmaq əhəmiyyətlidir. Hər insan səhv edə bilər, insanlara səhvini düzəltmə imkanı vermək lazımdır.

Mömin əfv edəndir, kin saxlamaz, qəzəblənməz. Möminlər arasında uzanan məsələ olmaz.

Şəfqət, mərhəmət, mülayimlik―Allahdan istədiyimiz bu deyilmi? Cənnətdə nə istəyirik? Allahın bizi bağışlamasını, bizə qarşı mülayim, şəfqətli və qoruyucu olmasını istəyirik. Biz də insanlara qarşı belə olmalıyıq.

Quru-quru sevgi olmaz. Sevginin qidası vardır, yoxsa sevgi ölər. Növbənöv qidası var. Birincisi səbir, ikincisi bağışlamaq, üçüncüsü səxavətli olmaq, başqalarını düşünmək, dərin, incə düşünmək, vəfa―saymaqla bitməz. O qidaları almadan sevgi yaşaya bilməz.

MÜSƏLMANIN NƏ EDƏCƏYİ MÜƏYYƏNDİR. ƏSƏBİLƏŞSƏ BELƏ ƏDALƏTLİ VƏ TƏDBİRLİ OLAR. Çünki Allahın onu gördüyünü, eşitdiyini bilir. Heç bir şəkildə ədalətdən, haqqdan ayrılmır. Müsəlman hər zaman məsum və bağışlayıcıdır. Amma DİNSİZ BİRİ OLDUĞUNDA DƏLİ OLUR, ƏSƏBDƏN ARTIQ İÇİNİ YEYİR.

Kasıblıq zahirən bir fitnə kimi, acı bir hadisə kimi görünür. Lakin kasıblıq insanları təvazökar, dindar və gözəl xasiyyətli edir. Nemətdən yaxşı anlayan, nemətin qədrini bilən edir.

Sən Allaha etibar etmirsənsə, Allah da sənin qarşına etibar edəcəyin insan çıxartmaz. Hamısını başına bəla edər. Sən Allaha qarşı mübarizə aparsan, bu zaman Allah da səninlə mübarizə aparar. Sən Allahı gücsüz hesab etsən, Allah da bu zaman sənin qarşına da gücsüz insanlar çıxardar.

Dünyadakı bütün fəlakətlərin mərkəzi Londondur. Hazırki Suriya rejiminin meydana gətirdiyi bütün fitnəni və zülmü İngiltərə dərin dövləti idarə edir. İraqdakı hadisələri İngiltərə dərin dövləti idarə edir. Vaxtı ilə Suriyanın sərhədlərini təyin edən İngiltərə dərin dövlətidir. Xətkeşlə çəkmişdir. Hal-hazırda PKK-nı dəstəkləyən də yenə İngiltərə dərin dövlətidir.

Müsəlman gələcək qorxusunu mütləq şəkildə tərk etməlidir. Sən Allaha güvənmirsən amma evinə güvənirsən, puluna güvənirsən. Allah həlak edər insanı. Allah bəla verdikdən sonra pulun olsa da nə faydası olar? Bu cür olmaz. Heç kim acından ölməmişdir. Bu günə qədər Allaha güvənən heç bir insana heç nə olmamışdır.

İnsanların müsəlman olmasına mane olan şey, gələcək qorxusudur. Yoxsa onlar Allaha, Qurana və İslama xidmət edərlər. Gələcək qorxusundan ötrü, bütün vaxtını pul toplamağa, karyera qurmağa və evlənməyə sərf edir.

Gələcək qorxusu haramdır, müsəlman bu cür düşünməməlidir. Hər anımızı Allah yaradar. Sənin aldığın bütün tədbirlər başına bəla olar. Misal üçün pul yığarsan, xərçəng xəstəliyinin müalicəsinə gedər o pul, yaxud müəyyən yolla əlindən çıxar. Ev alarsan, Allah başına uçurdar. Belə şeylərə güvənmək olmaz, təkcə Allaha güvənmək olar. Bu çox yanlışdır, həm də, Allah bunu xoşlamaz.

Gələcək qorxusu iman məsələsidir. İnsan imanı ilə buna qalib gələr. İmanına etibarının olmamağı, imtahandan məğlub çıxmasının əlamətidir. Bu qorxuya mütləq qalib gəlməlidir.

Müsəlmana romantiklik və qəzəbli olmaq yaraşmaz. Çünki müsəlman həmişə Allah ilə birlikdə hərəkət edən varlıqdır. Həmişə ağıllı və düzgün düşünməlidir. Çox qorxunc görünən hadisəni belə Allahın yaratdığını unutmamalıdır.