Adnan Oktar A9 TV; 16 sentyabr 2013

Dua Allah ilə əlaqə qurmaqdır. Ona görə də Allah Quranda duaya xüsusilə diqqət çəkir. Allah bəndələrinin Ona dua etməsini bəyənir, sevir. Çünki onunla bağlantı olur. Xristianlar da bu sirri bilib, dadını çıxarmışlar. Allah duaları qəbul edəndir. Bu çox əhəmiyyətli bir mövzudur.

Bədiüzzamana böhtan atıldıqca Allah ona sağlamlıq bəxş etmişdir. Bədiüzzaman həyatında bir dəfə də xəstəxanaya, həkimə getməmişdir. Çox sağlam idi.

Allahı təriflədikcə, öydükcə, Allaha dua etdikcə ağıl durular, insanın beynindəki təzyiq aradan qalxar. Əks halda beyin keyiyər, qapanar. Ağıl gedər, insan dəli olar.

Ev söhbətlərində dua etmək çox əhəmiyyətli bir məsələdir. Bir qardaşımızın dua etməsi, digərlərinin də ''Amin'' demələri lazımdır. Hər gün ya bizim kitablardan, ya da Qurandan ayə oxuyub, iman həqiqəti izah edib bunu yeniləmək lazımdır.

Allah bütün müsəlmanlara dua etməyin ləzzətini daddırsın.

Allaha dua et: "Ya Rəbbi, imanımı gücləndir. Sənə olan sevgimi artır" de. Elmi məlumat alarkən, öyrənərkən sıxılma, yorulma.

Bədən imanı tanıyır. Bədən və hüceyrələr imanı sevir. Hüceyrələr imanla xoşbəxt olar və haqqı ilə yaşamağa başlayar, sağlam yaşayar. Yəni xəstə olmaz. Əksinə olduqda isə xəstə olar.

Müsəlman ''Ya Rəbbim, mənə sonsuz sevgi, sonsuz səmimiyyət ver'' deyəcək. Eşqin sonu yoxdur. Çünki bura imtahan, yarış yeridir. Allah Quranda ''önə keçənlər'' deyir. Önə keçmək nə deməkdir? Təqvada önə keçmək, cəhd etmək, Allahın sevgisini qazanmaqdır.

Yatalaq xəstələrinə də çox mehribancasına yanaşmaq lazımdır. "Of" demək olmaz. Bu çox böyük bir zülm olar. Onlarla xoş davranmaq çox savabdır. İnsan qeyri-adi dərəcədə savab qazanar. Məsələn, namaz qılmağından bir savab qazanırsansa, bu rəftardan 10 min savab qazanarsan. Çünki, çətindir, asan şey deyil. Biz bura imtahan üçün gəlmişik. Səbir etməli, savab qazanmalıyıq, inşaAllah.

Allahın bu əsrdə möminlərə Şafi ismi ilə təcəlli edəcəyi hədisi-şəriflərdə bildirilmişdir. Hz. İsa Məsihin dövrü olduğu üçün şəfa yayılacaq. Allahın “Şafi” adı çox təcəlli edəcək, inşaAllah. Tezliklə bunu, inşaAllah, insanlar görəcək. Xərçəngin müalicəsi tapılacaq, inşaAllah. Bir çox xəstəliyə həll tapılacaq. Ömürlər uzanacaq, inşaAllah.

Sevgi ilə dərmanın nə əlaqəsi var? Sevgi dərmanı satılmır, heç yerdə elə şey yoxdur. SÖHBƏTİN, COŞĞUNUN, HƏYƏCANIN DƏRMANI OLMAZ, BÜTÜN BUNLAR TƏKCƏ İMANLA YAŞANAR.

Həqiqətən, xərçəng asan müalicəsi olan bir xəstəlikdir : dərmanlar şam kimi əridir. XƏRÇƏNG XƏSTƏSİNƏ MƏNƏVİ DƏSTƏK OLMAQ ÇOX ƏHƏMİYYƏTLİDİR. BAĞRINIZA BASIN, SEVGİ GÖSTƏRİN, SÖHBƏT EDİN, ƏHVALINI YÜKSƏLDİN, GƏZDİRİN, ŞƏN MÜHİT İÇƏRİSİNDƏ OLSUNLAR. Əgər vəziyyətin çətinliyini onlara bildirsəz, onları məhv etmiş olarsız.

