Adnan Oktar A9 TV; 20 oktyabr 2015

Sevgi dünyanın ən gözəl tərəfidir. Həyatın ən gözəl tərəfidir. Çünki sevgi imanla əlaqəlidir. Allahı sevən, təcəlli olaraq insanları da sevər.

Televiziya kanallarında əsas iman həqiqətləri mövzularını müzakirə etmək lazımdir. Hocalar çox vaxt keçmişdə yaşanmış hadisələrdən danışırlar. İnsanın imanının olub-olmadığı onları maraqlandırmır. Halbuki dünyadakı ən böyük problem, Allaha iman problemidir.

Vəsvəsəyə qarşı aparılan mübarizədə qalib gələnə imanlı deyilər. Vəsvəsə həmişə olar. Şeytan səndən əl çəkməyəcək. Bədiüzzaman: "Şübhə orduları gəlsə də təhqiqi iman yox olmaz" deyir. "Amma təqlidi iman məğlub olar" deyir. Bunun üçün də, biz iman həqiqətləriylə əlaqədar kitablar hazırlayıb bunları sizə çatdırırıq. Yəni şübhə ordularına qarşı mübarizə aparmağınız üçün. Bu mübarizə nəticəsində müsəlman qəhrəman olur, Allah Qatında dəyərli olur.

Sevgini verən Allahdır. Bu möcüzə olaraq meydana gəlir. Yəni ehtirası meydana gətirən Allahdır. Azğınlarda və dəlalətə düşənlərdə ehtiras olmur. Bunun üçün çalışırlar, lakin olmur. Nə etsələr də olmur. Filmlərdə bunu canlandırırlar, romanlarda canlandırırlar, lakin faktiki həyatda əsla alınmır. Niyə? Çünki bu iman gətirdikdə yaranan bir möcüzədir. İmanlı kişi və imanlı qadın arasında yaranan bir gözəllikdir.

Mənə imanlı olub da, çirkin olan bir insan göstərsinlər. Səmimi imanlı insan çirkin olmaz, əsla belə bir şey olmaz.

İman gətirəndə, hər şeyin sahibi olan, sonsuz gücə malik Allaha bağlanırsan. İnanılmaz dərəcədə rahat olursan. Meteorlar sanki göydə quzu kimi hərəkət edər möminlər üçün. Lakin onlar, dinsizlər üçün dəhşət saçan canavarlar kimidirlər. Məsələn, yerin altındakı maqma bizim üçün ilıq süd kimidir. Lakin dinsizlər üçün cəhənnəmdir, onu yandırıb kül edəcək bir cəhənnəm. Qəlbimiz yalnız Allahdan qorxduğumuza görə rahatdır. Biz yerin altındakı maqmadan qorxmuruq, yalnız Allahdan qorxuruq. Biz Allahın onu necə idarə edəcəyini bilirik, maqmanın Allahın əmrinə tabe olduğunu bilirik. Maqmanın hər atomunun Allahı zikr etdiyini bilirik. Hamısı Allaha boyun əymişdir.

Ömür boyu mömin olmuş bir insanın; "Görəsən öləndə imanımı qoruyub saxlaya biləcəyəm?" sualı ilə narahat olması şeytanın vəsvəsədir. Bunu düşünməyə qətiyyən ehtiyac yoxdur. Belə şey olmaz. Yəni əsas məsələ səmimi və şüur altında olan imandır. Yoxsa insanın ağlına çox şey gələ bilər, bunların heç bir əsası yoxdur. Allah buna bütöv formada baxar.

İman, şüur altındakı səmimi imana deyilər. Yoxsa insanın ağlı onsuz da gedib gələr. Yəni ağlından hər cür fikir keçər. Məsələn, bu doğrudurmu, bu yanlışdırmı.. Beyin budur. Beyindəki fikirlər qəribə fırtına kimidir. Bu imanla əlaqəli deyildir. Bunun adı vəsvəsədir. İman kök salmış bir şeydir. Yəni şüur və vicdanla sıx əlaqədə olan, qəlbən gətirilmiş səmimi qənaətə iman deyilər.

