Adnan Oktar A9 TV; 14 may 2017

Mömin israrla özünü səthi olmaqdan, alçaqlıqdan qoruyar. Səthi insanların güldükləri şeylər çox keyfiyyətsizdir. Nəcib insan səthilikdən uzaq dayanar. Səthiliyə səthi olaraq qarşılıq vermək müsəlmana yaraşmaz. Müsəlmanın hər rəftarının nəcib olması lazımdır.

Qurana əsaslanan həqiqi İslam yaşanmış olsa İslam əxlaqı dünyaya sürətlə yayılar və hakim olar. Mövhumatçı İslam anlayışına qarşı, həqiqi İslamı izah etsək islamofobiya aradan qalxar və dünya zövqlə İslama yönələr.

Xəstəlik xüsusi yaradılar. Sağlamlıq da, xəstəlik də Allahın sənətidir. Xəstəlik qarşısında mömin təvəkküllüdür. Xəstəlik insanın təkəbbür hərisliyini, özündən razılığını və dünyaya aludə olub Allahı unutma təhlükəsini aradan qaldırar. Xəstəlik Allahın ledün sənəti içində gözəllikdir, cənnətə vəsilə olar.

Möminin zamanı çox yaxşı qiymətləndirməsi, zaman mühəndisi kimi davranması lazımdır. Yaxşı plan qurmaq lazımdır. Plan qurulmadıqda zaman insanı udar.

Zorakılığı zorakılıqla aradan qaldırmaq dəccaliyyət üsuludur. İslama görə pis yaxşı ilə, sevgisizlik sevgi ilə, ağılsızlıq ağılla yox edilər.

Mömin əfv edəndir, kin saxlamaz, qəzəblənməz. Möminlər arasında uzanan məsələ olmaz.

İslama görə dönülməyəcək heç bir səhv, günah yoxdur. Tövbə etsən dönərsən.

Möminin hər hərəkəti Allahın məmnuniyyəti üçündür. Allah möminin tək eşqidir. Allah rizası üçün edilən hər səy Eşqimizə göstərdiyimiz sevgidir.

Quran çərçivəsində ruhən və bədən cəhətdən özümüzü mükəmməlləşdirməklə məsuluq. Quran ruhu gözəlliyi artırmağı tələb edir.

İslam anlayışında malı yığıb toplamaq, pulu əldə tutmaq yoxdur. Pul və mal həmişə xərclənib paylanılarsa iqtisadiyyat çox güclü olar.

İslamda düşünmək vacibdir. Allahı xatırlayarkən, Allahın adlarını söyləyərkən də düşünərək, Allahı çox sevərək, mənasını bilərək söyləmək əhəmiyyətlidir.

Mömin hər an səmimi olacaq və səmimiyyət anlayışında heç fasilə olmayacaq.

İslamın gözəl cəhətlərindən biri insanın şəxsiyyətini dəyişdirməsidir. Xəsis olan comərd, qorxaq olan cəsur, qəzəbli olan təmkinli olar.

Müsəlman hər gün bir gözəllik yaranması üçün zəhmət çəkər. Hər gün dünyanın yaxşılaşması üçün səy göstərər. Tərəvəz satana gedən müsəlman; "nə gözəl, Allah növbənöv nemətlər yaradıb" desə İslama böyük xidmət etmiş olar. Yoldan bir zibil götürmək, bir insana gözəl söz söyləmək, xəstəliyi ilə maraqlanmaq müsəlmanın olduğu hər yerdə İslamın lehinə hərəkətdir.

Ziyalı, müasir Türkiyəni tam fərqli mövqeyə gətirməyə çalışanlar boşuna çalışırlar. Quran İslamı dünyaya hakim olacaq, mövhumatçılıq deyil.

Mövhumatçılıq İslamı daxilən çökdürmək üçün xüsusi istifadə etdikləri modeldir. Mövhumatçılıq əleyhinə çıxan müsəlmanları gördükləri zaman oyunları puç olur. Həyat dolu, şən, baxımlı, cazibəli, ağıllı, nəzakətli, keyfiyyətli müsəlmanlar olduğunu gördüyü zaman bütün dünya İslama qaçaraq gəlir. Buna görə də bizim izah etdiyimiz Quran İslamı, İslamiyyətə qarşı olanların heç xoşuna gəlmir. Bütün sistemlərini təməldən elmlə dağıtmış oluruq.

Əgər İslam Quranda izah edildiyi kimi yaşansa dünya cənnətə dönər. Mövhumatçıların izah etdiyi heç nə Quranda yoxdur. Mövhumatçılığın məntiqi davam etsə, Allah qorusun insanlar tamamilə İslamdan uzaqlaşar. Bu təhlükənin tək həll yolu Quran İslamıdır.

Bəziləri İslam əldən gedir deyə birdən-birə qəzəblənirlər, lakin əldən gedən İslam deyil, şirk dinidir. Yerinə həqiqi İslam, Quranın nuru hakim olacaq.

Nəciblik əhəmiyyətli məsələdir. İnsanların ötəriləşdiyi mühit və ya səthi insan, digərlərini narahat edər. Alçaq insan çox zəhlətökəndir. Nəcib insan çox qaneedicidir, nəcib insandan zərər gəlməz. Hətta xalq arasında: "Nəcib yolunu azmaz, bal iy verməz" deyərlər, bu məşhur ata sözüdür. Lakin alçaq, səthi insandan hər şey gözləmək mümkündür. Yaltaqlıq edər, öz mənfəətini güdər, eqoistlik edər. Amma nəcib insan buna tənəzzül etməz.

Sadəliyə sadəliklə cavab vermək müsəlmana yaraşmaz. Müsəlman soylu, zadəgan olmalıdır. İslamı zadəganlığı ilə təbliğ etməlidir. Səbirli olması ilə, hörmətli rəftarı ilə, sadə, iffətli rəftarı ilə diqqət çəkər.

Xurafatçılar çox qorxaq və alçaqdırlar. Yaltaqdırlar, vəziyyətdən asılı olaraq dəyişirlər .

Pərişan insanlar, mühit olmamalıdır. Orta şərqdə bu böyük bəla, keyfiyyətsizlik hakimdir. BÜTÜN İSLAM ÖLKƏLƏRİNDƏ KEYFİYYƏTİN ƏN YÜKSƏK DƏRƏCƏSİNİN HƏDƏFƏ ALINMASI LAZIMDIR.

Keyfiyyətsiz teatr, parklar, məsələn; keyfiyyətsiz əyləncə, musiqi, geyim çox təhlükəlidir. Keyfiyyətsiz evlər, küçələr, yəni hər tərəf cəhənnəmə dönər, Allah əsirgəsin. KEYFİYYƏTƏ ÖNƏM VERSƏK, TEZ BİR ZAMANDA İNKİŞAF EDƏR.

Dostlarım Allahı çox sevən, Allahdan qorxan, sevgini, mərhəməti bilən, nəzakətli, keyfiyyətli insanlardır. Bir çox insan dostluğumuzu qısqanır. Bizim dostluğumuzu qısqananlar öz cəhənnəm kimi dünyalarından qəzəblə bizi izləyirlər, biz öz cənnət kimi dünyamızda yaşayırıq.

Qurana möhkəm sarılmaq, Allahın hökmlərinə Allah sevgisi ilə güclü bağla sarılmaq insanın ruhən və bədən cəhətdən güclü olmasını təmin edər.