Böyüklərimizi sevmək çox əhəmiyyətlidir. Birdə böyüklərdən, Allah əsirgəsin,xüsusilə, narahatlıqlarından bezmək çox böyük əxlaqsızlıqdır. Bezmək çox böyük tərbiyəsizlik, vicdansızlıqdır. Bir il, iki il, on il nə qədər uzun olsa, o qədər çox savab alınar.

Məsələn, bir çoxları başı ağrıyır "bir dərman at keçər" deyir. Elə olmaz, dərman bir vəsilədir. Onu dua olaraq qəbul etməlidir. AĞRINI ARADAN QALDIRAN YALNIZ ALLAHDIR.

Məsələn, xəstə olur, dərman alır, dərmana ümid bağlayır. DƏRMANIN BİR TƏSİRİ OLMAZ, HƏR ŞEYİ EDƏN ALLAHDIR. Qolu ağrıyır, qoluna masaj edir keçir, SƏNİN QOLUN ÜÇÜN MASAJI YARADAN DA ALLAHDIR, SAĞALDAN DA ALLAHDIR. DƏRMANI, MÜALİCƏNİ BÜTLƏŞDİRMƏK LAZIM DEYİL.

Xəstəliklərlə mübarizə aparmaq, problemli olmaq çox qiymətli bir imtahandır.

BÜTÜN HADİSƏLƏRİ ALLAH EDƏR, NEŞTƏRİ VURAN ALLAHDIR. İmtahan vermək üçün gəldik. Ruh olaraq da, bədən olaraq da tamamilə Allaha aidik.

ALLAHA daha çox yanaşmaq lazımdır. Allah təbii ki, sınayacaq. MÜTLƏQ ÇƏTİNLİKLƏRLƏ İMTAHAN VERƏCƏKSİNİZ. İmtahan qarşısında sadə insanlar tab gətirməyəcək, möhkəm insanlar isə tab gətirə biləcəklər.

NAMAZ BİR COŞĞUDUR. MEHDİYYƏTDƏ BÜTÜN İNSANLAR NAMAZ QILMAQ İSTƏYƏCƏK. Birliklə edilən ibadətlər daha gözəldir, coşğu içindədir. Suya necə möhtacsaq, namaz da bizim ruh sağlamlığımız və bədən sağlamlığımız ilə içi-içə olan bir sistemdir.

Bir gənc qız dərin imanı, sevgisi və nuraniliyi ilə yaşamış olsa, sağlamlıq, səhhət, ağıllı bir yetişdirilmə tərziylə yetişdirilmiş olsa bənövşələr kimi çox canlı və çox gözəl olar. Amma bunu etmirlər. "İmansız olsam nə olar?" deyir. Mənəvi cəhətdən ölür. Mənəvi cəhətdən öldükdə fiziki olaraq da ölür.

İnsan xəstələnir, dərman qəbul edir və "mən bu xəstəliyi dərmanla sağaldaram" deyir. Bu çox böyük səhvdir. Səmimi şəkildə: "Ey Rəbbim bu dərmanı vəsilə et" deməlisən. Yaxud yaralanır, bir şey olur, antibiotik qəbul edir, "vəssalam, bu sağaldar" deyir. Bu cür olmaz. Sən: "Ey Rəbbim bunu vəsilə et" deməlisən. Əks halda o dərmanı bütləşdirmiş olarsan. Dərmanı yaradan, dərmana o gücü verən Allahdır. Beynində onu sənə göstərən də Allahdır.

Allah dünyanı xüsusi olaraq nöqsanlı yaradıb, insanlar həmişə acizlik içindədir, xəstəliklər var. Lakin Allah hamısının dərmanını da, şəfasını da yaradıb.

İnsanın özünü dərmanın xilas edəcəyini zənn etməsi yanlışdır. Sağaldan Allahdır, dərman vəsilədir.

Möcüzələri həmişə yaşayırıq, düşünən fərqinə vara bilər. Allah düşünməyən insanlar üçün xüsusi tələ, yəni səbəb tələsi qurmuşdur. Səbəbin içində boğular və görə bilməz. Elə zənn edir ki, özü gəzir, oturur, yeyir, içir. Amma bütün bunları edən Allahdır. Bir yerə getmək istədiyi zaman Allah aparar.

Namazı huşu içində qılmaq ifadəsi, özünü itirmə demək deyil. Huşu səmimiyyət deməkdir. Allahla səmimi əlaqə quraraq açıq şüurla namaz qılmaqdır. Eşqlə Allahı sevməkdir. Huşu budur.