İnsan səmimiyyətsizdisə inkarçıları axtarar. Kitablarda, internetdə, orda-burda axtarar. İnkar edən insanları tapmağa çalışar. İnkar edənlərə heyranlıq duyar. Əvvəllər inkar edən dostlarını unuda bilməz. Onlarla xoşbəxt olmaq düşüncəsində olar.

Hüceyrəyə daxil olan İstanbul şəhərinə girmiş kimi olur. O qədər əhatəlidir. Sırf tək bir hüceyrədən belə Allahın varlığını qəti şəkildə anlayarsan.

Allah açıq-aydın şəkildə inkar edilir. Bu çox böyük uğursuzluq gətirər. Dünyanın başına gələn fəlakətin də səbəbi budur. Dünya bir fəlakət içində çırpınır, hər yer qan dənizidir. Hər yerdə iqtisadi böhran hakimdir. Hər yerdə bir fəlakət var. Darvinizm və materializmin bir yalan olduğu, yanlış məlumat olduğu elmi dəlillərlə izah edilməlidir. Başqa cür olmaz.

Allahın yaratma sənətini və böyüklüyünü dərk etmək Allahdan bərəkət gəlməsinə səbəb olar, sıxıntını yox edər, rahatlıq meydana gətirər. Allah unudulduqda isə acı və əzab insanın yaxasından əl çəkməz.

Allah mənəvi cəhətdən böyükdür. Allahın ölçü baxımından böyük olmasına ehtiyacı yoxdur. Çünki, Özü məkanın və zamanın xaricindədir. Məkan və zaman bizə görə vardır.

Darvinist, materialist təhsilə son verilmədiyi müddətcə dünyanı fəlakətlər bürüməyə davam edəcək. Allaha meydan oxunulan bir üslubdan istifadə edilir (əstəğfürullah), həmçinin bundan dünya səviyyəsində, bütün məktəblərdə istifadə edilir. Adamlar: "Allah yoxdur" deyir. "Darvinin dedikləri həqiqətdir. Təsadüfən yaradıldınız" deyirlər. Bunu Allah bəyənməz. Ona görə də dünyada bərəkət qalmadı. Hər yeri qan, bəla, əzab bürüdü. Getdikcə də artaraq davam edir. Söz eşitsinlər, bundan imtina etsinlər.

Allahın varlığından, Quranın həqiqətindən bəhs edən kitab, şeytanı qəzəbləndirən, möminin ruhuna gözəllik verən nemətdir.

Allahın ağlı möhtəşəm üstündür, lakin insanlar çox az qismini düşünüb görürlər.

Allahın mövcudluğunu inkar edən, kainatın təsadüflərin əsəri olduğunu söyləyən bir fəlsəfə ilə gəncləri öyrətmək uğursuzluq, fəlakət gətirər.

Ölümdən sonra iman edənlər heç bir çətinliklə qarşılaşmaz, ən kiçik qorxu və gərginlik yaşamazlar, inkar edənlər isə böyük qorxu yaşayarlar.

Qurana görə Allahın inkar edilməsi böyük zülm və nankorluqdur.

Allahın mövcudluğunu açıqca inkar edən və bütpərəst bir din olan darvinizmi elm kimi gənclərə zorla öyrətməyin günahı böyük olar.

Axirətdə təkcə Qurandan sorğu-sual ediləcəyik. Peyğəmbərimiz (s.ə.v)-in sünnəsi Qurandır.

Din yanlış izah edilir. Çox qorxunc və içindən çıxılmaz bir sistem kimi izah edilir. Allaha şükür, biz İslamın işıqlı üzü olaraq şeytanın oyununu pozduq. Yoxsa İslamafobiya bütün müsəlmanları məhv edəcək bir sistemdir.